ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຄະນະນຳສູນກາງຊາວປະຊາຊົນປະຕິວັດລາວ ລົງເຄື່ອນໄຫວຊຸກຍູ້ຂະບວນການວຽກງານຊາວໜຸ່ມ

ໃນສະພາບທີ່ທົ່ວພັກ, ທົ່ວລັດ ປະຊາຊົນທັງຊາດ, ທົ່ວສັງຄົມ ເວົ້າສະເພາະຊາວໜຸ່ມຢູ່ທຸກຂົງເຂດສາຂາອາຊີບພວມປະຈັນບານສຸມສະຕິບັນຍາ, ເຫື່ອແຮງໃນທຸກໆດ້ານເຂົ້າສະກັດກັ້ນຄວບຄຸມການແຜ່ລະບາດພະຍາດໂຄວິດ-19. ດ້ວຍຄວາມເອົາໃຈໃສຢ່າງຈົດຈໍ່ບຸກບືນເຂົ້າແກ້ໄຂຕໍ່ສະພາບທີ່ພວມປະເຊີນຢູ່ໃນປັດຈຸບັນໃຫ້ຜ່ານພົ້ນໄປດ້ວຍດີ, ໃນວັນທີ 7 ພຶດສະພາ 2020 ນີ້ ຄະນະນຳສູນກາງຊາວປະຊາຊົນປະຕິວັດລາວ, ເຊິ່ງນຳໂດຍທ່ານ ອາລຸນໄຊ ສູນນະລາດ ກຳມະການສຳຮອງສູນກາງພັກ, ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ສະມາຊິກສະພາແຫ່ງຊາດ ພ້ອມຄະນະໄດ້ລົງມາເຄື່ອນໄຫວຊຸກຍູ້ ຂະບວນການວຽກງານຊາວໜຸ່ມ, ເປັນຕົ້ນຊຸກຍູ້ການກະກຽມເປີດກອງປະຊຸມໃຫຍ່ຊາວໜຸ່ມຂັ້ນແຂວງ ຕິດພັນກັບການສ້າງຂະບວນການຊົມເຊີຍວັນສ້າງຕັ້ງຄະນະຊາວໜຸ່ມປະຊາຊົນປະຕິວັດລາວ ຄົບຮອບ 65 ປີ (14/4/1955-14/42020) ທີ່ແຂວງ ຈຳປາສັກ ໂດຍໃຫ້ກຽດຕ້ອນຮັບຈາກທ່ານ ຄຳສີ ຫລິນສະຫວາດ ເລຂາຄະນະບໍລິຫານງານຊາວໜຸ່ມແຂວງຈຳປາສັກ. ກ່ອນອື່ນເພື່ອສະແດງເຖິງຄວາມຮູ້ບຸນຄຸນຕໍ່ອະດີດການນຳໃນຮຸ່ນກ່ອນ ທີ່ເພິ່ນໄດ້ເສຍສະຫລະ, ມີຜົນງານຢ່າງໃຫຍ່ຫລວງໃນການປະກອບສ່ວນໃຫ້ແກ່ປະເທດຊາດ ເວົ້າສະເພາະກໍຄືຄະນະຊາວໜຸ່ມປະຊາຊົນປະຕິວັດລາວຕະຫລອດໄລຍະທີ່ຜ່ານມາ. ໂອກາດທີ່ມາເຄື່ອນໄຫວຄັ້ງນີ້ຄະນະດັງກ່າວໄດ້ນຳເອົາກະຕ່າຂອງຂວັນພ້ອມດ້ວຍຄຳອວຍພອນໄຊອັນປະເສີດເຂົ້າອວຍພອນແດ່ ທ່ານ ປອ ວິໄລວົງ ບຸດດາຄຳ ກຳມະການສູນກາງພັກ, ເຈົ້າແຂວງໆຈຳປາສັກ, ສະມາຊິກສະພາແຫ່ງຊາດ, ອະດີດເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ສະໄໝທີ VI.

 

ຈາກນັ້ນຄະນະນຳຈາກສູນກາງຊາວໜຸ່ມກໍໄດ້ເຂົ້າພົບການນຳແຂວງແຂວງຈຳປາສັກທີ່ຫ້ອງຮັບແຂວງຂອງແຂວງໂດຍການຕ້ອນຮັບຂອງທ່ານ ເມກສະຫວັນ ພົມພິທັກ ຮອງເລຂາພັກແຂວງ, ປະທານສະພາປະຊາຊົນແຂວງຈຳປາສັກ, ສະມາຊິກສະພາແຫ່ງຊາດ ໃຫ້ກຽດຕ້ອນຮັບຢ່າງອົບອຸ່ນ ພ້ອມທັງລາຍງານຈຸດປະສົງຂອງການມາເຄື່ອນໄຫວເຮັດວຽກ, ເຊິ່ງທັງສອງຝ່າຍໄດ້ຜັດປ່ຽນກັນລາຍງານຢ່າງກົງໄປ, ກົງມາ ເຫັນໄດ້ເຖິງຄວາມເປັນຫ່ວງເປັນໄຍຂອງຊາວໜຸ່ມ ທີ່ມີຄວາມມານະອົດທົນພະຍາຍາມສູ້ຊົນເປັນຫ່ວງເປັນໄຍ, ເຊິ່ງການມາຂອງຄະນະນຳສູນກາງຊາວໜຸ່ມຄັ້ງນີ້ໄດ້ນຳເອົາວັດຖຸປັດໄຈ ເພື່ອຊຸກຍູ້ຂະບວນການຕ້ານກັບພະຍາດໂຄວິດ-19 ທີ່ແຂວງຈຳປາສັກເຊິ່ງມີທັງວັດຖຸ, ອຸປະກອນການແພດ ແລະ ໃນນັ້ນເປັນເງິນສົດຈຳນວນ 8.000.000 ກີບ ລວມມູນຄ່າທັງໝົດ 34.000.000 ກີບ ມອບໃຫ້ຄະນະນຳຂອງແຂວງຈຳປາສັກ, ຕາງໜ້າມອບໂດຍ ທ່ານ ອາລຸນໄຊ ສູນນະລາດ ແລະ ຕາງໜ້າຮັບໂດຍທ່ານ ເມກສະຫວັນ ພົມພິທັກ ເພື່ອຈະນຳໄປໃຊ້ໃນການຄວບຄຸມ ແລະ ສະກັດກັ້ນການແຜ່ລະບາດພະຍາດໂຄວິດ-19 ນີ້ໃຫ້ຜ່ານພົ້ນວິກິດນີ້ໄປດ້ວຍດີ.

ໂດຍ: ສ.ສັນທະນາ