ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຂ່ຳນັບຮັບຕ້ອນ ກອງປະຊຸມໃຫ່ຍຄັ້ງທີ XI
ຂອງ ພັກປະຊາຊົນປະຕິວັດລາວ ຢ່າງສຸດໃຈ

ກົມປິ່ນປົວ ແລະ ຫນ້າທີ່ການ ກະຊວງສາທາລະນະສຸກ ປະກອບສ່ວນຮັບໃຊ້ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ

ໃນໂອກາດທີ່ໄດ້ເຄື່ອນໄຫວຮັບໃຊ້ກອງປະຊຸມໃຫຍ່ຜູ້ ແທນທົ່ວປະເທດ ຄັ້ງທີ XI ຂອງພັກ ປະຊາຊົນ ປະຕິວັດລາວ ຈັດຂຶ້ນຢູ່ນະຄອນຫລວງວຽງຈັນ ໃນລະຫວ່າງວັນທີ 13-15 ມັງກອນ 2021 ຮອງສາດສະດາຈານ ດຣ ນາງ ບົວເທບ ພູມິນ, ຊ່ຽວຊານດ້ານຟື້ນຟູໜ້າທີ່ການ, ຮອງຫົວ ໜ້າກົມປີ່ນປົວ ແລະຟື້ນຟູໜ້າທີ່ການ ກະຊວງສາທາລະນະສຸກ ໃຫ້ສຳພາດຕໍ່ນັກຂ່າວວິທະຍຸກະຈາຍສຽງແຫ່ງຊາດລາວ ວ່າ: ກົມປິ່ນປົວ ແລະຫນ້າທີ່ການ ໄດ້ຈັດສັນແພດໝໍເຂົ້າຮ່ວມຮັບໃຊ້ກອງປະຊຸມໃຫ່ຍຄັ້ງນີ້ ຈໍານວນ 4 ທີມ, ສ່ວນທີມຮັກສາສຸຂະພາບປະຈຳຢູ່ຫໍປະຊຸມແຫ່ງຊາດປະ ກອບມີ 2 ຈຸດຄື: ຈຸດບໍລິການຮັບໃຊ້ບັນດາສະເພາະກົມການເມືອງການນໍາ ແລະແຂກພິເສດ ແລະ ຈຸດບໍລິການຮັບໃຊ້ທົ່ວໄປ ນອກຈາກນີ້ຍັງໄດ້ແຕ່ງຕັ້ງພະນັກງານແພດໝໍປະຈຳຢູ່ໂຮງແຮມທີ່ມີຜູ້ແທນກອງປະຊຸມພັກຢູ່ ຈຳນວນ 7 ຈຸດ, ໜ່ວຍລົດແພດມີ 5 ຈຸດ, ປະຈຳຢູ່ໂຮງໝໍມີ 3 ຈຸດ ພ້ອມດ້ວຍຢາສຸກເສີນ ແລະອຸປະກອນການແພດກຽມ ພ້ອມຄົບຊຸດ. ພິເສດໃນກອງປະຊຸມຄັ້ງນີ້ ມີແພດຟື້ນຟູ ແລະໜ່ວຍງານກາຍຍະບໍາບັດ ເພື່ອຊ່ວຍຜ່ອນຄາຍຄວາມເຄັ່ງຕຶງໃຫ້ບັນດາການນໍາກໍ່ຄືຜູ້ແທນທີ່ເຂົ້າຮ່ວມກອງປະຊຸມ ພ້ອມທັງເອົາແພດຊ່ຽວຊານທີ່ມີພຽງຄົນດຽວໃນປະເທດແກ້ໄຂສຸກ ເສີນກໍລະນີອຸບັດເຫດເສັ້ນເລືອດສະໝອງ ພ້ອມດ້ວຍຢາຄົບຊຸດ.
ຮອງສາດສະດາຈານ ດຣ ນາງ ບົວເທບ ພູມິນ ໃຫ້ຮູ້ຕື່ມວ່າ: ແພດຫມໍໃນຄວາມຮັບຜິດຊອບຂອງຕົນໄດ້ເຂົ້າປະຈໍາການເລີ່ມແຕ່ວັນທີ 9 ມັງກອນເປັນຕົ້ນມາ ເພື່ອບໍລິ ການຮັບໃຊ້ດ້ວຍຄວາມພ້ອມເຕັມທີ່ທັງດ້ານຮ່າງກາຍ, ຈິດໃຈ ແລະອຸປະກອນຄົບຊຸດ ຊື່ງນໍາໃຊ້ບຸກຄະລາກອນເກືອບທັງໝົດເກືອບ 100 ຄົນ.ການເຂົ້າຮ່ວມຮັບໃຊ້ກອງປະຊຸມໃຫ່ຍຜູ້ແທນທົ່ວປະເທດ ຄັ້ງທີ XI ຂອງພັກ ຖືເປັນກຽດຢ່າງຍີ່ງໃຫ່ຍໃນຊີວິດທີ່ໄດ້ທຸມເທ ແລະປຸກລະດົມອ້າຍນ້ອງແພດໝໍໃຫ້ມີຄວາມຮັບຜິດຊອບສູງທີ່ສຸດ ເພື່ອເຮັດໃຫ້ກອງປະຊຸມຄັ້ງນີ້ບັນລຸຜົນສຳເລັດຕາມຄາດໝາຍທີ່ວາງໄວ້.
ໂດຍ: ຈັນທະສອນ ສີຫານາດ