ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກຽມປະກາດຈຸດສຸມບ້ານໃຫຍ່ນໍ້າເກິ່່ງເປັນຕົວເມືອງນ້ອຍໃນຊົນນະບົດ

ແຂວງບໍ່ແກ້ວ ກຽມປະກາດຈຸດສຸມບ້ານໃຫຍ່ນໍ້າເກິ່່ງ ຢູ່ເມືອງຕົ້ນເຜີ້ງ ເປັນຕົວເມືອງນ້ອຍໃນຊົນນະບົດ ພາຍໃນເດືອນສິງຫາ ປີ 2020 ເພື່ອແນໃສ່ປັບປຸງຊີວິດການເປັນຢູ່ຂອງປະຊາຊົນ ກໍ່ຄື ການພັດທະນາເສດຖະກິດ-ສັງຄົມຢູ່ຈຸດສຸມດັ່ງກ່າວໃຫ້ນັບມື້ດີຂຶ້ນເລື້ອຍຯ.

ທ່ານ ອ່ອນແກ້ວ ວົງມະນີ ກໍາມະການພັກເມືອງ, ເລ ຂາຄະນະພັກຮາກຖານບ້ານໃຫຍ່ນໍ້າເກິ່ງໃຫມ່ ໃຫ້ຮູ້ໃນໂອ ກາດທີ່ ທ່ານ ຄໍາເຈນ ວົງໂພສີ, ກໍາມະການສູນກາງພັກ, ຮອງຫົວໜ້າຄະນະໂຄສະນາອົບຮົມສູນກາງພັກ, ພ້ອມດ້ວຍຄະນະ ເຄື່ອນ ໄຫວຢ້ຽມຢາມ ແລະ ເຮັດວຽກຢູ່ແຂວງບໍ່ແກ້ວ ເພື່ອຕິດຕາມຊຸກຍູ້ການສ້າງຂະບວນການດ້ານຕ່າງໆ ເພື່ອເປັນຜົນງານຕ້ອນຮັບກອງປະຊຸມໃຫຍ່ຄັ້ງທີ XI ຂອງພັກປະຊາຊົນ ປະຕິບັດວັດລາວ ເມື່ອບໍ່ດົນມານີ້ ວ່າ: ພາຍຫລັງເລີ່ມສ້າງຈຸດສຸມບ້ານໃຫຍ່ນໍ້າເກິ່ງ ເພື່ອໃຫ້ກາຍເປັນຕົວເມືອງນ້ອຍໃນຊົນນະບົດມາດົນສົມຄວນ, ໂດຍອີງໃສ່ທິດຊີ້ນໍາຂອງຄະນະປະຈໍາພັກແຂວງບໍ່ແກ້ວ ຄະນະຮັບຜິດຊອບໄດ້ປະເມີນຄືນຕາມ 19 ມາດຖານທີ່ຂັ້ນເທີງກໍານົດເຫັນວ່າຄົບຖ້ວນທຸກມາດຖານ ເພາະໃນໄລຍະຜ່ານມາບ້ານໃຫຍ່ນໍ້າເກິ່ງ ມີພື້ນຖານໃນການພັດທະ ນາຢູ່ແລ້ວ ແລະ ເປັນຕົວແບບທີ່ດີຂອງເມືອງຕົ້ນເຜີ້ງ ເປັນຕົ້ນ: ວຽກງານພັກມີຄວາມເຂັ້ມແຂງ, ການຜະ ລິດເປັນສິນຄ້າມີຄວາມເຂັ້ມແຂງ, ຂະນະດຽວກັນກອງທຶນພັດທະ ນາແມ່ຍິງໃນບ້ານນັບມື້ເຕີບໃຫຍ່ຂະຫຍາຍຕົວ ເຮັດໃຫ້ມາຮອດປັດຈຸບັນມີເງິນກອງທຶນ 4 ຕື້ກ່ວາກີບ. ນອກຈາກນີ້ ການພັດທະນາວຽກງານໃນຂະແໜງການອື່ນຯ ໄດ້ຮັບຜົນສໍາເລັດຕາມທີ່ຄາດໝາຍໄວ້ ເຮັດໃຫ້ຈຸດສຸມດັ່ງກ່າວ ມີຄວາມພ້ອມແລ້ວທີ່ຈະໄດ້ຮັບການປະະກາດຂຶ້ນເປັນຕົວເມືອງນ້ອຍໃນຊົນນະບົດ.

