ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຄະນະບໍລິຫານງານພັກແຂວງບໍ່ແກ້ວ ສະໄໝທີ V ດຳເນີນກອງປະຊຸມທ້າຍສະໄໝ

ກອງປະຊຸມດຳເນີນຊີວິດການເມືອງ ທ້າຍສະໄໝຂອງຄະນະບໍລິຫານງານພັກແຂວງບໍ່ແກ້ວສະໄໝທີ V ຈັດຂຶ້ນໃນວັນທີ 12 ກັນຍາ 2020 ທີ່ຫ້ອງວ່າການ ແຂວງບໍ່ແກ້ວ ໂດຍການເປັນກຽດເຂົ້າຮ່ວມເປັນປະທານຂອງ ສະຫາຍ ບຸນທອງ ຈິດມະນີ ກົມການເມືອງສູນກາງພັກ, ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ-ອົງການກວດກາລັດຖະບານ, ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ.

ສະຫາຍ ປອ ບົວຄົງ ນາມມະວົງ ເລຂາຄະນະບໍລິ ຫານງານພັກແຂວງ ເຈົ້າແຂວງບໍ່ແກ້ວ ໄດ້ຜ່ານບົດສຳຫຼວດການນຳພາລ່ວມຂອງຄະນະບໍລິຫານງານພັກແຂວງບໍ່ແກ້ວສະໄໝ ທີ V ຍົກໃຫ້ເຫັນດ້ານດີຜົນງານ ດ້ານອ່ອນຂໍ້ຄົງຄ້າງ ບາງບົດຮຽນທີ່ຖອດຖອນໄດ້ ແລະ ບັນດາຄະນະປະ ຈຳ,ກຳມະການພັກແຂວງ ໄດ້ຜ່ານບົດສຳຫຼວດຂອງຕົ້ນເອງ ປະກອບຄຳເຫັນປັບປຸງກໍ່ສ້າງສົ່ງຂ່າວຊ່ວຍເຫຼືອເຊິ່ງກັນ ແລະ ກັນ. ຮັບຟັງຮ່າງບົດລາຍງານການເມືອງ 2 ສອງພາກ, ຮ່າງແຜນພັດທະນາເສດຖະກິດ-ສັງຄົມ, ແຜນການດຳເນີນງານຂອງຄະນະບໍລິຫານງານພັກແຂວງສະໄໝ ທີ VI ກ່ຽວ ກັບການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ ຢູ່ແຂວງບໍ່ແກ້ວ. ສໍາເລັດກອງປະຊຸມໃຫຍ່ອົງຄະ ນະພັກເມືອງ 5 ເມືອງ ແລະ ອົງຄະນະພັກ 2 ກອງບັນຊາ ການ. ມີ 566 ຮາກຖານ 85 ອົງຄະນະພັກ ສອງກອງບັນ ຊາການ ແລະ ອົງການຈັດຕັ້ງມະຫາຊົນ ໂດຍລວມແມ່ນໄປຕາມເປົ້າໝາຍທີ່ວາງໄວ້, ມີທັງຜູ້ເກົ່າ, ຜູ້ໃໝ່, ຮຸ່ນອາວຸໂສ, ລຸ້ນກາງ, ລຸ້ນໜຸ່ມ ໃນນັ້ນ ລຸ້ນກາງ ແລະ ລຸ້ນໜຸ່ມ ກວມອັດຕາສ່ວນຫຼາຍ. ມີເພດຍິງ ແຕ່ເຫັນວ່າຍັງມີອັດຕາສ່ວນນ້ອຍ.

ເຈົ້າແຂວງບໍ່ແກ້ວ ໃຫ້ຮູ້ຕື່ມວ່າ: ການກະກຽມດຳເນີນກອງປະຊຸມໃຫຍ່ຜູ້ແທນອົງຄະນະພັກແຂວງ ຄັ້ງທີ VI ໄດ້ກະກຽມທັງ 3 ດ້ານ ເປັນຕົ້ນຄື:ດ້ານຂະບວນການ,ດ້ານເນື້ອໃນ,ດ້ານບຸກຄະລະກອນ, ຄາດຫມາຍສູ້ຊົນໃນ 5 ປີຕໍ່ໜ້າ( 2021-2025 ) ປະກອບມີ ທິດທາງລວມຄາດຫມາຍສູ້ຊົນ ແລະ ວຽກງານຈຸດສຸມແຕ່ລະດ້ານ ໃນຈຳນວນການກະກຽມ ດໍາເນີນກອງປະຊຸມໃຫຍ່ຜູ້ແທນອົງຄະນະພັກແຂວງ ຄັ້ງທີ VI. ແຜນການສືບຕໍ່ອັນລວມ ແລະ ອັນລະ ອຽດຂອງແຕ່ລະອະນຸກໍາມະການແມ່ນມີເອກະສານສືບຕໍ່ດໍາເນີນຊີວິດການເມືອງຄະນະບໍລິຫານງານພັກແຂວງ ຕະຫຼອດສະໄໝທີ V ຕິດພັນກັບການທາບທາມໂຄງປະກອບບຸກຄະລາກອນຮອບທີ 3. ເພື່ອຄັດເລືອກເອົາຄະນະປະຈຳພັກແຂວງ, ເລຂາພັກແຂວງ, ຮອງເລຂາພັກແຂວງ, ປະທານ ແລະ ຮອງປະທານກວດກາພັກ ຕົກລົງຈຳນວນລາຍຊື່ດ້ານບຸກຄະລາກອນ ແລະ ກວດກາ ການກະກຽມຄວາມພ້ອມທຸກດ້ານ.ຄາດວ່າການດຳເນີນກອງປະຊຸມໃຫຍ່ຜູ້ແທນອົງຄະນະພັກແຂວງບໍ່ແກ້ວ ຄັ້ງທີ VI ໃນໄວໆນີ້.

Cr: ພາບ-ຂ່າວ: ຫນັງສຶພິມແຂວງບໍ່ແກ້ວ