ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກໍ​ລະ​ນີ​​ຜູ້ຕິດ​ເຊື້ອ ພະ​ຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອ​ຈຸ​ລະ​ໂລກ​ສາຍ​ພັນ​ໃຫມ່ ຫລື ໂຄ​ໂຣ​ນາ​ໄວ​ຣັດ ທີ່​ມີ​ຕົ້ນ​ກຳ​ເນີດ​ມາ​ຈາກ​ເມືອງ​ອູ​ຫັ້ນ ແຂວງ​ຮູເປີ່ຍ​ຂອງ​ຈີນ ເກີດ​ຂື້ນ​ຢູ່​ລາວແມ່ນ​ບໍ່​ມີ​ມູນ​ຄວາມ​ຈີງ ​

ໃນ​ກໍ​ລະ​ນີ​ທີ່​ມີ​ສື່ສັງຄົມອອນລາຍ ອອກ​ຂ່າວ​ຜ່ານ​ທາງ​ສື່​ອອນ​ລາຍ ໂດຍ​ລາຍ​ງານ​ວ່​າ ພົບ​ກໍ​ລະ​ນີ​​ຜູ້ຕິດ​ເຊື້ອ ພະ​ຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອ​ຈຸ​ລະ​ໂລກ​ສາຍ​ພັນ​ໃຫມ່ ຫລື ໂຄ​ໂຣ​ນາ​ໄວ​ຣັດ ທີ່​ມີ​ຕົ້ນ​ກຳ​ເນີດ​ມາ​ຈາກ​ເມືອງ​ອູ​ຫັ້ນ ແຂວງ​ຮູເປີ່ຍ​ຂອງ​ຈີນ ເກີດ​ຂື້ນ​ຢູ່​ລາວແມ່ນ​ບໍ່​ມີ​ມູນ​ຄວາມ​ຈີງ ​ປັດ​ຈຸ​ບັນ​ພາກ​ສ່ວນ​ກ່ຽວ​ຂ້ອງ​ພວມ​ເອົາ​ໃຈ​ໃສ່​ປ້ອງ​ກັນ​ພະ​ຍາດ​ນີ້​ຢ່າງ​ເຂັ້ມ​ງວດ.

ໃນ​ໂອ​ກາດ ຖະ​ແຫລງ​ຂ່າວ​ຕໍ່​ສື່ມວນ​ຊົນ​ຈັດ​ຂື້ນໃນ​ຕອນ​ບ່າຍ​ມື້​ນີ້(27)​ຢູ່​ຫ້ອງ​ປະ​ຊຸມ​ກະ​ຊວງ​​ສາ​ທາ​ລະ​ນະ​ສຸກ ຮອງ​ສາດ​ສະ​ດາ​ຈານ ດ​ຣ ບຸນກອງ ສີ​ຫາ​ວົງ ລັດ​ຖະ​ມົນ​ຕີ​ກະ​ຊວງ​ສາ​ທາ​ລະ​ນະ​ສຸກ​ໃຫ້​ຮູ້​ວ່າ:ປັດ​ຈຸ​ບັນຢູ່​ລາວ​ຍັງ​ບໍ່​ພົບ​ກໍ​ລະ​ນີ​​ຜູ້ຕິດ​ເຊື້ອ ພະ​ຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອ​ຈຸ​ລະ​ໂລກ​ສາຍ​ພັນ​ໃຫມ່ ຫລື ໂຄ​ໂຣ​ນາ​ໄວ​ຣັດທີ່​ມີ​ຕົ້ນ​ກຳ​ເນີດ​ມາ​ຈາກ​ເມືອງ​ອູ​ຫັ້ນ ແຂວງ​ຮູເປີ່ຍ​ຂອງ​ຈີນ​ຕາມ​ທີ່​ສື່​ສັງ​ຄົມ​ອອນ​ລາຍອອກຂ່າວເທື່ອ,ເປັນ​ພຽງ​ກໍ​ລະ​ນີ​ສົງ​ໃສ​ເທົ່າ​ນັ້ນ ເນື່ອງ​ຈາກ​ໄລ​ຍະ​ຜ່ານ​ມາ ​ມີ​ຄົນ​ຈຳ​ນວນ​ຫນື່ງ​ທີ່​ອາ​ໃສ​ຢູ່​ເມືອງ​ທີ່ເກີດ​ການ​ລະ​ບາດ​ເດີນ​ທາງ​​ເຂົ້າ​ມາ​ລາວ ແຕ່​ເຈົ້າ​ຫນ້າ​ທີ່​ກ່ຽວ​ຂ້ອງ​ຂອງ​ລາວ​ໄດ້​​ຕິດ​ຕາມກວດ​ກາ​ຕາມ​ຫລັກ​ວິ​ຊາ​ການ​ແພດ​ຢ່າງ​ເຂັ້ມ​ງວດ​ທີ່​ສຸດ​ແລະ​ໄດ້​ມາດ​ຕະ​ຖານ​ສາ​ກົນ ຈື່ງ​ສາ​ມາດ​ຢັ້ງ​ຢືນ​ໄດ້​ວ່າ​ບໍ່​ພົບ​ການ​ແຜ່​ລະ​ບາດ​ຂອງ​ເຊື້ອ​ພະ​ຍາດ​ດັ່ງ​ກ່າວ​ຢູ່​ລາວ,ສ່ວນ​ກໍ​ລະ​ນີ​ທີ່​ມີ​ຮູບ​ພາບ​​ຂອງພະ​ນັກ​ງານ​ແພດ​ຫມໍ​ນຸ່ງ​ເຄື່ອງ​ແບບ​ຄ້າຍ​ຄື​ກັບ​ການ​ປະ​ຕິ​ບັດຫນ້າ​ທີ່ ປີ່ນ​ປົວ​ຄົນ​ເຈັບຢູ່​ໂຮງ​ຫມໍ​ແຫ່ງ​ຫນື່ງ​ຂອງ​ລາວ ເປັນ​ການປະ​ຕິ​ບັດ​ຕາມ​ຫລັກ​ການ​ສາ​ກົນເພື່ອ ກວດ​ພະ​ຍາດ​ຄົນ​ເຈັບກ່ຽວ​ກັບ​ລະ​ບົບ​ທາງ​ເດີນ​ຫາຍ​ໃຈ​ ໃນ​ກໍ​ລະ​ນີ​ທີ່​ພົບການ​ແຜ່​ລະ​ບາດ​ຂອງ​ເຊື້ອ​ພະ​ຍາດ​ທີ່​ຮຸນ​ແຮງ ເຊີ່ງ​ບໍ່​ມີ​ສ່ວນ​ກ່ຽວ​ຂ້ອງ​ກັບ​ການ​ປີ່ນ​ປົວ​ ພະ​ຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອ​ຈຸ​ລະ​ໂລກ​ສາຍ​ພັນ​ໃຫມ່ ຫລື ໂຄ​ໂຣ​ນາ​ໄວ​ຣັດ ແຕ່​ຢ່າງ​ໃດ.

ຮອງ​ສາດ​ສະ​ດາ​ຈານ ດ​ຣ ບຸນກອງ ສີ​ຫາ​ວົງ ລັດ​ຖະ​ມົນ​ຕີ​ກະ​ຊວງ​ສາ​ທາ​ລະ​ນະ​ສຸກ​ໃຫ້​ຮູ້​ຕື່ມວ່າ:​ປັດ​ຈຸ​ບັນ​ກະ​ຊວງ​ສາ​ທາ​ລະ​ນະ​ສຸກ ພວມ​ປະສານສົມ​ທົບ​ກັບ​ພາກ​ສ່ວນ​ກ່ຽວ​ຂ້ອງ​ຕີດ​ຕາມ​ເຝົ້າ​ລະ​ວັງ​ໃນ​ທຸກ​ດ້ານ​ຢ່າງ​ໃກ້​ຊິດ ໂດຍ​ກຳ​ນົດ​ຈຸດ​ປະ​ສານ​ງານ​ຢ່າງ​ລະ​ອຽດ​ ມີ​ການ​ສອບ​ຖາມ​ຂໍ້​ມູນ​ຄົນ​ເຂົ້າ​ອອກ​ເມືອງ​ຢູ່​ຕາມ​ດ່ານ​ສາ​ກົນ​ຕ່າງໆ,ສະ​ຫນາມ​ບິນ​ສາ​ກົນ​ແຕ່​ລະ​ແຫ່ງ,ປະ​ສານ​ສົມ​ທົບ​ກັບ​ໂຮງ​ຫມໍ​ແຫ່ງ​ຕ່າງໆ ໂດຍ​ສະ​ເພາະ​ໂຮງ​ຫມໍ​ມະ​ໂຫ​ສົດ,ມິດ​ຕະ​ພາບ,ໂຮງ​ຫມໍ103 ແລະ ໂຮງ​ຫມໍ​ເສດ​ຖາ​ທິ​ລາ​ດ ກະ​ກຽມ​ບຸກ​ຄະ​ລາ​ກອນ​ການ​ແພດ,ລົດ​ຂົນ​ສົ່ງ​ຄົນ​ເຈັບ,ຫ້ອງ​ຄວບ​ຄຸມ​ການ​ຕິດ​ເຊຶ້ອ​ລວມ​ເຖິງ​ວຽກ​ງານ​ຈຳ​ເປັນ​ຈຳ​ນວນນ​ຫື່ງ​ເພື່ອ​ກຽມພ້ອມ​ຮັບ​ມື