ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຂ່າວດີມື້ນີ້ ມີຜູ້ຕິດເຊື້ອໂຄວິດ-19 ຫນຶ່ງຄົນ ໄດ້ຮັບການປິ່ນປົວ ແລະກວດຫາເຊື້ອບໍ່ພົບຈະໄດ້ອອກໂຮງຫມໍໄປຕິດຕາມອາການຢູ່ເຮືອນ

ໂອກາດຖະແຫລງຂ່າວຕໍ່ສື່ມວນຊົນ ໃນວັນທີ​ 29​ ເມສາ​ນີ້​ດອກເຕີ​ ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ​ ໄດ້ຖະແຫລງວ່າ:
ປະຈຸບັນ ມີຜູ້ຕິດເຊື້ອນອນຕິດຕາມ ປິ່ນປົວຢູ່ໂຮງໝໍແຕ່ 12 ຄົນ. ຢູ່ໂຮງໝໍແຂວງຫຼວງພະບາງ ມີ 01 ຄົນ ເປັນເພດຊາຍ ໄດ້ກວດຫາເຊື້ອ 2 ຄັ້ງຕິດຕໍ່ກັນໃນ 24 ຊົ່ວໂມງ ບໍ່ພົບເຊື້ອ ຈະໄດ້ໃຫ້ອອກໂຮງໝໍໄປຕິດຕາມຢູ່ເຮືອນ. ຢູ່ໂຮງໝໍມິດຕະພາບ ມີ 11 ຄົນ ທັງໝົດເຫັນວ່າ ມີອາການເບົາບາງ, ຍັງຕິດຕາມເພື່ອກວດວິເຄາະຢັ້ງຢືນການບໍ່ພົບເຊື້ອ ຈຶ່ງໃຫ້ອອກໂຮງໝໍ.

ສຳລັບວຽກງານຕິດຕາມກວດຫາເຊື້ອ ໃນວັນທີ 28 ເມສາ 2020, ໄດ້ເກັບຕົວຢ່າງມາກວດທັງໝົດ 33 ຄົນ, ໃນນັ້ນ ຜູ້ມີອາການສົງໄສມາກວດຢູ່ໂຮງໝໍ 11 ຄົນ, ເກັບຕົວຢ່າງຜູ້ຕິດເຊື້ອມາກວດຄືນ 03 ຄົນ ແລະ ແຮງງານລາວທີ່ກັບມາຈາກປະເທດໄທ 19 ຄົນ (ແຮງງານທັງໝົດແມ່ນບໍ່ມີອາການ).

ໃນຈໍານວນຜູ້ມີອາການສົງໄສ 11 ຄົ ນນະຄອນຫຼວງວຽງຈັນ 09 ຄົນ
– ຈຳປາສັກ 01 ຄົນ
– ຄຳມ່ວນ 01 ຄົນ
• ສຳລັບແຮງງານລາວ ຈຳນວນ 19 ຄົນ ລາຍລະອຽດດັ່ງລຸ່ມນີ້:
– ສະຫວັນນະເຂດ 11 ຄົນ
– ຈຳປາສັກ 08 ຄົນ
• ຜົນກວດທັງໝົດ 33 ຄົນ ບໍ່ພົບເຊື້ອ. ໝາຍຄວາມວ່າໃນວັນທີ 28 ເມສາ 2020 ບໍ່ມີກໍລະນີໃໝ່.
• ນັບແຕ່ເດືອນມັງກອນ ຮອດ ວັນທີ 27 ເມສາ 2020 ໄດ້ເກັບຕົວຢ່າງມາກວດທັງໝົດ ມີ 1,917 ຕົວຢ່າງ, ກວດພົບເຊື້ອສະສົມ 19 ຄົນ (17 ມື້ແລ້ວທີ່ບໍ່ມີຜູ້ຕິດເຊື້ອເພີ່ມ).
• ສຳລັບຜູ້ສຳຜັດໃກ້ຊິດກັບຜູ້ຕິດເຊື້ອທັງໝົດມີ 313 ຄົນ ໄດ້ຄົບກຳນົດຕິດຕາມແລ້ວ.