ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ຄະນະບໍລິຫານງານ ຄະນະກຳມະການພາຣາແລມປິກແຫ່ງຊາດລາວ ຫຼື ຄພລ ລົງຊຸກຍູ້, ສົ່ງເສີມ ແລະ ເຜີຍແຜ່ວຽກງານກິລາ-ກາຍະກຳຄົນພິການ ໃນລະຫວ່າງວັນທີ 3-4 ກໍລະກົດ 2024 ທີ່ພະແນກສຶກສາທິການ ແລະ ກິລາ ແຂວງສະຫວັນນະເຂດ ພາຍໃຕ້ການເປັນປະທານຮ່ວມໂດຍທ່ານ ນາງ ຂັນທະລີ ສີຣິພົງພັນ ອະດິດຮອງລັດ ຖະມົນຕີ ກະຊວງສຶກສາທິການ ແລະ ກິລາ ທັງເປັນປະທານຄະນະກຳມະການພາຣາແລມປິກແຫ່ງຊາດລາວ, ຮອງປະທານຄະນະກຳມະການໂອແລມປິກແຫ່ງຊາດລາວ ແລະ ທ່ານ ອະນຸສອນ ສຸດທິວົງ ຮອງຫົວໜ້າພະແນກສຶກສາທິການ ແລະ ກິລາແຂວງສະຫວັນນະເຂດ.
ກອງປະຊຸມຄັ້ງທີ ເປັນຄັ້ງທຳອິດ ທີ່ ຄພລ ໄດ້ຈັດຕັ້ງກອງປະຊຸມໃນລັກສະນະນີ້ຂື້ນ ໂດຍໄດ້ຮັບການສະໜັບະໜູນ ຈາກຄະນະກຳມະການພາຣາແລມປິກສາກົນ (IPC) ເພື່ອລົງຊຸກຍູ້, ສົ່ງເສີມ ແລະ ເຜີຍແຜ່ວຽກງານກິລາ-ກາຍຍະກຳຄົນພິການ ຢູ່ທີ່ 2 ແຂວງ ແລະ 1 ນະຄອນຫຼວງວຽງຈັນ ຊຶ່ງໄດ້ສຳເລັດການເຜີຍແຜ່ມາແລ້ວ ທີ່ນະຄອນຫຼວງວຽງຈັນ ແລະ ແຂວງສະຫວັນນະເຂດ ກໍເປັນແຂວງທີ່ 2 ແລະ ແຂວງສຸດທ້າຍ ແມ່ນແຂວງຫຼວງພະບາງ ຊຶ່ງຈະສືບຕໍ່ດຳເນີນລະຫວ່າງວັນທີ 10-11 ກໍລະກົດນີ້ ກອງປະຊຸມດັ່ງກ່າວ ມີຄວາມສຳຄັນຫຼາຍ ນອກຈາກຈະໄດ້ຮັບຟັງການເຜີຍແຜ່ກົດໝາຍວ່າດ້ວຍກິລາ-ກາຍຍະກຳ ບາງມາດຕາ ທີ່ຕິດພັນກັບວຽກງານກິລາຄົນພິການ ຍັງໄດ້ສັງລວມຂະບວການພັດທະນາກິລາ-ກາຍຍະກຳຄົນພິການລາວ ແລະ ເຜີຍແຜ່ດ້ານວິຊາການກ່ຽວກັບວຽກງານກິລາ-ກາຍຍະກຳຄົນພິການ ແລະ ບັນດາທ່ານຍັງຈະໄດ້ພ້ອມກັນເຂົ້າຮ່ວມການຈັດກິດຈະກຳກິລາມວນຊົນຄົນພິການ ເພື່ອຄັດເລືອກເອົານັກກິລາຄົນພິການ ທີ່ມີເງື່ອນໄຂ, ມາດຖານມາຝຶກ ແອບ-ຝຶກຊ້ອມ ເປັນນັກກິລາຮຸ່ນສືບທອດ, ເປັນຕົວແທນຂອງຊາດ ເຂົ້າຮ່ວມງານແຂ່ງຂັນກິລາຄົນພິການທັງພາຍໃນ ແລະ ຕ່າງປະເທດ.
ທ່ານປະທານ ຄພລ ກໍຍັງໄດ້ເຜີຍແຜ່ເນື້ອໃນກ່ຽວກົດໝາຍກິລາ-ກາຍະກຳ (ສະ ບັບປັບປຸງ) ແລະ ເຜີຍແຜ່ທຳມະນູນ ໂດຍສະເພາະ ກ່ຽວກັບ ພາລະບົດບາດຂອງ ຄພລ. ກອງປະຊຸມດຳເນີນເປັນເວລາສອງວັນໂດຍມີບັນດາຫົວໜ້າ-ຮອງຫົວໜ້າຫ້ອງການສຶກສາທິການ ແລະ ກິລາເມືອງ ຫຼື ສກມ 6 ເມືອງ ແລະ 2 ສະມາຄົມ ຈຳນວນ 50 ຄົນ.
ຂ່າວ-ພາບໂດຍ ສົງການ ພັນແພງດີ ລາຍງານຈາກແຂວງສະຫວັນນະເຂດ.