ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຄະນະຊ່ຽວຊານແພດທະຫານກອງທັບ ສປ ຈີນ ເຂົ້າຢ້ຽມຢາມແລກປ່ຽນບົດຮຽນດ້ານວິຊາການຢູ່ສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບ

ໂດຍສືບຕໍ່ປະຕິບັດຕາມຄໍາສັ່ງຊີ້ນໍາຂອງ ທ່ານ ສີຈິນຜິງປະທານປະເທດຈີນ ຕໍ່ການຊ່ວຍເຫຼືອບັນດາປະເທດຕໍ່ສູ້ກັບພະຍາດ COVID-19 ນັ້ນໃນຕອນບ່າຍວັນທີ 17 ເມສາ 2020 ນີ້ ສະຫາຍ ພັນເອກ ພິເສດ ສດຈ ຖີຊິນຢູຍ ຫົວໜ້າພະແນກລະບົບຫາຍໃຈໂຮງໝໍຊີຈິງ ເລກ 1 ທະຫານອາກາດກອງທັບປົດປ່ອຍປະຊາຊົນຈີນພ້ອມດ້ວຍຄະນະທີມງານແພດປ້ອງກັນ ແລະ ຕອບໂຕ້ພະຍາດ COVID-19 ກອງທັບ ສປ ຈີນໄດ້ເຂົ້າພົບປະຢ້ຽມຢາມແລກປ່ຽນບົດຮຽນດ້ານວິຊາການຢູ່ສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບປະຊາຊົນລາວ. ໂດຍການເຂົ້າຮ່ວມຂອງ ສະຫາຍ ພັນໂທ ດຣ ພຶດສະພາ ສົນທິລາດ ຫົວໜ້າພະແນກກັນພະຍາດກົມເສນາຮັກກົມໃຫຍ່ພະລາທິການກອງທັບປະຊາຊົນລາວ, ສະຫາຍ ພັນໂທ ດຣ ໂພສະເດັດ ເສນາມຸນຕີ ຫົວໜ້າການທະຫານ, ພັນໂທ ໂສພາ ສີຫາລາດ ຫົວໜ້າການເມຶອງ ສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບ, ມີບັນດາຄະນະພັກ – ຄະນະບັນຊາ, ຫົວໜ້າ – ຮອງພະແນກ, ນັກວິຊາການເຂົ້າຮ່ວມ.

