ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກຽມເປີດໂຄງການບ້ານລາວມົງຄຸນ ເພື່ອສົ່ງເສີມສິນຄ້າແບຣນລາວ

ທ່ານ ນາງ ມຸກດາວັນ ແກ້ວວິໄລ ໃນນາມເຈົ້າຂອງໂຄງ ການບ້ານລາວມົງຄຸນ ພ້ອມດ້ວຍຄະນະ ຮ່ວມກັນຖະ ແຫລງຂ່າວຕໍ່ສື່ມວນຊົນ ໃນວັນທີ 14 ຕຸລາ 2020 ທີ່ບ້ານລາວມົງຄຸນ ຕັ້ງຢູ່ຮ່ອມ 9 ບ້ານທົ່ງຂັນຄຳ ເມືອງຈັນທະບູລີ ນະຄອນຫລວງວຽງຈັນ ກ່ຽວກັວການກະກຽມເປີດໂຄງ ການບ້ານລາວມົງຄຸນ ຢ່າງເປັນທາງການໃນວັນທີ 24 ຕຸລາ 2020 ນີ້.

ຈຸດປະສົງຂອງໂຄງການນີ້ ເພື່ອເປັນສູນລວມສິນຄ້າແບຣນລາວ ແລະ ເປັນການສົ່ງເສີມສິນຄ້າແບຣນລາວເຂົ້າສູ່ຕະຫລາດໃນພາກພື້ນ ແລະ ໃນໂລກ, ພ້ອມນີ້ ຍັງເປັນສົ່ງເສີມວັດທະນະທຳອັນດີງາມຂອງລາວໃຫ້ຄົງຢູ່ກັບຄົນລາວຕະຫລອດໄປ, ລວມເຖີງການໂຄສະນາ ແລະ ເຜີຍແຜ່ກ່ຽວກັບລົດຊາດອາຫານລາວໃຫ້ຕ່າງປະເທດຮັບຮູ້.

ທ່ານ ນາງ ມຸກດາວັນ ແກ້ວວິໄລ ໃຫ້ຮູ້ວ່າ: ໂຄງການບ້ານລາວມົງຄຸນ ຈະເປັນສູນຈຳໜ່າຍສິນຄ້າແບຣນລາວທີ່ມາຈາກແຕ່ລະທ້ອງຖິ່ນໃນທົ່ວປະເທດ, ລວມເຖີງຈະເປັນອີກສະຖານທີ່ໜຶ່ງເພື່ອຊິມ ຫລື ສຳຜັດກັບອາຫານລາວ, ລວມເຖີງບັນຍາດແບບລາວຯ ໃນສະໄໝກ່ອນ. ພາຍຫລັງເປີດໂຄງການຢ່າງເປັນທາງການໃນວັນທີ 24 ຕຸລາ 2020 ບ້ານລາວມົງຄຸນ ຈະຈັດຫລາຍກິດຈະກໍາໃນແຕ່ລະເດືອນ ໂດຍສະເພາະການຈັດຕະຫລາດກາງຄືເພື່ອຂາຍສິນຄ້າແບບດຽວກັບຕະຫລາດກາງຄືນຢູ່ຫລວງພະບາງ, ຖ້າຫາໂຄງການໄປໄດ້ດີໃນຕໍ່ໜ້າຈະຂະຫຍາຍໄປບັນດາແຂວງໃຫຍ່ໃນແຕ່ລະພາກ ໂດຍສະເພາະຢູ່ແຂວງຫລວງພະບາງ, ສະຫວັນນະເຂດ ແລະ ແຂວງຈຳປາສັກ.