ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຂ່າວທີ່ວ່າມີໝໍຊາວຈີນປະສົບຜົນສຳເລັດໃນການນຳໃຊ້ຢາພື້ນເມືອງມາຊ່ວຍປິ່ນປົວພະຍາດໂຄວິດ-19 ຢູ່ລາວ ເປັນພຽງ ຂ່າວປອມທີ່ບໍ່ມີມູນຄວາມຈິງ

ໃນໂອກາດຖະແຫຼງຂ່າວປະຈຳວັນກ່ຽວກັບສະພາບການແຜ່ລະບາດຂອງເຊື້ອພະຍາດໂຄວິດ-19 ໃນວັນທີ 2 ພຶດສະພາ 2020 ທີ່ກະຊວງສາທາລະນະສຸກ, ນະຄອນຫຼວງວຽງຈັນ, ທ່ານ ຮສ ປອ ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ ແລະ ຜູ້ປະຈໍາການຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ພະຍາດໂຄວິດ-19 ຊີ້ແຈງວ່າ: ຕໍ່ເຫດການຂ່າວລື່ທີ່ວ່າ ມີທ່ານໝໍມາຈາກ ສປ ຈີນ ທ່ານໜຶ່ງ ໄດ້ໃຊ້ຢາພື້ນເມືອງຈີນ ໃນການປີ່ນປົວຜູ້ຕິດເຊື້ອພະຍາດໂຄວິດ-19 ຢູ່ ສປປ ລາວ ໂດຍໄດ້ຮັບປະສິດທິຜົນສູງນັ້ນ, ຊຶ່ງຕໍ່ມາ ຂ່າວດັ່ງກ່າວກໍ່ໄດ້ກະຈາຍອອກຜ່ານສື່ສັງຄົມອອນລາຍ ວິແຊດ ຢ່າງວ່ອງໄວ ໂດຍໄດ້ອ້າງອີງ ຂໍ້ດີ ແລະ ຜົນສໍາເລັດຕ່າງໆຂອງໝໍຈີນທ່ານນີ້; ມາຮອດປະຈຸບັນ ເພື່ອບໍ່ໃຫ້ເກີດມີຄວາມສັບສົນຕໍ່ຂ່າວດັ່ງກ່າວ, ທາງກະຊວງສາທາລະນະສຸກ ຈຶ່ງຂໍແຈ້ງຢ່າງເປັນທາງການກ່ຽວກັບຂ່າວດັ່ງກ່າວນີ້ວ່າ ເປັນຂ່າວປອມ ແລະ ບໍ່ມີມູນຄວາມຈິງແຕ່ປະການໃດ, ໂດຍທາງສະຖານທູດສປ ຈີນ ປະຈໍາ ສປປ ລາວ ກໍ່ໄດ້ອອກມາຢັ້ງຢືນເອງເຊັ່ນດຽວກັນເຖິງການບໍ່ມີມູນຄວາມຈິງຂອງຂ່າວດັ່ງກ່າວ. ທ່ານ ຮສ ປອ ພູທອນ ເມືອງປາກ ໃຫ້ຮູ້ຕື່ມວ່າ: ໃນໄລຍະນີ້ ປະເທດເຮົາບໍ່ໄດ້ເຊື້ອເຊີນທ່ານໝໍຈາກຕ່າງປະເທດ ເຂົ້າມາຊ່ວຍເພື່ອຮັບມືໃນການປີ່ນປົວພະຍາດໂຄວິດ-19 ນີ້ ແຕ່ຢ່າງໃດ; ແຕ່ກ່ອນໜ້ານີ້, ແມ່ນໄດ້ມີທີມແພດຈີນ ເຂົ້າມາຊ່ວຍເຫລືອລາວເຮົາໃນການຮັບມື ແລະ ຕ້ານກັບພະຍາດໂຄວິດ-19 ແທ້, ຊຶ່ງໄດ້ຜ່ານການຮັບຮູ້ຈາກລັດຖະບານຂອງທັງສອງປະເທດ ແລະ ທີມແພດດັ່ງກ່າວ ກໍ່ໄດ້ຊ່ວຍເຫລືອປະເທດເຮົາໄດ້ຢ່າງມີປະສິດທິຜົນດີ ພ້ອມທັງ ໄດ້ເຮັດສໍາເລັດໜ້າທີ່ ແລະ ກັບຄືນປະເທດຈີນ ເປັນທີ່ຮຽບຮ້ອຍແລ້ວ, ແຕ່ກໍ່ຍັງມີອີກຈໍານວນໜຶ່ງທີ່ຍັງໄດ້ສືບຕໍ່ຊ່ວຍເຝົ້າລະວັງ ແລະປິ່ນປົວພະຍາດນີ້ຢ່າງເປັນທາງການຢູ່.