ພາຍຫຼັງທີ່ຄະນະຊ່ຽວຊານແພດກອງທັບ ສປ ຈີນ ໄດ້ແຈ້ງຈຸດປະສົງຂອງການມາເຄຶ່ອນໄຫວຢ້ຽມຢາມໃນຄັ້ງນີ້ແລ້ວ ທາງສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບປະຊາຊົນລາວກໍ່ໄດ້ລາຍງານກ່ຽວລະບົບການຈັດຕັ້ງ, ພາລະບົດບາດຄວາມຮັບຜິດຊອບຂອງຕົນ, ການຝຶກອົບຮົມ,ການກະກຽມຄວາມພ້ອມທາງດ້ານພາຫະນະເຕັກນິກ, ດ້ານບຸກຄາລາວິຊາການ, ເຄຶ່ອງມືອຸປະກອນການແພດ. ເຊິ່ງມີທັງຂໍ້ສະດວກ – ຂໍ້ຫຍຸ້ງຍາກໃນການປະຕິບັດໜ້າທີ່ວິຊາສະເພາະ. ສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບມີບົດບາດໃນການຕິດຕາມເຝົ້າລະວັງ ແລະ ຕອບໂຕ້ກັບ 17 ພະຍາດ/ອາການຢູ່ບັນດາກົມກອງທັງກໍາລັງຫຼວງ – ທ້ອງຖິ່ນໃນຂອບເຂດທົ່ວປະເທດ ເວົ້າລວມ, ເວົ້າສະເພາະແມ່ນໃນໄລຍະການລະບາດຂອງພະຍດ ໂຄວິດ – 19 ກົມກອງໄດ້ຮັບໜ້າທີ່ປ້ອງກັນ ແລະ ຕອບໂຕ້ພະຍາດດັ່ງກ່າວ. ເຊິ່ງໄດ້ຈັດຕັ້ງຜັດປ່ຽນນັກວິຊາການປະຈໍາການກວດວັດແທກອຸນຫະພູມກັບທີ່, ຈັດຕັ້ງແບ່ງເປັນ 4 ຈຸ ເພຶ່ອເຄຶ່ອນໄຫວເຮັດວຽກງານປ້ອງກັນ ແລະ ຕອບໂຕ້ກັບພະຍາດໂຄວິດ-19, ໃນນັ້ນໄດ້ລົງເຄຶ່ອນໄຫວໂຄສະນາສຸຂະສຶກສາຢູ່ບັນດາກົມກອງທະຫານໄດ້ 22 ກົມກອງ, ມີຈໍານວນພົນເຂົ້າຮ່ວມ 4818 ສະຫາຍ, ພົ່ນຢາອະນາໄມຂ້າເຊຶ້ອກົມກອງທີ່ມີຄວາມສ່ຽງໄດ້ 30 ກົມກອງ ໃນເນຶ້ອທີ່ 43801 ຕາແມັດ,ໝົດນໍ້າຢາທັງໝົດ 590 ລິດ ແລະ ຍັງຈະສືບຕໍ່ປະຕິບັດແຜນການບ່ອນທີ່ເຫັນວ່າມີຄວາມສ່ຽງ,  ຈາກນັ້ນຄະນະຊ່ຽວຊານແພດຝ່າຍຈີນໄດ້ສະເໜີລາຍງານບົດຮຽນກ່ຽວກັບສະພາບການປະຕິບັດຕອບໂຕ້ຕົວຈິງກັບພະຍາດໂຄວິດ-19 ຢູ່ ສປ ຈີນ ໃນໄລຍະຜ່ານມາວ່າ: ພະຍາດໂຄວິດ -19 ມີ 3 ສາຍພັນຕົ້ນຕໍຄື : A, B ແລະ C ( A ປຽບເໝຶ່ອນພໍ່-ແມ່, B ແມ່ນລູກ ແລະ C ແມ່ນຫຼານ. ສ່ວນ A ພົບກໍລະນີກ່ອນໝູ່ຢູ່ ສະຫະລັດອາເມລິກາ, ສ່ວນຢູ່ພົບການລະບາດຢູ່ເມຶອງອູຮັນແມ່ນສາຍພັນ B, C  ), ເຊຶ້ອພະຍາດໂຄວິດ-19 ທົນທານຢູ່ໄດ້ດົນໃນຂອບເຂດສະຖານທີ່ທີ່ມີອາກາດໜາວເຢັນ, ຫ້ອງທີ່ມີອຸນຫະພູມຕໍ່າ, ຫ້ອງແອພະຍາດຈະຢູ່ໄດ້ 8 – 9 ຊົ່ວໂມງ, ຢູ່ໃນແດດໄດ້ 30 ນາທີ, ຄົນຕິດເຊຶ້ອຈະສະແດງອາການ 20-30 %, ບໍ່ສະແດງອາການ 70-80 % ແລະ ໃນໄລຍະຕິດຕາມ 14 ມື້ແມ່ນ 90 % ຈະສະແດງອາການ, ພາຍຫຼັງ 14 ມື້ຈະມີອາການສະແດງອອກ 10 %, ແຕ່ຖ້າກາຍໄປເຖິງ 2-3 ເດຶອນຍ້ອນພູມຕ້ານທານສູງເຊຶ້ອພະຍາດຈະຫາຍໄປເອງ.ຖືວ່າບໍ່ຮຸນແຮງ,  ຄະນະຊ່ຽວຊານແພດ ສປ ຈີນຍັງໄດ້ສະເໜີເໜັ້ນໜັກໃຫ້ທາງສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບໃນນາມເປັນກົມກອງທີ່ຮັບຜິດຊອບເຮັດວຽກຕົວຈິງສ້າງແຜນການເຄຶ່ອນໄຫວເຮັດວຽກວານໂຄສະນາສຸຂະສຶກສາ, ປາບເຊຶ້ອ, ເກັບຕົວຢ່າງຢູ່ບັນດາກົມກອງທີ່ມີຄວາມສ່ຽງທີ່ບໍ່ສະແດງອາການມາວິໄຈເພື່ອຕີລາຄາເປັນເປີເຊັນ ແລ້ວຊອກວິທີປ້ອງກັນ ແລະ ຮັບມືກັບພະຍາດນີ້.

ໂດຍ: ອ້ອຍພັນ ແພງບຸນມີ.