ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຄອບຄົວທ່ານ ຄຳສຸກ ແກ້ວບົວພາ ຍຶດຖືການປູກ ແລະປຸງແຕ່ງກາເຟເປັນສິນຄ້າ ເຮັດໃຫ້ຖານະຄອບຄົວດີຂຶ້ນ.

ເວົ້າເຖິງການຜະລິດກະສິກໍາເປັນສິນຄ້າ ຄອບຄົວ ຂອງທ່ານ ຄໍາສຸກ ແກ້ວບົວພາ ກໍແມ່ນຄອບຄົວໜຶ່ງ ທີ່ມີຄວາມດຸໝັ່ນຫ້າວຫັນ,ມີຫົວຄິດປະດິດສ້າງເຂົ້າໃນການຜະລິດກາເຟ ຕາມແນວທາງນະໂຍບາຍຂອງພັກ ຈົນເຮັດໃຫ້ໄດ້ຮັບຜົນສໍາເລັດແລະໃນທີ່ສຸດກໍນໍາຄວາມຢູ່ດີກິນດີມາສູ່ຄອບຄົວເທື່ອລະກ້າວ.
ຍ້ອນແຮງບັນດານໃຈເຮັດຫຍັງກໍຢາກໃຫ້ມີຜົນສໍາເລັດ,ພ້ອມທັງມີແນວທາງທີ່ຖືກຕ້ອງສອດຄ່ອງຂອງພັກ ທີ່ວ່າເພິ່ງຕົນເອງ ກຸ້ມຕົນເອງ ແລະສ້າງຄວາມເຂັ້ມແຂງດ້ວຍຕົນເອງ ເທື່ອລະກ້າວ ທ່ານ ຄຳສຸກ ແກ້ວບົວພາ ໄດ້ເລຂາໜ່ວຍພັກບ້ານ-ນາຍບ້ານໆ ບ້ານທົ່ງກະຕ່າຍ ທັງແມ່ນຄອບຄົວຕົວແບບ ໃນໄວອາຍຸ 53 ປີ ໄດ້ຖືຄໍາເວົ້ານີ້ເປັນຄະຕິເຕືອນໃຈ ຈິ່ງໄດ້ຊອກສະແຫວງຫາແບບແຜນທີ່ດີໃນການປູກ ແລະປູງແຕ່ງກາເຟ ໃຫ້ໄດ້ດີ ມີປະສິດທິພາບ ເພື່ອຊີວິດທີ່ດີ ແລະສັງຄົມຍອມຮັບ ດັ່ງນັ້ນຈິ່ງໄດ້ເສີມຂະຫຍາຍມູນເຊື້ອຄວາມດຸໝັ່ນຫ້າວຫັນ,ນໍາພາຄອບຄົວທຸ້ມເທແຮງກາຍແຮງໃຈເຂົ້າໃສ່ການເຮັດສວນກາເຟ ໄປພ້ອມກັບການປຸງແຕ່ງຂາຍເປັນສິນຄ້າ ສຸດທ້າຍກໍບໍ່ເໜືອຄວາມພະຍາຍາມຈິ່ງເຮັດໃຫ້ມີຜົນສໍາເລັດ
ທ່ານ ຄໍາສຸກ ແກ້ວບົວພາ ໄດ້ເລົ່າສູ່ທີມງານນັກຂ່າວ ສະຖານີວິທະຍຸກະຈາຍສຽງແຂວງຈໍາປາສັກພວກເຮົາຟັງວ່າ:ໃນຄອບຄົວຂອງ ທ່ານ ມີສະມາຊິກທັງໝົດ 06 ຄົນ, ຍິງ 03 ຄົນ, ໃນນັ້ນແຮງງານຕົ້ນຕໍ ແມ່ນ 02 ຄົນ, ຍິງ 01 ຄົນ ແຮງງານສຳຮອງ 4 ຄົນ ,ຍິງ 2ຄົນ ແຕ່ກ່ອນຄອບຄົວຂອງເພິ່ນມີອາຊີບເຮັດສ່ວນກາເຟ ແບບພື້ນເມືອງ ຂຶ້ນກັບທຳມະຊາດ ຢູ່ບ້ານທົ່ງກະຕ່າຍ ເມືອງປາກຊ່ອງ ແຂວງຈຳປາສັກ ການເຮັດສວນກາເຟເມືອກ່ອນກໍພໍແຕ່ມີລາຍຮັບກຸ້ມປາກກຸ້ມທ້ອງ. ຕໍ່ໆມາປີ 2003 ຄອບຄົວໄດ້ເລີ່ມຕົ້ນປູກກາເຟ ອາລາບີກາ 03 ເຮັກຕາ ເຫັນວ່າໄດ້ຮັບຜົນດີ ແລະ ມີລາຍຮັບເພີ່ມຂຶ້ນ ແລະ ຕໍ່​ມາ​ໄດ້​ຂະຫຍາຍ 7 ​ເຮັກຕາ ແລະເພີ່ມຂຶ້ນເລື້ອຍໆ.ປັດຈຸບັນມີເນື້ອທີ່ປູກກາເຟທັງໝົດ 30 ກ່ວາເຮັກຕາ,ເນື້ອທີ່ເກັບໝາກໄດ້ 26 ເຮັດຕາ ໃນປີ 2017-2018 ສາມາດເກັບຜົນຜະລິດໄດ້ 120ໂຕນ/ປີ (ໝາກແດງ); ມີລາຍຮັບບໍ່ຕໍ່າກ່ວາ 100 ລ້ານກີບຕໍ່ປີ,
ສຳລັບການແປຮູບກາເຟ ແມ່ນເລີ່ມຕົ້ນແຕ່ປີ 2017 ເປັນຕົ້ນມາ ຮອດ ປີ 2018-2 019 ແລະ 2020 ສາມາດແປຮູບກາເຟຂາຍມີລາຍຮັບບໍ່ຕໍ່າກ່ວາ ປີລະ 300 ລ້ານກີບ.ຜົນຜະລິດກາເຟທີ່ແປຮູບມີຕະຫຼາດຮອງຮັບທີ່ແຂວງຫຼວງພະບາງ,ສ່ວນກະເຟໝາກຊ້ອມ ແມ່ນຂາຍໄປນະຄອນຫຼວງວຽງຈັນ ເຊິ່ງມີເທົ່າໃດກໍຂາຍໝົດ ເນື່ອງຈາກກາເຟຂອງເພິ່ນ ເປັນກາເຟທີ່ມີຄຸນນະພາບປອດສານເຄມີ ຂັ້ນຕອນການປູກ,ການເກັບກູ້ ຕະຫລອດຮອດການປຸງແຕ່ງ(ແປຮູບ)ແມ່ນຜະລິດຖືກຕ້ອງຕາມຫຼັກການ,ຂັ້ນຕອນ ແລະຢູ່ໃນອຸນນະພູມທີ່ເໝາະສົມ ຈິ່ງເຮັດໃຫ້ກາເຟທີ່ຜະລິດຈາກສວນມີລົດຊາດຫອມຫວນ ແລະມີຄວາມເປັນເອກະລັກດັ້ງເດີມ ເປັນປະໂຫຍດທາງໂພຊະນາການແກ່ຜູ້ບໍລິໂພກ.ລູກຄ້າທີ່ເຄີຍຊື້ຕາງກໍສົນໃຈສັ່ງຊື້ຕະຫຼອດ .ຈາກຜົນງານຕົວຈິງ ທ່ານ ຄໍາຮູ້ ມຸກດາລາ ຫົວໜ້າຫ້ອງການກະສິກໍາ ແລະ ປ່າໄມ້ ເມືອງປາກຊ່ອງ ໄດ້ຢັ້ງຍືນວ່າ ຄອບຄົວທ່ານ ຄໍາສຸກ ແກ້ວບົວພາ ສົມແລ້ວ ກັບທີ່ເປັນຄອບຄົວຕົວແບບໃນການຜະລິດ ແລະປຸງແຕ່ງກາເຟຄຸນນະພາບແບບຄອບຄົວແທ້ ຊຶ່ງຄອບຄົວນີ້ມີມາດຖານເງື່່ອນໄຂຄົບຖ້ວນຕາມພະແນກກະສິກໍາ ແລະ ປ່າໄມ້ໄດ້ວາງອອກ.