ຖ້າ​ພົບ​ກໍ​ລະ​ນີ​ສົງ​ໃສ​ໃຫ້​ໂທ​ແຈ້ງ​​ສາຍ​ດ່ວນຫມາຍເລກ166 ຕະ​ຫລອດ24ຊົ່ວ​ໂມງ,ນອກ​ນີ​ຍັງ​ຮຽກ​ຮ້ອງ​ໃຫ້​ທຸກ​ຄົນ​ໃນ​ສັງ​ຄົມ​ຫລີກ​ລ່ຽງ​ການ​ເດີນ​ທາງ​ໄປ​ເຂດ​ທີ່​ມີ​ການ​ລະ​ບາດ,ຫລື​ຊຸມ​ຊົນ​ແອ​ອັດ,ໃສ່​ຜ້າ​ອັດ​ປາກ,ຫລີກ​ລ່ຽງ​ການ​ສຳ​ພັດ​ຄົນ​ທີ່​ເປັນ​ໄຂ້,ໄອ,ເຈັບ​ຄໍ,ຫາຍ​ໃຈ​ຍາກ,ຫລີກ​ລ່ຽງ​ການ​ສຳ​ສັດ​ເປັນ​ຫລື​ຕາຍ ໂດຍ​ສະ​ເພາະ​ສັດ​ປ່າ​ທຸກ​ຊະ​ນິດ,ຖ້າ​ມີ​ອາ​ການ​ເປັນ​ໄຂ້,ເປັນ​ໄອ ແລະ ຮູ້​ສຶກ​ບໍ່​ສະ​ບາຍ​ຄວນ​ໄປ​ພົບ​ແພດ​ຫມໍ​ໂດຍ​ດ່ວນ.ສຳ​ລັບ​ຕົວ​ເລກ​​ການ​ລາຍ​ງານຜູ້​ຕິດ​ເຊື້ອ​ທີ່​ເປັນ​ພະ​ຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອ​ຈຸ​ລະ​ໂລກ​ສາຍ​ພັນ​ໃຫມ່ ຫລື ໂຄ​ໂຣ​ນາ​ໄວ​ຣັດ ໃນ​ຈຳ​ນວນ30ເມືອງ​ຂອງ​ຈີນ​ມາຮອດເວລາ16ໂມງຂອງວັນທີ27ມັງກອນມີຈໍານວນ 2823ກໍ​ລະ​ນີ,ເຈັບ​ຫນັກ 461 ກໍ​ລະ​ນີ ​ໃນ​ນີ້ເສຍ​ຊີ​ວິດ81​ກໍ​ລະ​ນີ ​ສ່ວນ​ການ​ສະ​ພາບ​ການ​ລະ​ບາດ​ຂອງ​ພະ​ຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອ​ຈຸ​ລະ​ໂລກ​ສາຍ​ພັນ​ໃຫມ່ ຫລື ໂຄ​ໂຣ​ນາ​ໄວ​ຣັດ ຈາກເມືອງ​ອູ​ຫັ້ນ ແຂວງ​ຫູ​ເປີຍ ໄປ​ບ່ອນ​ອື່ນ​ແມ່ນມີ​ຫລາຍ​ສົມ​ຄວນ ໃນ​ນີ້ຮົງ​ກົງ,8ກໍ​ລະ​ນີ,ມາ​ເກົ້າ5ກໍ​ລະ​ນີ ແລະ ໃຕ້​ຫວັນຂອງ​ຈີນ 4ກໍ​ລະ​ນີ,ໄທ7ກໍ​ລະ​ນີ,ຢີ່​ປຸ່ນ3ກໍ​ລະ​ນີ,ສາ​ທາ​ລະ​ນະ​ລັດ​ເກົາ​ຫລີ1ກໍ​ລະ​ນີ,ຫວຽດ​ນາມ2ກໍ​ລະ​ນີ,ສີງ​ກະ​ໂປ4ກໍ​ລະ​ນີ,ສະ​ຫະ​ລັດ​ອາ​ເມ​ລິ​ກາ3ກໍ​ລະ​ນີ,ຝ​ຣັ່ງ3ກໍ​ລະ​ນີ,ອົດ​ສ​ຕາ​ລີ4ກໍ​ລະ​ນີ,ມາ​ເລ​ເຊຍ4ກໍ​ລະ​ນີ ແລະ ກາ​ນາ​ດາ1ກໍ​ລະ​ນີ.
ຂ່າວ: ເດດອາລຸນ​ ແກ້ວວິໄລວົງ