ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຂະບວນແຫ່ຮູບຫລໍ່ຊົງຊ້າງ ພຣະໄຊເຊດຖາທິຣາດ ເຄື່ອນຈາກນະຄອນຫລວງວຽງຈັນ ເພື່ອສະເຫລີມສະຫລອງ ຢູ່ແຂວງບໍລິຄໍາໄຊ ເປັນເວລາ 1ຄືນ

ພິທີສະເຫລີມສະຫລອງ ຢູ່ຫໍທໍາມະສະພາ ວັດທາດຫລວງເໜືອ ທີ່ດໍາເນີນມາແຕ່ວັນທີ 21 , ເວລາ 9ໂມງ ຕອນເຊົ້າວັນທີ 27 ກໍລະກົດ ນີ້ ຮູບຫລໍ່ຊົງຊ້າງພຣະເຈົ້າໄຊເຊດຖາທິຣາດ ໄດ້ຈັດພິທີເຄື່ອນຍ້າຍຈາກນະຄອນຫລວງວຽງຈັນ ເພື່ອໄປປະດິດສະຖານຢູ່ທີ່ຫໍພິພິດທະພັນ ໄຊເຊດຖາທິຣາດ ບ້ານຫ້ວຍຊາຍຂາວ ເມືອງໄຊເຊດຖາ ແຂວງອັດຕະປື.
ເຂົ້າຮ່ວມໃນພິທີ ມີທ່ານ ບົວເງິນ ຊາພູວົງ ຮອງລັດຖະມົນຕີກະຊວງຖະແຫລງຂ່າວ ວັດທະນະທໍາ ແລະທ່ອງທ່ຽວ ພ້ອມດ້ວຍພຣະເຖລາ ນຸເຖລະ ແລະມວນຊົນຊາວນະຄອນຫລວງວຽງຈັນຈໍານວນຫລວງຫລາຍ.
ສໍາລັບມື້ນີ້, ພາຍຫລັງຂະບວນແຫ່ຮູບຫລໍ່ຊົງຊ້າງພຣະເຈົ້າໄຊເຊດຖາທິຣາດ ໄປເຖິງແຂວງບໍລິຄໍາໄຊແລ້ວ ຈະຈັດພິທີສະເຫລີມສະຫລອງຢູ່ທີ່ນັ້ນ ເປັນເວລາ 1ຄືນ ເພື່ອໃຫ້ມວນຊົນໄດ້ປະກອບສ່ວນຕາມສັດທາຕໍ່ວິຣະກະສັດຜູ້ກ້າຫານຂອງລາວ, ຈາກນັ້ນ ຂະບວນແຫ່ຈະເຄື່ອນຍ້າຍໄປສະເຫລີມສະຫລອງຢູ່ແຂວງຕ່າງໆ ເຊັ່ນ: ຄໍາມ່ວນ, ສະຫວັນນະເຂດ ແລະແຂວງຈໍາປາສັກ ບ່ອນລະ1 ຄືນ ກ່ອນຈະອັງເຊີນໄປປະດິດສະຖານໄວ້ຫໍພິພິດທະພັນ ໄຊເຊດຖາທິຣາດ ໃນວັນທີ1 ສິງຫາຈະເຖິງນິີ້.
ໃນພິທີສະເຫລີມສະຫລອງແຕ່ລະມື້ຜ່ານມາ ໄດ້ມີປວງຊົນລາວບັນດາເຜົ່າ ຈາກນະຄອນຫລວງວຽງຈັນ ແຂວງຕ່າງໆ ໄດ້ເຂົ້າຮ່ວມ ໂດຍໄດ້ຟັງສູດປະຣິດຕະມຸງຄຸນ, ຟັງທໍາມະເທສະໜາປາຣະມີ 30 ທັດ ເສີມປາຣະມີ ຈາກພະສົງ 39 ອົງ.
ສະເພາະວັນທີ 26 ກໍລະກົດ 2020 ໄດ້ມີພິທີໃສ່ບາດ ຖວາຍທານ ແກ່ພຣະສົງຈໍານວນ 39 ອົງ ຢູ່ທີ່ຫໍທໍາມະສະພາ ວັດທາດຫລວງເໜືອ ໂດຍມີການນໍາພັກ-ລັດ ແລະມວນຊົນທົ່ວໄປເຂົ້າຮ່ວມຈໍານວນຫລາຍ.