ງານວຽງຈັນໂອໂຕໂຊ 2023 (Vientiane Auto Show 2023) ຈະຈັດຂຶ້ນໃນວັນທີ 25 ມີນາ ຫາ ວັນທີ 2 ເມສາ 2023 ທີ່ສູນການຄ້າພາກຊັນ (PARKSON) ນາກາດໍ (NAGA MALL), ນະຄອນຫລວງວຽງຈັນ ໂດຍ ຈະເລີ່ມຕັ້ງແຕ່ເວລາ 10 00ໂມງ – 20:00 ໂມງຂອງທຸກໆມື້.
ພິທີຖະແຫລງຂ່າວກ່ຽວກັບການຈັດງານດັ່ງກ່າວ ຈັດຂຶ້ນໃນວັນທີ 24 ກຸມພາ 2083 ທີ່ນະຄອນຫລວງວຽງຈັນ ໂດຍການຖະແຫລງຂ່າວຂອງ ທ່ານ ພະນາສີນ ສຸວັນນະວົງ, ປະທານບໍລິສັດອິດີແກນ ອີເວັນ, ທ່ານໃຫ້ຮູ້ວ່າ: ງານ ວຽງຈັນໂອໂຕໂຊ ເປັນກິດຈະກຳທີ່ຈັດຂື້ນໃນແຕ່ລະປີ ເພື່ອເຕົ້າໂຮມເອົາບັນດາຜູ້ຈຳໜ່າຍລົດຕ່າງໆ ໃນ ສປປ ລາວ ມາວາງສະແດງ ແລະ ແນະນຳຜະລິດຕະພັນລົດໃຫ້ແກ່ສັງຄົມໄດ້ຮັບຮູ້ ເຊິ່ງປັດຈຸບັນການພັດທະນາຂອງວົງ ການລົດໃນບ້ານເຮົາ ກໍຄືທົ່ວໂລກມີຄວາມກ້າວໜ້າດ້ານເຕັກໂນໂລຊີຢາງໄວວາ ແລະ ໄດ້ຮັບການພັດທະນາໃຫ້ແທດເໝາະກັບຄວາມຕ້ອງການໃນການໃຊ້ງານໃນຍຸກປັດຈຸບັນ ໂດຍສະເພາະການພັດທະນາລົດຍົນທີ່ໃຊ້ພະລັງ ງານໄຟຟ້າ ເພື່ອສົ່ງເສີມ ການຫຼຸດຜ່ອນການນຳໃຊ້ນ້ຳມັນເຊື້ອໄຟ ເຊີ່ງເປັນສາເຫດເຮັດໃຫ້ໂລກຮ້ອນ, ທັງເປັນການສົ່ງເສີມການນຳໃຊ້ພະລັງງານ ໄຟຟ້າ ຫຼື ພະລັງງານສະອາດ ເຊິ່ງ ສປປ ລາວ ຂຶ້ນຊື່ວ່າເປັນປະເທດໜຶ່ງທີ່ສາມາດຜະລິດໄຟຟ້າຊົມໃຊ້ເອງ ແລະ ທັງເປັນ ການຫຼຸດຜ່ອນຄ່າໃຊ້ຈ່າຍໃນການເດີນທາງອີກດ້ວຍ.
ທ່ານ ພະນາວິນ ສຸວັນນະວົງ ໃຫ້ຮູ້ຕື່ມວ່າ: ພາຍໃນງານວາງສະແດງຄັ້ງນີ້ ຈະມີບຸດລົດຈາກຫຼາກຫຼາຍຍີ່ຫໍ້ ເຂົ້າຮ່ວມ ເຊັ່ນ: ຮອນດ້າ ຟອດ, ຈາກົວແລນໂລເວີ ເອັມຈີ ເຈເອັມອີວີ, ເຊີລີ້, ມາສ໌ດ້າ, ເຊເລດ ແລະ ອື່ນໆ. ນອກຈາກນີ້ ພາຍ ໃນງານຍັງມີກິດຈະກຳແຈກຂອງລາງວັນຫຼາກຫຼາຍ ລວມມູນຄ່າຫຼາຍກວ່າ 100 ລ້ານກີບ ເພື່ອເປັນການຕອບ ແທນລູກຄ້າທີ່ໄດ້ມີການຈັບຈອງ ຫຼື ຊື້ລົດພາຍໃນງານ.
