ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຄວບຄຸມໂຄວິດ19 ໄປພ້ອມກັບການປ້ອງກັນພະຍາດໄຂ້ຍຸງລາຍ

ດຣ. ນາງ ພອນປະເສີດ ໄຊຍະມຸງຄຸນ, ຮອງຫົວໜ້າ ກົມຄວບຄຸມພະຍາດຕິດຕໍ່, ກະຊວງສາທາລະນະສຸກ. ຖະແຫຼງໃນຕອນເຊົ້າວັນທີ 7 ກໍລະກົດນີ້ ເຖິງສະພາບ ການເຝົ້າລະວັງ COVID-19 ຢູ່ ສປປ ລາວວ່າ: ມື້ຜ່ານມາມີຜູ້ເດີນທາງເຂົ້າມາລາວທັງໝົດ 1,809 ຄົນ, ໃນນັ້ນຜ່ານດ່ານລາວໄທ 999 ຄົນ ຜ່ານດ່ານລາວ ຈີນ 34 ຄົນ, ຜ່ານດ່ານລາວ ຫວຽດນາມ 452 ຄົນ, ຜ່ານສະໜາມບິນສາກົນວັດໄຕ 324 ຄົນ ເຊິ່ງເດີນທາງມາແຕ່ຈີນ 185 ​ຄົນ ເປັນຄົນຈີນ 149 ຄົນ, ຄົນລາວ 115 ຄົນ, ຄົນຕ່າງປະເທດ 60 ຄົນ.

ວຽກງານກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດ: ວັນທີ 6 ກໍລະກົດ 2020, ໄດ້ເກັບຕົວຢ່າງມາກວດວິເຄາະທັງໝົດ 378 ຄົນ, ໃນນັ້ນແຮງງານລາວມາແຕ່ໄທ 229 ຄົນ, ແຮງງານຈີນ 101 ຄົນ, ກໍລະນີສົງໄສ 47 ຄົນ ແລະ ຜູ້ປິ່ນປົວຫາຍດີກັບມາກວດຄືນ ຄືກໍລະນີທີ 7 ພາຍຫຼັງຄົບກຳນົດຈຳກັດບໍລິເວນ 28 ວັນ, ຜົນກວດທັງໝົດແມ່ນ ບໍ່ພົບເຊື້ອ 86 ມື້ແລ້ວທີ່ບໍ່ພົບຜູ້ຕິດເຊື້ອໃໝ່.

ດຣ. ນາງ ພອນປະເສີດ ໄຊຍະມຸງຄຸນ, ໃຫ້ຮູ້ອີກວ່າ: ໄປພ້ອມກັບການປ້ອງກັນໂຄວິດ19ແລ້ວ ພວກເຮົາຕ້ອງເອົາໃຈໃສ່ປ້ອງກັນພະຍາດໄຂ້ຍຸງລາຍຕື່ມອີກ ເພາະປະຈຸບັນທົ່ວປະເທດມີຜູ້ຕິດເຊື້ອສະສົມທັງໝົດ 2,564 ຄົນ, ສະເພາະວັນທີ 6 ກໍລະກົດ ມີຜູ້ຕິດເຊື້ອເພີ່ມອີກ 58 ກໍລະນີ , ນະຄອນຫຼວງວຽງຈັນ ມີຜູ້ຕິດເຊື້ຶອເຖິງ 584 ຄົນ, ແຂວງວຽງຈັນ 317 ກໍລະນີ, ບໍລິຄຳໄຊ 329 ກໍລະນີ  ແລະ ແຂວງອັດຕະປື 238 ກໍລະນີ. ມີຜູ້ເສຍຊີວິດທັງໝົດ 7 ຄົນ, ນະຄອນຫຼວງ 3 ຄົນ, ບໍລິຄຳໄຊ 2 ຄົນ, ຄຳມ່ວນ 1 ຄົນ ແລະ ໄຊຍະບູລີ 1 ຄົນ.