ປະຈຸບັນ ທ່ານ ຄໍາສຸກ ແກ້ວບົວພາ ມີເຮືອນ 01 ຫຼັງ, ສາງ​ເກັບ​ມ້ຽນ​ກາ​ເຟ 01 ຫຼັງ; ລົດ​ໃຫຍ່: ຮຸນ​ໃດ 1 ຄັນ, ລົດອີ​ຟາ ຂົນສົ່ງ1 ຄັນ ​ແລະ ລົດ​ໄຖ 1 ຄັນ, ເຄື່ອງຂົ້ວກາເຟ ແລະບົດກາເຟ 1 ຊຸດ ມີທືນການສຶກສາສົ່ງ​ລູກ​ໄປ​ຮຽນ​ພາຍ​ໃນ ​ແລະ ຕ່າງປະ​ເທດ ລະດັບ ປະລິນຍາໂທ 2 ຄົນ ແລະມີເງິນແຮໄວ້ຈຳນວນໜື່ງ.
ດ້ວຍຜົນງານທີ່ໄດ້ຮັບຈາກການຈັດຕັ້ງປະຕິບັດ ແລະ ມີຜົນສຳເລັດນັ້ນ ກໍຍ້ອນໄດ້ຮັບການຊີ້ນຳຈາກຄະນະພັກ-ອົງການປົກຄອງທຸກຂັ້ນ,ໂດຍສະເພາະຄວາມໃກ້ຊິດຕິດແທດຂອງວິຊາການຈາກຫ້ອງການກະສິກໍາ ແລະ ປ່າໄມ້ເມືອງທາງເຕັກນິກການຜະລິດ,ປຸງແຕ່ງເຊິ່ງເອົາໃຈໃສຊຸກຍູ້ຊ່ວຍເຫຼືອຖ່າຍທອດບົດຮຽນ ດ້ານເຕັກ ນິກໃຫ້.
ສັງລວມແລ້ວຜົນງານທີ່ເກີດຈາກພຶດຕິກໍາຕົວຈິງ ຂອງຄອບຄົວຂອງທ່ານ ຄໍາສຸກ ແກ້ວບົວພາ ສະແເງໃກ້ເຫັນວ່າການປະຕິບັດຕາມແນວທາງຂອງພັກກ່ຽວກັບການຜະລິດເປັນສິນຄ້າເປັນຕົ້ນມາ ມີຄວາມຖືກຕ້ອງ ແລະສອດຄ່ອງທີ່ສຸດ ຈິ່ງເຮັດໃຫ້ຄອບຄົວຂອງເພີ່ນ ມີຖານະດີຂຶ້ນເລື້ອຍໆ.ຍ້ອນຜົນງານຕົວຈິງ ຄອບຄົວ ທ່ານ ຄໍາສຸກ ຈິ່ງໄດ້ຮັບການເຊື້ອເຊີນເຂົ້າຮ່ວມກອງປະຊຸມໃຫ່ຍຄັ້ງທີ VIII ຂອງອົງຄະນະພັກເມືອງປາກຊ່ອງ ທີ່ໄຂຂຶ້ນ ແລະ ສໍາເລັດລົງວ່າງບໍ່ດົນມານີ້.ຈາກນີ້ກໍເປັນໃບໜ້າໃບຕາໃຫ້ແກ່ຊາວເມືອງປາກຂ່ອງແຂວງຈໍາປາສັກໃນການຕ້ອນຮັບແຂກຄົນພາຍໃນ ແລະ ຕ່າງປະເທດເຂົ້າມາທັດສະນະສຶກສາຖອດຖອນເອົາເປັນແບບຢ່າງ.

ເກດສະໜາ ແກ້ວສຸວັນນະແສງ