ວັນທີ 6 ພຶດສະພາ 2023, ປ້າວຽງເງີນ ໄຂຄຳພິທູນ ພັນລະຍາ ທ່ານ ຮອງນາຍົກລັດຖມົນຕີ ພ້ອມດ້ວຍພັນລະຍາຄອບຄົວການນຳ, ທ່ານ ສຈ.ດຣ ພູທອນ ເມືອງປາກ ປະທານອົງການກາແດງແຫ່ງຊາດລາວ ພ້ອມດ້ວຍຄະນະ. ໄດ້ລົງຢ້ຽມຢາມຄອບຄົວທີ່ໄດ້ຮັບເຄາະຮ້າຍຈາກເຫດໄຟໄໝ້ເຮືອນ ຄັ້ງວັນທີ 26 ເມສາ 2023 ເວລາ 21ໂມງ 30ນາທີ ເຊິ່ງແມ່ນ ປະຊາຊົນຢຸ່ໜ່ວຍ 12, ບ້ານໂພນສະຫວັນເໜືອ, ເມືອງ ສີສັດຕະນາກ, ຈຳນວນ 4 ຫຼັງ, ມີຜູ້ໄດ້ຮັບບາດເຈັບ 1 ຄົນ ຍ້ອນໄຟລວກ. ແລະ ໄດ້ຮັບຜົນເສຍຫາຍ ຈຳນວນ 4 ຄອບຄົວ, ຈຳນວນ 17 ຄົນ, ຍິງ 8 ຄົນ, ນອກນັ້ນ ຍັງໄດ້ຊ່ວຍເຫລືອຄອບຄົວທຸກຍາກອີກຈຳນວນ 7 ຄອບຄົວ; ໃນນີ້ມີຄົນພິການຈຳນວນ 5 ຄົນ, ຍິງ 4 ຄົນ ສ່ວນຜົນເສຍຫາຍເຈົ້າຫນ້າທີ່ແລະ ອຳນາດການປົກຄອງຫນ່ວຍງານທີກຽ່ວຂ້ອງພວມປະເມີນຢູ່, ສຳລັບເຄື່ອງທີ່ນຳມາຊ່ວຍເຫຼືອໃນຄັ້ງນີ້ລວມມີ: ເຄື່ອງໃຊ້ຄົວເຮືອນ, ເຂົ້າສານ, ອາຫານແຫ້ງ, ນໍ້າດື່ມ, ເຄື່ອງສຸຂະອະນາໄມ, ເຄື່ອງນຸ່ງຮົ່ມ, ແລະ ເງີນສົດຈຳນວນໜຶ່ງ ລວມມູນຄ່າ 30 ລ້ານກວ່າກີບ,ເຄື່ອງດັ່ງກ່າວແມ່ນໄດ້ມາຈາກການປະກອບສ່ວນຂອງ ຄອບຄົວທ່ານປ່າວຽງເງີນ ໄຂຄຳພິທູນ, ຄອບຄົວພັນລະຍາການນຳ ແລະ ອົງການກາແດງແຫ່ງຊາດລາວ. ໂດຍການເຂົ້າຮ່ວມຂອງອຳນາດການປົກຄອງບ້ານ ແລະ ຄອບຄົວຜູ້ທີ່ຮັບຜົນກະທົບເຂົ້າຮ່ວມ.
