ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຂ່ຳນັບຮັບຕ້ອນ ກອງປະຊຸມໃຫ່ຍຄັ້ງທີ XI
ຂອງ ພັກປະຊາຊົນປະຕິວັດລາວ ຢ່າງສຸດໃຈ

ກົມອາຫານ ແລະ ຢາ ເອົາໃຈໃສ່ກວດກາຄວາມປອດໄພຂອງອາຫານຮັບໃຊ້ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ

ຮອງຫົວໜ້າກົມອາຫານ ແລະ ຢາ ກະຊວງສາທາລະນະສຸກ ຢັ້ງຢືນວ່າ: ອາຫານ ແລະ ເຄື່ອງດື່ມ ທີ່ສະໜອງຮັບໃຊ້ໃຫ້ແກ່ຜູ້ແທນທີ່ເຂົ້າຮ່ວມກອງປະຊຸມໃຫຍ່ຜູ້ ແທນທົ່ວປະເທດ ຄັ້ງທີ XI ຂອງພັກ ຮັບປະກັນຄວາມປອດໄພຕໍ່ສຸຂະພາບ.
ທ່ານ ນາງ ວຽງໄຊ ວັນສີລາລົມ ຮອງຫົວໜ້າກົມອາຫານ ແລະ ຢາ ກະຊວງສາທາລະນະສຸກ ໄດ້ໃຫ້ສຳພາດ ໃນໂອກາດທີ່ໄດ້ເຂົ້າຮ່ວມຮັບໃຊ້ໃນກອງປະຊຸມໃຫຍ່ ຜູ້ແທນທົ່ວປະເທດຄັ້ງທີ XI ຂອງພັກ ໃນວັນທີ 13 ມັງກອນ 2021 ນີ້, ທີ່ຫໍປະຊຸມແຫ່ງຊາດ ນະຄອນຫລວງວຽງຈັນ ວ່າ: ອາຫານ ແລະ ເຄື່ອງດື່ມທີ່ສະໜອງໃນກອງປະຊຸມໃຫຍ່ໃນຄັ້ງນີ້ ແມ່ນຕ້ອງຮັບປະກັນໄດ້ໃນຄວາມປອດໄພ ແລະ ຄຸນນະພາບ ເຊິ່ງກົມອາການ ແລະ ຢາ ໄດ້ມີການກວດກາຢ່າງເຂັ້ມງວດ, ໄດ້ມີການສົ່ງຕົວຢ່າງໄດ້ມີການສົ່ງຕົວຢ່າງມາກ່ອນ ແລ້ວພວກເຮົາກໍ່ໄດ້ມາກວດກັບທີ່ທຸກມື້ ເພື່ອເຮັດໃຫ້ອາຫານ, ນ້ຳ ຫລື ເຄື່ອງດື່ມ ທີ່ເຂົ້າມາສະໜອງໃນກອງປະຊຸມໃຫຍ່ໃນຄັ້ງນີ້ ຮັບປະກັນໄດ້ໃນສຸຂະພາບ ແລະ ຄວາມປອດໄພ.
ຮອງຫົວໜ້າກົມອາຫານ ແລະ ຢາ ກະຊວງສາທາລະນະສຸກ ໃຫ້ຮູ້ຕື່ມວ່າ: ກອງປະຊຸມໃຫຍ່ຄັ້ງນີ້ ເປັນບາດກ້າວໜຶ່ງທີ່ສຳຄັນໃນການເຮັດໜ້າທີ່ຮັບໃຊ້ ແລະ ມີຄວາມຮູ້ສືກພາກພູມໃຈທີ່ສຸດ ເພື່ອຮັບ ປະກັນດ້ານຄຸນນະພາບ ແລະມີຄວາມປອດໄພ ໂດຍມີບຸກຄະລາກອນທັງໝົດ 25 ຄົນ, ທີມງານປະຈຳຢູ່ກອງປະຊຸມມີ 5 ຄົນ ແລະ ທີມງານປະຈຳຢູ່ໂຮງແຮມທີ່ບັນດາຜູ້ແທນກອງປະຊຸມເຂົ້າພັກຢູ່ນອກຈາກນີ້, ທີມກົມອາຫານ ແລະ ຢາ ຍັງໄດ້ຕິດຕາມກວດກາເບິ່ງນ້ຳດື່ມ ແລະ ແຫລ່ງອາຫານທີ່ສະໜອງໃຫ້ໂຮງແຮມທີ່ບັນດາຜູ້ແທນໄດ້ພັກຕື່ມອີກ.
ໂດຍ: ຈັນທະສອນ ສີຫານາດ