ຂຸນກອງແລງ ຕັ້ງຢູ່ບ້ານນາຄື ເມືອງຫີນບູນ ແຂວງຄໍາມ່ວນ ເມື່ອເດີນທາງອອກຈາກເທສະບານແຂວງຄຳມ່ວນ ແລ້ວໄປຕາມເສັ້ນທາງເລກທີ 13 ໃຕ້ ຂຶ້ນໄປທາງນະຄອນຫຼວງວຽງຈັນ ຮອດບ້ານຫ້ວຍແອກ (ໄລຍະທາງເລີ່ມຈາກທ່າແຂກ ຮອດບ້ານຫ້ວຍແອັກປະມານ 35 ກິໂລແມັດ) ແລ້ວລ້ຽວຂວາເຂົ້າໄປຫາຂຸນກອງແລງ ປະມານ 20 ກິໂລແມັດ (ລວມໄລຍະທາງ ແຕ່ທ່າແຂກ ຫາ ຂຸນກອງແລງ ປະມານ 55 ກິໂລແມັດ) ເຊິ່ງເປັນແຫຼ່ງທ່ອງທ່ຽວແບບອະນຸລັກທຳມະຊາດ ຍືນຍົງ ແລະ ສີຂຽວ ໂດຍການມີສ່ວນຮ່ວມຂອງປະຊາຊົນ ໄດ້ຮັບການສຳປະທານ ແລະ ພັດທະນາໂດຍບໍລິສັດ ອິນທຣາ ໂຄໂປເຣຊັ່ນ ຈຳກັດຜູ້ດຽວ ເຊິ່ງລວມມີຫຼາຍກິດຈະກຳການທ່ອງທ່ຽວ ໂດຍສະເພາະ ໂຮງແຮມ, ຣີສອດ, ຮ້ານອາຫານ, ສູນບໍລິການການທ່ອງທ່ຽວ, ມີກິດຈະກຳທີ່ຕິດພັນກັບທຳມະຊາດ (Green Adventures), ສູນສົ່ງເສີມ ແລະ ພັດທະນາການຜະລິດສິນຄ້າ, ສູນຈຳໜ່າຍສິນຄ້າ, ຂອງທີ່ລະນຶກຈາກຝີມືຂອງພໍ່ແມ່ປະຊາຊົນ (ODOP) ແລະ ອື່ນໆ.
ທ່ານ ພັນທະຈິດ ອິນທິລາດ ປະທານບໍລິສັດອິນທຣາ ໂຄໂປເຣຊັ່ນ ຈຳກັດຜູ້ດຽວ ໄດ້ໃຫ້ສຳພາດກ່ຽວກັບຄວາມເປັນມາ ແລະ ຄວາມຄືບໜ້າຂອງໂຄງການ ຕໍ່ສື່ມວນຊົນ ໃນວັນທີ 14 ທັນວາ 2023 ໃຫ້ຮູ້ວ່າ: ຍ້ອນຄວາມມັກຮັກໃນທຳມະຊາດ, ມັກການທ່ອງທ່ຽວແບບພະຈົນໄພ ແລະ ຍ້ອນເຫັນໄດ້ສັກກະຍະພາບຂອງແຂວງຄຳມ່ວນ ກໍ່ຄືເມືອງຫີນບູນ ໂດຍສະເພາະແມ່ນຂຸນກອງແລງ ທີ່ມີຊື່ສຽງໂດ່ງດັງມາໄດ້ຫຼາຍສິບປີ ແຕ່ຍັງບໍ່ໄດ້ຮັບການພັດທະນາ ທາງບໍລິສັດຈຶ່ງໄດ້ປຶກສາຫາລືກັບການນຳຂອງແຂວງ, ເມືອງ ແລະ ໄດ້ຂໍອະນຸຍາດສຶກສາໃນການສຳຫຼວດຄວາມເປັນໄປໄດ້ ເພື່ອພັດທະນາ ພ້ອມທັງສຶກສາທາງດ້ານຜົນກະທົບຕໍ່ສິ່ງແວດລ້ອມ ໃນປີ 2018 ໂດຍໃຊ້ເວລາສຶກສາສຳຫຼວດເກືອບ 01 ປີ ແລະ ໄດ້ຮັບການອະນຸມັດ ເຊັນສັນຍາສຳປະທານໃນປີ 2019 ຈາກນັ້ນໄດ້ເລີ່ມລົງມືບຸກເບີກ, ກໍ່ສ້າງພື້ນຖານໂຄງລ່າງ ເປັນຕົ້ນ: ການກໍ່ສ້າງຕາຝັາງເຈື່ອນ, ປູກປ່າຄືນໃໝ່, ດັດປັບທັດສະນິຍະພາບ, ສ້າງສິ່ງອຳນວຍຄວາມສະດວກ, ທີ່ພັກພາອາໃສ ເຊິ່ງໃຊ້ເວລາພັດທະນາມາໄດ້ປີກວ່າໆກໍ່ປະສົບບັນຫາການແຜ່ລະບາດຂອງພະຍາດໂຄວິດ-19 ບໍ່ສາມາດດຳເນີນຕໍ່ໄປໄດ້. ພາຍຫຼັງຈາກຜ່ານວິກິດການດັ່ງກ່າວແລ້ວ ຈຶ່ງໄດ້ກັບເຂົ້າມາພັດທະນາໂຄງການຕໍ່ ແລະ ໄດ້ປັບປຸງກິດຈະການຕ່າງໆໃຫ້ສົມບູນ ບໍ່ວ່າຈະເປັນກິດຈະກຳທີ່ຕິດພັນກັບທຳມະຊາດ ແລະ ແບບພະຈົນໄພ ເປັນຕົ້ນ: ສູນບໍລິການນັກທ່ອງທ່ຽວ (Clup House), ບ່ອນຈອດລົດ, ຣີສອດ (ເຮືອນແຄັບຊູນແບບທັນສະໄໝ, ເຮືອນໄມ້ໄຜ່, ເຮືອນຊົງລາວ), ສວນອາຫານ, ຮ້ານຂາຍເຄື່ອງຂອງທີ່ລະນຶກ, ຖະໜົນຄົນຍ່າ
