ໃນວັນທີ 02 ມີນາ 2023 ຄະນະຄູອາຈານ, ຊາວຫນຸ່ມ ແລະ ເຍົາວະຊົນ ຈໍານວນ 50 ຄົນ ຈາກໂຮງຮຽນ ມສ ເຈົ້າອານຸວົງ, ເມືອງຈັນທະບູລີ, ນະຄອນຫລວງວຽງຈັນ ຢ້ຽມຊົມວິທະຍຸກະຈາຍສຽງແຫ່ງຊາດລາວ (ວສລ) ເພື່ອຮູ້ຈັກກ່ຽວກັບຄວາມເປັນມາ, ການຜະລິດຂ່າວ ແລະ ບັນດາລາຍການ ຂອງ ວສລ ໂດຍມີ ທ່ານ ບຸນສຽງ ຈັນທະຈັກ, ຮອງຜູ້ອໍານວຍການໃຫຍ່ ວສລ, ພ້ອມດ້ວຍຄະນະຊາວຫນຸ່ມຮາກຖານ ວສລ ໃຫ້ການຕ້ອນຮັບການຢ້ຽມຢາມ ວສລ ຂອງຄະນະດັ່ງກ່າວໃນຄັ້ງນີ້ ຖືເປັນກິດຈະກຳຫນຶ່ງຂອງຄະນະບໍລິຫານງານຊາວຫນຸ່ມນະຄອນຫລວງວຽງຈັນ ເພື່ອສຶກສາອົບຮົມການເມືອງແນວຄິດ ໃຫ້ແກ່ຊາວຫນຸ່ມ-ເຍົາວະຊົນ ໃຫ້ມີຄວາມຫນັກແຫນ້ນ, ມີຄຸນສົມບັດສິນທໍາປະຕິວັດ, ຮັກປະເທດຊາດ, ຮັກບ້ານເກີດເມືອງນອນ, ຮູ້ຮັກວັດທະນະທໍາ, ຮີດຄອງປະເພນີອັນດີງາມຂອງຊາດ ແລະ ມີຄວາມເຊື່ອຫມັ້ນຕໍ່ແນວທາງນະໂຍບາຍຂອງພັກ-ລັດໃນໄລຍະໃຫມ່.
