ທ່ານ ນາງ ຈັນທະຈອນ ວົງໄຊ ປະທານສະມາຄົມນັກທຸລະກິດແມ່ຍິງ ເປັນປະທານພິທີຖະແຫຼງໃນວັນທີ 2 ກັນຍາ 2024, ທີ່ສະພາການຄ້າ ແລະ ອຸດສາຫະກໍາແຫ່ງຊາດລາວ ກ່ຽວກັບ ສປປ ລາວ ຈະເປັນເຈົ້າພາບຈັດກອງປະຊຸມ ຜູ້ປະກອບການແມ່ຍິງອາຊຽນ 2024.
ທ່ານ ນາງ ຈັນທະຈອນ ວົງໄຊ ໃຫ້ຮູ້ວ່າ: ມາຮອດປັດຈຸບັນ ການກະກຽມຄວາມພ້ອມໃນການເປັນເຈົ້າພາບຈັດກອງປະຊຸມຕ່າງໆໃນລະດັບອາຊຽນ ແລະ ກອງປະຊຸມອື່ນໆ ທີ່ປິ່ນອ້ອມໃນປີ 2024 ແມ່ນສໍາເລັດແລ້ວໂດຍພື້ນຖານ, ຄາດວ່າກອງປະຊຸມ “ຜູ້ປະກອບການແມ່ຍິງອາຊຽນ 2024 ລວມທັງພິທີມອບລາງວັນພິເສດຜູ້ປະກອບການແມ່ຍິງອາຊຽນ” ຈະຈັດຂຶ້ນຢ່າງເປັນທາງການ ໃນວັນທີ 4 ຕຸລາ 2024.
ທ່ານ ໃຫ້ຮູ້ຕື່ມວ່າ: ການຊຸກຍູ້ຜູ້ປະກອບການແມ່ຍິງໃນພາກພື້ນ ກຸ່ມປະເທດອາຊຽນໃນການສ້າງເຄືອຂ່າຍ ເຮັດທຸລະກິດຂອງຜູ້ປະກອບການແມ່ຍິງ ແລະ ຜູ້ມີສ່ວນຮ່ວມໃນກອງປະຊຸມດັ່ງກ່າວ, ເຊິ່ງເປັນຜົນປະໂຫຍດຢ່າງໃຫຍ່ຫລວງໃຫ້ທັງຜູ້ສະໜັບສະໜູນ ແລະເຈົ້າພາບຈັດກອງປະຊຸມຄັ້ງນີ້ຢ່າງແທ້ຈິງ ແລະ ເພື່ອເປັນການສະໜັບສະໜູນກອງປະຊຸມສຸດຍອດພາກທຸລະກິດ ແລະ ການລົງທຶນອາຊຽນ ຫຼື (ASEAN Business & Investment Summit-ABIS)ແລະຊົມເຊີຍທີ່ສປປລາວເປັນເຈົ້າພາບກອງປະຊຸມສຸດຍອດອາຊຽນໃນປີ 2024.
ຂ່າວ: ສະພາການຄ້າ ແລະ ອຸດສາຫະກໍາແຫ່ງຊາດລາວ
