ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ຄະນະນຳກະຊວງປ້ອງກັນປະເທດ ແລະ ຄອບຄົວການນຳຂັ້ນສູງ ມອບເຄື່ອງຊ່ວຍເຫລືອໃຫ້ສູນເສຍອົງຄະ
ວັນທີ 18 ມີນາ 2024 ນີ້, ຄະນະນຳ ກະຊວງປ້ອງກັນປະ ເທດ, ຄອບຄົວການນຳຂັ້ນສູງ ແລະ ຄອບຄົວສຸຍະວົງ ກໍຄືບໍລິ ສັດ PSL ໄດ້ລົງເຄື່ອນໄຫວຢ້ຽມຢາມ ແລະ ມອບເຄື່ອງໃຫ້ແກ່ ສູນເສຍອົງຄະພິເສດ 790, ສູນເສຍອົງຄະ 489 ແລະ ສູນອົງ ຄະທຽມ 686 ເນື່ອງໃນໂອກາດລະນຶກວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ຄົບຮອບ 78 ປີ (21 ມີນາ 1946-21 ມີນາ 2024), ໂດຍມີ ພົນໂທ ທອງລອຍ ສິລິວົງ ຮອງລັດຖະມົນຕີກະຊວງປ້ອງກັນປະເທດ ຫົວຫນ້າກົມໃຫຍ່ການເມືອງກອງທັບ, ທ່ານ ປ້າ ນາລີ ສີສຸລິດ ພັນລະຍາປະທານປະເທດແຫ່ງ ສ ປປ ລາວ ພ້ອມດ້ວຍຄະນະເຂົ້າຮ່ວມ.
ເຄື່ອງທີ່ນຳມອບໃນຄັ້ງນີ້ປະກອບມີ: ອຸປະກອນການແພດ, ເຄື່ອງອຸປະໂພກ-ບໍລິໂພກ ແລະ ເງິນສົດຈຳນວນໜຶ່ງ ລວມມູນຄ່າທັງໝົດ 1 ຕື້ກີບ. ເຊິ່ງຕະຫລອດໄລຍະຜ່ານມາ ຍາມໃດພັກ-ລັດ ກໍໄດ້ເອົາໃຈໃສ່ເບິ່ງແຍງ ດູແລ ໃກ້ຊິດຕິດ ແທດຕາມຄວາມ ສາມາດ ແລະ ກໍາລັງທີ່ມີດ້ວຍຄວາມເປັນຫ່ວງເປັນໃຍພະນັກງານປະຕິວັດອາວຸໂສບໍານານ ຄືກັບຄົນຢູ່ໃນຄອບຄົວດຽວກັນ, ພະຍາ ຍາມຊອກຫາທຸກວິທີທາງເພື່ອຊ່ວຍເຫລືອ ແລະ ອໍານວຍຄວາມ ສະດວກໃຫ້ແກ່ພະນັກງານຜູ້ເສຍອົງຄະ ລວມທັງປະຕິບັດນະໂຍ ບາຍດ້ານຕ່າງໆຕໍ່ພະນັກງານເສຍອົງຄະ ຍ້ອນການສູ້ຮົບ ແລະ ຮັບໃຊ້ການສູ້ຮົບ, ພະນັກງານບໍານານ ແລະ ພະນັກງານຜູ້ມີຜົນ ງານ ແລະ ຄຸນງາມຄວາມດີ ໃນພາລະກິດຮັບໃຊ້ການປະຕິວັດຊາດ ປະຊາທິປະໄຕ ຕາມນິຕິກໍາ ແລະ ຄວາມສາມາດຕົວຈິງ.
ໂດຍ: ນ ນົກ ບຸນມາເລີດ