ຄະນະນໍາກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ,ພະແນກຖະແຫຼງຂ່າວ ວັດທະນະທໍາ ແລະ ທ່ອງທ່ຽວນະຄອນຫຼວງວຽງຈັນ ແລະ ຄະນະຜູ້ບໍລິຫານບໍລິສັດອຸດສາຫະກຳທ່ອງທ່ຽວ ລາວ-ຈີນ

ວັນທີ 26 ສິງຫາ 2024 ນີ້ ທາງຄະນະນໍາກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ,ພະແນກຖະແຫຼງຂ່າວ ວັດທະນະທໍາ ແລະ ທ່ອງທ່ຽວນະຄອນຫຼວງວຽງຈັນ ນໍາໂດຍ ທ່ານ ນາງ ແພງຈັນແພງເມືອງ ຫົວໜ້າກົມແຜນການ ແລະ ການລົງທຶນ, ທ່ານ ອຸ່ນທວງ ຂາວພັນ ອະດີດຮອງລັດຖະ ມົນຕີກະຊວງຖະແຫລງຂ່າວ ວັດທະນະທໍາ ແລະ ທ່ອງທ່ຽວ ແລະ ທ່ານ ນາງ ວຽງພອນ ແກ້ວຄູນສີຫົວໜ້າພະແນກຖະແຫລງຂ່າວ ວັດທະນະທໍາ ແລະ ທ່ອງທ່ຽວນະຄອນຫລວງໄດ້ນໍາຄະນະຜູ້ບໍລິຫານບໍລິສັດອຸດສາຫະກຳທ່ອງທ່ຽວ ລາວ-ຈີນເດີນທາງໄປທ່ອງຊົມພິພິດຕະພັນສິລະປະວຽງຈັນຮ່ວມສະໄໝ ຮ້ານອາຫານເຮືອນແພທ່າງ່ອນ ແລະ ປ່າສະຫງວນແກ່ນພັນໄມ້ພື້ນເມືອງ ເວີນແທ່ນ ຫລື Lao forest ເວີນແທ່ນເມືອງໄຊທານີ ນະຄອນຫຼວງວຽງຈັນ ໂດຍມີຜູ້ຮັບຜິດຊອບຈາກ 3 ພາກ ສ່ວນໃຫ້ການຕ້ອນຮັບຄະນະດັ່ງກ່າວ

ໃນໂອກາດນີ້ ທ່ານ ວຽງພອນ ແກ້ວຄູນສີ ຫົວໜ້າພະແນກຖະແຫຼງຂ່າວ ວັດທະນະທໍາ ແລະ ທ່ອງທ່ຽວນະຄອນຫຼວງວຽງຈັນໃຫ້ສໍາພາດຕໍ່ນັກຂ່າວເຮົາວ່າ: ຈຸດປະສົງຂອງການລົງຢ້ຽມຢາມສໍາຫລວດສະຖານທີ່ທ່ອງທ່ຽວຕົວຈິງຂອງແຫ່ງດັ່ງກ່າວນີ້ ເປັນຕົ້ນແມ່ນ ພິພິດຕະພັນສິລະປະວຽງຈັນຮ່ວມສະໄໝ ເພື່ອຄົ້ນຄວ້າ ພັດທະນາອຸດສາຫະກໍາການທ່ອງທ່ຽວຢູ່ນະຄອນຫຼວງວຽງຈັນ ໃຫ້ມີຄວາມກ່າວໜ້າ ທັນສະໄໝ ໂດຍເດັ່ນຂອງປະເທດເຮົາອອກສູ່ພາກພືນ ແລະ ສາກົນ ຊຶ່ງກາຍເປັນພາກສ່ວນເສດຖະກິດໜຶ່ງທີ່ສໍາຄັນໃນອຸດສາຫະກໍາການທ່ອງທ່ຽວກໍ່ຄືການພັດທະນາເສດ ຖະກິດປາຍແຫລມ ໂດຍສະເພາະລັດຖະບານລາວໄດ້ຖືເອົາການທ່ອງທ່ຽວເປັນພາກສ່ວນເສດຖະກິດປາຍແຫລມ ເພື່ອກະຕຸກສຸກຍູ້ສົ່ງເສີມການພັດທະນາເສດຖະກິດສັງຄົມຢູ່ປະເທດລາວກໍ່ຄືຢູ່ນະຄອນ ຫຼວງວຽງຈັນ ພ້ອມດຽວກັນນີ້ ເພື່ອເປັນການປະເມີນຄວາມພ້ອມທີ່ຈະເປີດໃຫ້ບໍລິການເນື່ອງໃນໂອ ກາດປີທ່ອງທ່ຽວລາວກໍ່ຄືຕ້ອນຮັບຄະນະຜູ້ແທນທີ່ຈະເຂົ້າຮ່ວມກອງປະຊຸມສຸດຍອດອາຊຽນທີ່ລາວເຮົາຈະເປັນເຈົ້າພາບຈັດຂຶ້ນໃນທ້າຍປີນີ້, ນອກນີ້ ຍັງໄດ້ໄປຢ້ຽມຢາມສະຖານທີ່ທ່ອງທ່ຽວທໍາມະຊາດລາວຟໍເຣສເວີນແທ່ນ ( Lao forest ) ເຊິ່ງເປັນສະຖານທີ່ທ່ອງທ່ຽວທາງທໍາມະຊາດທີ່ອຸດົມສົມບູນໄປດ້ວຍປ່າໄມ້ທໍາມະຊາດ ແລະ ເປັນເຂດທ່ອງທ່ຽວສີຂຽວຂອງນະຄອນຫຼວງວຽງຈັນທີ່ປາສະຈາກການນໍາໃຊ້ຖົງຢາງປາລາສະຕິກ ເພື່ອແນໃສ່ໃນການອະນຸລັກຮັກສາການມີສ່ວນຮ່ວມການພັດທະນາການທ່ອງທ່ຽວແບບຍືນຍົງ ເຊຶ່ງເປັຮອຸດສາຫະກໍາການທ່ອງທ່ຽວໜຶ່ງທີ່ລັດຖະບານກໍ່ຄືນະຄອນຫຼວງວຽງຈັນໄດ້ຮັບຮອງແຜນຍຸດທະສາດການທ່ອງທ່ຽວສີຂຽວ

