ຂົວຂ້າມແມ່ນໍ້າຂອງມິດຕະພາບ ລາວ- ໄທ ແຫ່ງທີ 5 ເຊື່ອມຕໍ່ ລະຫວ່າງແຂວງບໍລິຄຳໄຊ ສປປ ລາວ ຫາ ແຂວງບຶງການ (ຈັງຫວັດ ບຶງການ) ປະເທດໄທ ຈະເປີດນໍາໃຊ້ໃນປີ 2024 ນີ້, ຮອດປັດຈຸບັນນີ້ ໜ້າວຽກລວມສໍາເລັດແລ້ວຫລາຍກວ່າ 70%.
ໂຄງການກໍ່ສ້າງໄດ້ເລີ່ມລົງມື ແຕ່ວັນທີ 04 ມັງກອນ 2021 ເປັນຕົ້ນມາ ເຊິ່ງມີມູນຄ່າກໍ່ສ້າງທັງໝົດຫຼາຍກວ່າ 1,38 ຕື້ບາດ, ແບ່ງອອກເປັນສອງສັນຍາ ຄື: ສັນຍາທີ 1 ແມ່ນສັນຍາກໍ່ສ້າງຂົວຂ້າມນໍ້າຂອງ ລວງຍາວ 535 ແມັດ ໂດຍແມ່ນບໍລິສັດ ນະພາ ກໍ່ສ້າງ ຈຳກັດ (ຜູ້ຮັບເໝົາ) ບໍລິສັດ SIAM BBR ຮ່ວມກັນ ບໍລິສັດ VK International จำກັດຜູ້ດຽວ (ຄູ່ຮ່ວມສັນຍາ) ມູນຄ່າສັນຍາ 379.197.622,7 ບາດ ແລະ ສັນຍາທີ 2 ແມ່ນສັນຍາກໍ່ສ້າງ ທາງເຂົ້າຂົວ ແລະ ກໍ່ສ້າງອາຄານດ່ານກວດຄົນເຂົ້າ-ອອກເມືອງ ຮັບເໝົາໂດຍບໍລິສັດ ສະຫຼວງ ກໍ່ສ້າງ ຈຳກັດ ຮ່ວມກັບ ບໍລິສັດ ກໍ່ສ້າງ ວິສະວະກຳ ສາກົນ ທັນສະໄໝ ຈຳກັດ (AIEC) ມູນຄ່າສັນຍາ 773.180.000 ບາດ, ຂົວມີລວງຍາວທັງໝົດ 1.350 ແມັດ
ສໍາລັບ ໂຄງການກໍ່ສ້າງ ຂົວຂ້າມນໍ້າຂອງມິດຕະພາບ ລາວ-ໄທ ແຫ່ງທີ 5 ບໍລິຄໍາໄຊ-ບຶງການ ສະເພາະຝັ່ງລາວແມ່ນຕັ້ງຢູ່ເຂດບ້ານກ້ວຍອຸດົມ ເມືອງປາກຊັນ ແຂວງ ບໍລິຄໍາໄຊ ຫ່າງຈາກເທດສະບານ ແຂວງ ມາທາງທິດເໜືອ ຕາມທາງເລກ 13 ໃຕ້ປະມານ 10 ກິໂລ ແມັດ ແລະ ຫ່າງຈາກທາງ ເລກ 13 ໃຕ້ເຂົ້າໄປຫານໍ້າຂອງປະມານ 2.775 ແມັດ.
ຂ່າວ: ວຽງຈັນທາຍ
ພາບຈາກເພຈ: ລາວ-ไทย
