ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ຂີ້ເຫຼັກເປັນຢາ

ຂີ້​ເຫຼັກ​ເປັນ​ຜັກ​ທີ່​ມີ​ຄວາມ​ຂົມເປັນ​ເອກະລັກ​ສະ​ເພາະ​ເຊິ່ງມີສານ​ອາຫານ​ຫຼາຍ​ຢ່າງ​ຄື:ວິຕາມິນ​ເອ ​ແລະ ວິຕາມິນ​ຊີ​

ຂ້ອນ​ຂ້າງ​ສູງ ທຸກໆສ່ວນ​ຂອງຂີ້​ເຫຼັກລ້ວນ​ແຕ່​ມີ​ສັບພະ​ຄຸນ​ເປັນ​ຢາ​ທີ່​ໃຊ້​ຮັກສາ​ໂຣກ​ໄດ້ຫຼາຍ​ຢ່າງ​ເຊັ່ນ:

ດອກ:ຮັກສາ​ໂຣກປະສາດ,ນອນ​ບໍ່ຫຼັບ,​ເຮັດ​ໃຫ້​ຫຼັບ​ສະບາຍ,ຮັກສາ​ໂຣກຫອບ​ຫືດ,​ໂຣກ​ໂລຫິດ​ພິການ,ຫຼຸດ​ຄວາມ

ດັນ​ເລືອດ,ຂັບ​ໄລ່​ພະຍາດ.

ຮາກ:ຮັກສາ​ປິ່ນປົວ​ໄຂ້,ບຳລຸງ​ທາດ,ທາ​ແກ້​ເສັ້ນ​ອຳມະພຶກ,​ເໜັບຊາ.

ລຳຕົ້ນແລະ ກິ່ງ:​ເປັນ​ຢາ​ລະ​ຍາຍ,ຮັກສາ​ໂຮ​ກຜິວໜັງ,​ແກ້ໜິ້ວ,ຂັບ​ປັດ​ສະວະ,​ແກ້​ລົງ​ຂາວ.

ທັງຕົ້ນ:ດັບ​ພິດ​ໄຂ້,​ແກ້​ພິດເສມຫະ,ຮັກສາ​ອາການ​ໂຕເຫຼືອງ,ຮັກສາ​ໂຣກໜອງ​ໃນ,​ ເປັນ​ຢາ​ລະບາຍ, ບຳລຸງ​ນ້ຳບີ,​ ເຮັດ​ໃຫ້​ເສັ້ນ​ເອັນ​ຄາຍ.

– ​ເປືອກຕົ້ນ:ຮັກສາ​ໂຮ​ກລິດ​ສີດ​ວງ,​ໂຣກຫືດ,​ເປັນ​ຢາ​ລະບາຍ.

ສ່ວນຂອງເນື້ອໄມ້ທີ່ຫຸ້ມແກ່ນ:ບຳລຸງ​ເລືອດ,ຄຸມ​ກຳ​ເນີ​ດ.

ຝັກ:​ແກ້​ພິດ​ໄຂ້,ຂັບ​ເສມຫະ,ສ່ວນ​ເປືອກ​ຝັກ​ໃຊ້​ແກ້​ເສັ້ນ​ເອັນ​ພິການ.

– ​ໃບ:ຮັກສາ​ໂຣກບິດ,​ເບົາຫວານ,​ແກ້​ຮ້ອນ​​ໃນ,ຮັກສາ​ຝີ,ຫຼຸດ​ຄວາມດັນ​ເລືອດ​ສູງ,ຂັບ​ພະຍາດ,ຂັບ​ປັດ​ສະວະ,​ແກ້ໜິ້ວ,ຮັກສາ​ອາການ​ນອນ​ບໍ່ຫຼັບ,ນອກຈາກ​ນັ້ນ​ໃຊ້​ໃບ​ຂີ້​ເຫຼັກ​ມາ​ບົ່ມ​ລວມກັບໝາກ​ໄມ້​ຈະ​ຊ່ວຍ​ໃຫ້ໝາກ​ໄມ້ສຸກ​ໄວ​ຂື້ນ.

 

* ວິທີໃຊ້ຂີ້ເຫຼັກຮັກສາ:

ອາການທ້ອງຜູກ:​ໃຊ້​ໃບຂີ້​ເຫຼັກ(ທັງ​ໃບ​ອ່ອນ ​ແລະ ​ແກ່) 4-5 ກຳມື​ມາ​ຕົ້ມ​ເອົາ​ນ້ຳ​ດື່ມ​ກ່ອນ​ອາຫານ ຫຼື ​ເວລາ​ທີ່​ມີ​ອາການ.

ອາການນອນບໍ່ຫຼັບ,ກັງວົນ,​ເບື່ອອາຫານ:​ໃຊ້​ໃບ​ແຫ້ງ ຫຼື ສົດ 30 ກຣາມມາ​ຕົ້ມ​ດື່ມ​ກ່ອນນອນຫຼື​ໃຊ້​ໃບ​ອ່ອນ​ດອງ​ກັບ​ເຫຼົ້າ(​ໃສ່​ເຫ໌ົ້າຂາວ​ພໍ​ຖ້ວມ​ຢາ)​ແຊ່​ເອົາໄວ້ 7 ມື້(ຕ້ອງ​ມີ​ການ​ຄົນ​ທຸກໆມື້ ມື້ລະ​ຄັ້ງ​ໃຫ້​ສະໝ່ຳສະ​ເໝີ)ຕອງກາກ​ຢາ​ອອກ​ຈະ​ໄດ້​ນ້ຳຢາດ​ອງ​ເຫຼົ້າຂີ້​ເຫຼັກ​ໃຫ້​ດື່ມ​ເທື່ອ​ລະ 1-2 ບ່ວງ​ຊາ​ກ່ອນ​ນອນ.