ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
I. ຄໍາຂວັນ:
“ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ”
“ASEAN: Enhancing Connectivity and Resilience”
• ພາກພື້ນອາຊຽນ ກໍຄື ພາກພື້ນອື່ນຂອງໂລກ ຍັງສືບຕໍ່ປະເຊີນກັບສິ່ງທ້າທາຍຕ່າງໆ ລວມທັງຄວມຫຍຸ້ງຍາກດ້ານເສດຖະກິດ-ການເງິນ ຊຶ່ງເຖິງວ່າຈະເລີ່ມມີການຟື້ນຕົວ ແຕ່ກໍ່ຍັງອ່ອນໄຫວ ແລະ ບໍ່ຮັບປະກັນວ່າ ຈະມີຄວາມຍືນຍົງ. ນອກຈາກນັ້ນ ກໍ່ຍັງມີການປ່ຽນແປງຂອງດີນຟ້າອາກາດ, ໄພພິບັດທາງທຳມະຊາດ, ທາງດ້ານຄວາມໝັ້ນຄົງກໍ່ຍັງມີສີ່ງທ້າທາຍຈາກຄວາມໝັ້ນຄົງ ທັງແບບເກົ່າ ແລະ ແບບໃໝ່. ຕໍ່ສະພາບການດັ່ງກ່າວ, ການເພີ່ມທະວີການເຊື່ອມຈອດ ແລະ ຄວາມເຂັ້ມແຂງ ມີຄວາມສຳຄັນຢ່າງຍິ່ງໃນການຮັບປະກັນໃຫ້ແກ່ຄວາມພະຍາຍາມລວມຂອງອາຊຽນໃນການຮັດແໜ້ນປະຊາຄົມໃນຕໍ່ໜ້າ ເພື່ອສາມາດນໍາໃຊ້ບັນດາກາລະໂອກາດ ແລະ ຮັບມືກັບສິ່ງທ້າທາຍຕ່າງໆໄດ້ຢ່າງມີປະສິດທິຜົນ.
• ດັ່ງນັ້ນ, ຈຶ່ງເຫັນໄດ້ຄວາມຈຳເປັນສຳລັບອາຊຽນໃນການເພີ່ມທະວີການເຊື່ອມຈອດ ແລະ ຄວາມເຂັ້ມແຂງ ໂດຍຜ່ານການສົ່ງເສີມການຮ່ວມມືອາຊຽນ ພາຍໃຕ້ 3 ເສົາຄ້ຳປະຊາຄົມອາຊຽນ, ການເຊື່ອມຈອດດ້ານພື້ນຖານໂຄງລ່າງ, ການຮັດແຄບຄວາມແຕກໂຕນທາງດ້ານການພັດທະນາ, ການເຊື່ອມໂຍງທາງດ້ານເສດຖະກິດຫຼາຍຂຶ້ນ ແລະ ການໄປມາຫາສູ່ລະຫວ່າງປະຊາຊົນ ແລະ ການເສີມຂະຫຍາຍການພົວພັນຮ່ວມມືອາຊຽນກັບຄູ່ຮ່ວມມືພາຍນອກ ໂດຍການຮັກສາບົດບາດ ແລະ ຄວາມເປັນແກນກາງຂອງອາຊຽນ ໃນໂຄງສ້າງການຮ່ວມມືຂອງພາກພື້ນທີ່ພວມຜັນປ່ຽນ.
• ສະນັ້ນ: ສປປ ລາວ ຈຶ່ງໄດ້ກໍານົດເອົາຄໍາຂວັນສໍາລັບປະທານອາຊຽນຂອງ ສປປ ລາວ ໃນປີ 2024:
“ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ” ຫຼື ພາສາອັງກິດແມ່ນ “ASEAN: Enhancing Connectivity and Resilience”.
II. ກາໝາຍ ສໍາລັບການເປັນປະທານອາຊຽນຂອງ ສປປ ລາວ ໃນປີ 2024
ປະກອບດ້ວຍ 4 ສີ ຂອງທຸງ ແລະ ກາໝາຍອາຊຽນ
• ຮູບວົງມົນ ເປັນສັນຍາລັກຂອງໜ່ວຍໂລກ ແລະ ສະແດງເຖິງການຮ່ວມມື ອາຊຽນ ກັບພາຍນອກໃນທົ່ວໂລກ.
• ອົງປະກອບນີ້ແມ່ນຮູບຕົວໜັງສື “C” ໝາຍເຖິງ “Connectivity” ຫຼື ພາສາລາວ “ການເຊື່ອມຈອດ”
• ອົງປະກອບນີ້ແມ່ນຮູບຕົວໜັງສື “R” ໝາຍເຖິງ “Resilience” ຫຼື ພາສາລາວ “ຄວາມເຂັ້ມແຂງ”.
ສີຕ່າງໆ ແມ່ນສີຂອງທຸງ ແລະ ກາໝາຍອາຊຽນ ຄື: ສີແດງ, ສີຟ້າ, ສີເຫຼືອງ ແລະ ສີຂາວ.
• ສີແດງ: ໝາຍເຖິງ ຄວາມກ້າຫານ ແລະ ຄວາມເຂັ້ມແຂງ (courage and dynamism)
• ສີຟ້າ: ໝາຍເຖິງສັນຕິພາບ ແລະ ສະຖຽນລະພາບ (peace and stability)
• ສີເຫຼືອງ: ໝາຍເຖິງ ຄວາມອຸດົມສົມບຸນ (prosperity)
• ສີຂາວ: ໝາຍເຖິງຄວາມສະອາດສົດໃສ (purity)
• ຄຳວ່າ “ASEAN” ທີ່ມີການປະສົມປະສານລາຍລາວ ແມ່ນສະທ້ອນໃຫ້ເຫັນ ວັດທະນະທໍາ ກໍຄືສິນລະປະຂອງລາວ.
• ຄຳວ່າ “Lao PDR 2024” ໝາຍເຖິງ ສປປ ລາວ ເປັນປະທານອາຊຽນ ໃນປີ 2024.
• ຄຳວ່າ “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ” “ASEAN: Enhancing Connectivity and Resilience” ແມ່ນຄໍາຂວັນການເປັນປະທານອາຊຽນຂອງ ສປປ ລາວ ໃນປີ 2024.