ຫົວໜ້າພະແນກຖະແຫຼງຂ່າວ ວັດທະນະທໍາ ແລະ ທ່ອງທ່ຽວນະຄອນຫຼວງວຽງຈັນໃຫ້ຮູ້ຕື່ມວ່າ: ສໍາລັບການື້ອງທ່ຽວແບບຍືນຍົງ ແລະ ທ່ອງທ່ຽວສີຂຽວນີ້ແມ່ນໜຶ່ງໃນຫົວຂໍ້ໜຶ່ງທີ່ສໍາຄັນທີ່ຈະນໍາເອົາໄປສົນທະນາແລກປ່ຽນຢູ່ໃນກອງປະຊຸມເຈົ້າຄອງນະຄອນຫຼວງອາຊຽນ ແລະ ເວທີ່ເຈົ້າຄອງອາຊຽນ ທີ່ນະຄອນຫຼວງວຽງຈັນຈະເປັນເຈົ້າພາບຈັດຂຶ້ນລະຫວ່າງ ວັນທີ 17 ຫາ 19 ເດືອນກັນຍາໜ້ານີ້, ພ້ອມດຽວກັນນີ້ ພາຍຫລັງສໍາເລັດການນໍາຄະນະກໍ່ຄືນັກລົງທຶນທີ່ມີຈຸດປະສົງຢາກຈະມາມີສ່ວນຮ່ວມລົງທຶນສະຖານດັ່ງກ່າວລົງທັດສະນະສຶກສາ ຢ້ຽມຢາມ ແລະ ຊຸກຍູ້ການພັດທະນາການທ່ອງທ່ຽວຕົວຈິງຂອງຜູ້ປະກອບການແລ້ວ, ທາງກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ, ພະແນກຖະແຫຼງຂ່າວ ວັດທະນະທໍາ ແລະ ທ່ອງທ່ຽວນະຄອນຫຼວງວຽງຈັນ ຮ່ວມກັບລັດວິສາຫະກິດຮຸ່ນສ່ວນອຸດສາຫະກໍາທ່ອງທ່ຽວລາວຈໍາກັດຈະໄດ້ພ້ອມກັນວາງແຜນຍຸດທະສາດການພັດ ທະນາທາງດ້ານການທ່ອງທ່ຽວວັດທະນະທໍາ ທໍາມະຊາດ ແລະ ປະຫວັດສາດຢູ່ນະຄອນຫຼວງວຽງຈັນໃຫ້ກາຍເປັນອຸດສາຫະກໍາທ່ອງທ່ຽວໜຶ່ງຂອງນະຄອນຫຼວງວຽງຈັນຕາມຍຸດທະສາດພັດທະນາອຸດສາຫະກໍາການທ່ອງທ່ຽວທີ່ລັດຖະບານວາງອອກ.ພາຍຫລັງສໍາເລັດການທ້ຽວຊົມພິພິດຕະພັນສິລະປະວຽງຈັນຮ່ວມສະໄໝ ຮ້ານອາຫານເຮືອນແພທ່າງ່ອນ ແລະ ປ່າສະຫງວນແກ່ນພັນໄມ້ພື້ນເມືອງ ເວີນແທ່ນແລ້ວທາງຄະນະໄດ້ສືບຕໍ່ເດີນທາງໄປສັກກາລະບູຊາທີ່ວັດອິນແປງ ເມືອງຈັນທະບູລີ ນະຄອນ ຫຼວງວຽງຈັນຕື່ມອີກ.%

ຂຽນໂດຍ: ບຸນຍັງ ພຸດສະຫວັດ