ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຄະນະກຳມະທິການເພື່ອຄວາມກ້າວໜ້າຂອງແມ່ຍິງ ວຽກແມ່ ແລະ ເດັກຂັ້ນເມືອງ ໄດ້ນຳເອົາເຄື່ອງອຸປະກອນການຮຽນ ໄປມອບໃຫ້ນັກຮຽນທຸກຍາກ, ເດັກກຳພ້າ, ກຳພອຍ, ເດັກພິການ ຈຳນວນ 16 ໂຮງຮຽນ

ຄະນະກຳມະທິການເພື່ອຄວາມກ້າວໜ້າຂອງແມ່ຍິງ ວຽກແມ່ ແລະ ເດັກຂັ້ນເມືອງ ໄດ້ນຳເອົາເຄື່ອງອຸປະກອນການຮຽນ ໄປມອບໃຫ້ນັກຮຽນທຸກຍາກ, ເດັກກຳພ້າ, ກຳພອຍ, ເດັກພິການ ຈຳນວນ 16 ໂຮງຮຽນ. ວັນທີ່ 8 ມັງກອນ 2020 ນີ້້. ທ່ານ ທະວິສັກ ໄຊຍະວົງ ຮອງເຈົ້າເມືອງໆເງິນ ທັງເປັນ ປະທານຄະນະກຳມາທິການ ເພື່ອຄວາມກ້າວໜ້າຂອງແມ່ຍິງ ວຽກແມ່ ແລະ ເດັກ ຂັ້ນເມືອງ ແລະ ທ່ານ ນາງບົວຄຳ ຈັນທະວິໄລ ກຳມະການພັກເມືອງ, ສະມາຊິກສະພາປະຊາຊົນຂັ້ນແຂວງ ຫົວໜ້າຫ້ອງການ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເມືອງ ເມືອງເງິນ ແຂວງ ໄຊຍະບູລີ ພ້ອມດ້ວຍຄະນະກຳມາທິການ ເພື່ອຄວາມກ້າວໜ້າຂອງແມ່ຍິງ ວຽກແມ່ ແລະ ເດັກ. ໄດ້ນຳເອົາເຄື່ອງອຸປະກອນການຮຽນ, ໄປມອບໃຫ້ນັກຮຽນຜູ້ທຸກຍາກ, ເດັກກຳພ້າ – ກຳພອຍ, ເດັກພິການ ຈຳນວນ 16 ໂຮງຮຽນໃນນັ້ນ ປະຖົມ 11 ແຫ່ງ, ມັດທະຍົມ 5 ແຫ່ງ ຈຳນວນ 302 ນ້ອງ ຍິງ 136 ນ້ອງ . ເຄື່ອງທີ່ນຳມາມອບໃນຄັ້ງນີ້ມີອຸປະກອນການຮຽນທີ່ຈຳເປັນຈຳນວນໜຶ່ງເປັນຕົ້ນແມ່ນ ປື້ມຂຽນ, ບິກ, ສໍດຳ,ບັນທັດ ແລະ ອື່ນໆ ຈຳນວນ 302 ຊຸດ ມູນຄ່າ 8 ລ້ານກວ່າກີບ. ແລະ ເຄື່ອງນຸ່ງ ຈຳນວນ 12 ເປົ່າ , ເຄື່ອງດັ່ງກ່າວແມ່ນໄດ້ປຸກລະດົມນຳ ພະນັກງານ, ທະຫານ, ຕຳຫຼວດ, ບັນດາຫ້າງຮ້ານ, ບໍລິສັດ, ນັກທຸລະກິດຜູ້ປະກອບການ ພາຍໃນເມືອງ. ໃຫ້ກຽດມອບໂດຍແມ່ນ ທ່ານ ທະວິສັກ ໄຊຍະວົງ ຮອງເຈົ້າເມືອງໆເງິນ ທັງເປັນ ປະທານຄະນະກຳມາທິການ ເພື່ອຄວາມກ້າວໜ້າຂອງແມ່ຍິງ ວຽກແມ່ ແລະ ເດັກ ຂັ້ນເມືອງ . ເພື່ອເປັນການກະຕຸກຊຸກຍູ້ ສົ່ງເສີມ ໃຫ້ເດັກທຸກຍາກ, ເດັກກຳພ້າ – ກຳພອຍ, ເດັກພິການ ໄດ້ມີຄວາມບຸກບືນຫ້າວຫັນຕໍ່ການຮໍ່າຮຽນ, ທັງເປັນການຊ່ວຍແບ່ງເບົາການໃຊ້ຈ່າຍຂອງຄອບຄົວອີກດ້ວຍ,ຈາກນັ້ນທາງຄະນະກຳມາທິການເພື່ອຄວາມກ້າວໜ້າຂອງແມ່ຍິງ ວຽກແມ່ ແລະ ເດັກຂັ້ນເມືອງ ຍັງຈະໄດ້ລົງສຶບຕໍ່ມອບອຸປະກອນການຮຽນໃຫ້ນັກຮຽນທຸກຍາກໃຫ້ສຳເລັດກາງເດືອນມັງກອນປີ 2020 ນີ້.

ໂດຍ: ອິນແປງ ແຫວນຄຳ