ວັນທີ 7 ພະຈິກ 2020 ທີ່ຫ້ອງວ່າການປົກຄອງເມືອງສອງຄອນ ແຂວງສະຫວັນນະເຂດ, ທ່ານ ຄຳແພງ ເຜົ້າບົວວົງ ປະທານກຸ່ມກຸ່ມຮ້ານອາຫານນະຄອນຫຼວງ-ເບຍລາວ, ແລະ ຄະນະ 50 ກວ່າຄົນ ໄດ້ນຳເອົາເຄື່ອງອຸປະ ໂພກ-ບໍລິໂພກຫຼາຍລາຍການ ໄປແຈ້ງເຈດຈຳນົງຜ່ານມາທາງ ທ່ານ ລຳຄູນ ວໍລະວົງ, ເຈົ້າເມືອງສອງຄອນ, ແຂວງສະ ຫວັນນະເຂດ ແລະ ຄະນະ ເພື່ອນຳເອົາເຄື່ອງດັ່ງກ່າວໄປຊ່ວຍເຫຼືອປະຊາຊົນພາຍໃນ 5 ບ້ານຂອງເມືອງສອງຄອນ ເຊີ່ງລວມມີທັງໝົດ 668 ຄອບຄົວທີ່ປະສົບໄພນໍ້າຖ້ວມໃນເດືອນຕຸລາ2020 ຜ່ານມານີ້.

ເຄື່ອງທີ່ນຳໄປມອບ ມີມູນຄ່າ 35 ລ້ານກວ່າກີບ, ໃນນັ້ນ ທີມງານກຸ່ມຮ້ານອາຫານໄດ້ຈັດຊື້ເຄື່ອງບໍລິໂພກອັນຈຳ ເປັນບາງຢ່າງ ເຊັ່ນ: ເຂົ້າສານ (ເຂົ້າໜ້ຽວ) 2 ໂຕນ, ປາກະ ປ໋ອງ, ໝີ່ສໍາເລັດຮູບ, ນໍ້າປາ, ເກືອ, ແປັງນົວ, ສະອິວ ແລະ ນໍ້າດື່ມ ໂດຍໄດ້ແບ່ງປັນເອົາເຄື່ອງແຕ່ລະສະນິດມາຈັດເປັນຖົງລວມ ກໍຄື 1 ຖົງ ຕໍ່ 1 ຄອບຄົວ. ເປົ້າໝາຍທີ່ໄປມອບເຄື່ອງຊ່ວຍເຫຼືອໃນຄັ້ງນີ້ ແບ່ງເປັນ 3 ຈຸດ ຄື:

ຈຸດທີ 1: ບ້ານຫ້ວຍຄໍ້ ວັງແຊ ເປັນໝູ່ບ້ານຊົນເຜົ່າ ມີ 66 ຄອບຄົວ ຈຳນວນ 66 ຖົງ.
ຈຸດທີ 2: ລວມສອງໝູ່ບ້ານເປັນຈຸດດຽວ ທີມງານໄປຕັ້ງຢູ່ບ້ານນາທັງ ແລະ ບ້ານພະແລງ, ໃນນັ້ນ ບ້ານນາທັງມີ 198 ຄອບຄົວ ຈຳນວນ 198 ຖົງ ແລະ ບ້ານພະແລງມີ 120 ຄອບຄົວ ຈຳນວນ 120 ຖົງ.
ຈຸດທີ 3 ລວມສອງບ້ານ ມີບ້ານດອນມ່ວງ ແລະ ບ້ານຊະແຍກ ສະເພາະບ້ານດອນມ່ວງມີ 135 ຄອບຄົວ ຈຳນວນ 135 ຖົງ ແລະ ບ້ານຊະແຍກ ມີ 148 ຄອບຄົວ ລວມມີ ຈຳນວນ 148 ຖົງ.

Cr: ສົງການ

Loading...