ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ກຸ່ມບໍລິສັດເສັ້ນທາງລົດໄຟຈີນ ສາຂາຄຸນໝິງ ໃຫ້ຮູ້ວ່າ: ວັນທີ 5 ກໍລະກົດນີ້, ພາຍໃຕ້ການຮ່ວມມືຢ່າງແໜ້ນແຟ້ນ ລະຫວ່າງ ພາກສ່ວນເສັ້ນທາງລົດໄຟສອງປະເທດ ຈີນ-ລາວ, ຂະບວນລົດໄຟຂົນສົ່ງຜູ້ໂດຍສານສາກົນ ຕາມເສັ້ນທາງລົດໄຟ ຈີນ-ລາວ ໄດ້ແລ່ນລົດເຕັມ 1.000 ຂະບວນ ເຊິ່ງບໍ່ພຽງແຕ່ໄດ້ສ້າງຄວາມສະດວກໃຫ້ແກ່ການອອກເດີນທາງຂອງປະຊາຊົນ ທີ່ຢູ່ລຽບຕາມເສັ້ນທາງລົດໄຟເທົ່ານັ້ນ, ຍັງໄດ້ເສີມຂະຫຍາຍບົດບາດສຳຄັນໃນການຊຸກຍູ້ ການແລກປ່ຽນວັດທະນະທຳລະຫວ່າງສອງປະເທດ, ການຮ່ວມມືດ້ານເສດຖະກິດການຄ້າ, ການພັດທະນາອຸດສາຫະກຳການທ່ອງທ່ຽວ ແລະ ຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ດ້ວຍຄຸນນະພາບສູງອີກດ້ວຍ.
ນັບແຕ່ຂະບວນລົດໄຟຂົນສົ່ງຜູ້ໂດຍສານສາກົນ ຕາມເສັ້ນທາງລົດໄຟຈີນ-ລາວໄດ້ເລີ່ມເປີດບໍລິການເມື່ອວັນທີ 13 ເມສາ 2023 ເປັນຕົ້ນມາ, ໄດ້ຂົນສົ່ງຜູ້ໂດຍສານລວມທັງໝົດ 960.000 ເທື່ອຄົນ, ໃນນັ້ນມີຜູ້ໂດຍສານຂ້າມຊາດ 222.000 ເທື່ອຄົນ ເຊິ່ງມີຜູ້ໂດຍສານຈາກ 96 ປະເທດແລະເຂດແຄ້ວນໄດ້ເລືອກຂີ່ລົດໄຟ ຈີນ-ລາວ ອອກເດີນທາງ.