ສໍາລັບຈຸດສຸມບ້ານໃຫຍ່ນໍ້າເກິ່່ງ ມີທີ່ຕັ້ງຫ່າງຈາກເທດ ສະບານເມືອງຕົ້ນເຜີ້ງ, ແຂວງບໍ່ແກ້ວ ໄປທາງທິດໃຕ້ປະ ມານ 23 ກິໂລແມັດ ປະກອບມີ 2 ບ້ານເປົ້າໝາຍທີ່ພົ້ນທຸກແລ້ວ ຄື: ບ້ານໃຫຍ່ນໍ້າເກິ່ງໃໝ່ ແລະ ບ້ານໃຫຍ່ນໍ້າເກິ່ງເກົ່າ (ໃນນັ້ນກໍານົດເອົາບ້ານໃຫຍ່ນໍ້າເກິ່ງໃໝ່ ເປັນບ້ານໃຈກາງໃນການພັດທະນາຈຸດສຸມ ) ມີພົນລະເມືອງທັງໝົດ 5.567 ຄົນ, ຍິງ 1.733 ຄົນ, ປະກອບມີ 7 ເຜົ່າ ຄື: ລື້, ໄຕເໜືອ, ໄຕດໍາ, ລາວ, ກຶມມຸ, ຍວນ ແລະ ເຜົ່າພູນ້ອຍ, ທັງ 2 ບ້ານມີທັງໝົດ 770 ຄອບຄົວເຊີ່ງພົ້ນທຸກໝົດແລ້ວ, ໃນນີ້ ມີຄອບຄົວພັດທະນາ 688 ຄອບຄົວ, ກວມເອົາ 89,35%, ມີອາຊີບຕົ້ນຕໍແມ່ນການປຸກຝັງ-ລ້ຽງສັດ, ເຮັດການບໍລິການ ແລະ ຄ້າຂາຍຈໍານວນໜຶ່ງ. ລາຍຮັບສະເລ່ຍຂອງບ້ານໃສ່ຫົວຄົນໄດ້ 9.800.000 ກີບ ຫລື ປະມານ 1.200 ໂດລາສະຫະລັດຕໍ່ຄົນຕໍ່ປີ.

ຈຸດສຸມດັ່ງກ່າວນີ້ ມີເນື້ອທີ່ນາປີທັງໝົດ 561,43 ເຮັກຕາ, ຜົນຜະລິດໄດ້ 2.328 ໂຕນຕໍ່ປີ, ໃນນັ້ນ ເນື້ອທີ່ນາແຊງ 197,8 ເຮັກຕາ, ສະເລ່ຍເຂົ້າກິນທີ່ຜະລິດໄດ້ໃສ່ປະຊາຊົນພາຍໃນເມືອງຜູ້ໜຶ່ງໄດ້ 646,66 ກິໂລຕໍ່ຄົນຕໍ່ປີ, ນອກຈາກນີ້ ຍັງໄດ້ຈັດຕັ້ງກຸ່ມການຜະລິດໄດ້ 6 ກຸ່ມ ຄື: ກຸ່ມລ້ຽງງົວ ມີ 13 ຄອບຄົວ ມີງົວ 232 ໂຕ, ກຸ່ມລ້ຽງໝູ ມີ 12 ຄອບຄົວ ມີ ໝູ 124 ໂຕ, ກຸ່ມລ້ຽງປາ ມີ 9 ຄອບຄົວ ມີໜອງປາ 14 ໜອງ, ກຸ່ມປູກໄມ້ໃຫ້ໝາກ ມີ 7 ຄອບຄົວ ມີເນື້ອທີ່ປູກທັງໝົດ 5,52 ເຮັກຕາ, ກຸ່ມປູກເຂົ້າມີ 36 ຄອບ ຄົວ ມີເນື້ອທີ່ປູກ 29,55 ເຮັກຕາ ແລະ ກຸ່ມປູກພືດຜັກ ມີ 40 ກ່ວາຄອບຄົວ ມີເນື້ອທີ່ປູກ 4,4 ເຮັກຕາ ແລະ ອື່ນຯ ອີກ.