ວັນທີ 22 ຕຸລາ 2020 ສະມາຄົມຄອບຄົວການນຳແຂວງສະຫວັນນະເຂດນຳໂດຍທ່ານນາງວິລາວັນ ພົມວິຫານ ພັນລະຍາທ່ານສັນຕິພາບ ພົມວິຫານ ເຈົ້າແຂວງສະຫວັນນະເຂດພ້ອມດ້ວຍຄະນະໄດ້ນຳເອົາເຄື່ອງອຸປະໂພກ-ບໍລິໂພກ ແລະເງິນສົດລວມມູນຄ່າ 28ລ້ານກີບ ມອບໃຫ້ປະຊາຊົນຢູ່ສອງເມືອງຄື:ເມືອງຈຳພອນ ແລະຊົນນະບູລີ ທີ່ໄດ້ຮັບຜົນກະທົບຈາກໄພນ້ຳຖ້ວມ. ພິທີມອບ-ຮັບເຄື່ອງຊ່ວຍເຫລືອຢູ່ເມືອງຈຳພອນຈັດຂື້ນຢູ່ບ້ານຄໍ້ດອນແດງ, ສ່ວນຢູ່ເມືອງຊົນນະບູລີຈັດຂື້ນຢູ່ຫ້ອງວ່າການເມືອງ. ເຄື່ອງທີ່ນຳໄປຊ່ວຍເຫລືອຜູ້ປະສົບໄພນ້ຳຖ້ວມຄັ້ງນີ້ແມ່ນໄດ້ມາຈາກການປະກອບສ່ວນຂອງສະມາຄົມຄອບຄົວການນຳແຂວງ, ເລດີ້ ນະຄອນຫລວງວຽງຈັນ, ສະມາຄົມນັກທຸລະກິດຍີງແຂວງ ແລະ ນັກທຸລະກິດພາຍໃນແຂວງສະຫວັນນະເຂດ.
ຜ່ານມາສະມາຄົມຄອບຄົວການນຳແຂວງສະຫວັນນະເຂດໄດ້ນໍາເອົາເຄື່ອງອຸປະໂພກ-ບໍລິໂພກແລະເງິນສົດໄປມອບໃຫ້ປະຊາຊົນເມືອງເຊໂປນ,ສອງຄອນແລະເມືອງອື່ນໆ ທີ່ໄດ້ຮັບຜົນກະທົບຈາກນ້ຳຖ້ວມເພື່ອປະກອບສ່ວນຊ່ວຍເຫລືອບັນເທົາທຸກໃຫ້ຜູ້ທີ່ໄດ້ຮັບຜົນກະທົບຈາກເຫດການນ້ຳຖ້ວມຢູ່ເມືອງຕ່າງໆຂອງແຂວງສະຫວັນນະເຂດໃນປີນີ້.
ໂດຍ: ນັກຂ່າວ ວສລ

Loading...