ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ຄະນະນິຕິສາດ-ລັດຖະສາດ ມະຫາວິທະຍາໄລແຫ່ງຊາດລາວ ມອບເຄື່ອງຊ່ວຍເຫຼືອໃຫ້ຜູ້ປະສົບໄພເມືອງສະໜາມໄຊ

ໃນວັນທີ 10 ສິງຫາ 2019, ທິມງານຂອງຄະນະນິຕິສາດ-ລັດຖະສາດ, ມະຫາວິທະຍາໄລແຫ່ງຊາດລາວ ເຊິ່ງນຳໂດຍ ຮອງສາສະດາຈານ ວຽງວິໄລ ວຽງຈັນໄຊ, ຄະນະບໍດີຄະນະນິຕິສາດ ແລະ ລັດຖະສາດ ໄດ້ລົງໄປມອບເຄື່ອງຊ່ວຍເຫຼືອໃຫ້ຜູ້ປະສົບໄພພິບັດຢູ່ເມືອງສະໜາມໄຊ, ແຂວງອັດຕະປື. 
ເຄື່ອງຊ່ວຍເຫຼືອທີ່ນໍາໄປມອບໃນຄັ້ງນີ້ ລວມມີອຸປະກອນການຮຽນ, ອາຫານແຫ້ງ ແລະ ເຄື່ອງນຸ່ງຫົ່ມອີກຈຳນວນໜຶ່ງ, ລວມມູນຄ່າປະມານ 16 ລ້ານກ່ວາກີບ. 
ເຄື່ອງຊ່ວຍເຫຼືອດັ່ງກ່າວແມ່ນໄດ້ມອບໃຫ້ 5 ບ້ານ ແລະ 1 ຄຸ້ມທີ່ໄດ້ຮັບຜົນກະທົບຈາກໄພພິບັດໃນໄລຍະປີຜ່ານມາ. 


ພິທີມອບ-ຮັບໄດ້ຖືກຈັດຂື້ນທີ່ສູນພັກຊົ່ວຄາວຜູ້ປະສົບໄພຈຸດດົງບາກ, ໂດຍການກ່າວມອບຂອງທ່ານ ຮອງສາສະດາຈານ ວຽງວິໄລ ວຽງຈັນໄຊ, ຄະນະບໍດີຄະນະນິຕິສາດ ແລະ ລັດຖະສາດ, ມະຫາວິທະຍາໄລແຫ່ງຊາດລາວ ແລະ ຕາງໜ້າປະຊາຊົນກ່າວຮັບໂດຍແມ່ນທ່ານ ພູວັນ ມະນີໂຊດ, ຮອງເລຂາພັກເມືອງສະໜາມໄຊ, ໂດຍຊ້ອງໜ້າຜູ້ຕາງໜ້າຈາກພາກສ່ວນທີ່ກ່ຽວຂ້ອງ.