ວັນທີ 05 ພະຈິກ 2020 ທີ່ ສານປະຊາຊົນສູງສຸດ, ທ່ານ ບຸນຂວາງ ທະວີສັກ ຮອງປະທານ ສານປະຊາຊົນສູງສຸດ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມທາງໄກ ສານສູງສຸດອາຊຽນ ຄັ້ງທີ 08 (8TH COUNCIL OF ASEAN CHIEF JUSTICES (CACJ) MEETING) ພາຍໃຕ້ການເປັນປະທ່ານຂອງ ທ່ານ ຫວຽນຮວາບີງ ປະທານສານ ສສ ຫວຽດນາມ ໃນຖານະເປັນປະທານໝູນວຽນສານອາຊຽນ ປີ 2020 ໂດຍມີບັນດາປະທານສານປະເທດອາຊຽນເຂົ້າຮ່ວມ.

ກອງປະຊຸມ CACJ ໄດ້ຈັດເປັນປະຈຳທຸກປີ ເພື່ອແລກ ປ່ຽນຄວາມຄິດເຫັນ ປືກສາຫາລືກ່ຽວກັບວຽກງານຕຸລາ ການຂອງແຕ່ລະປະເທດ, ທັງເປັນເວທີສົ່ງເສີມຄວາມສຳ ພັນທີ່ໃກ້ຊິດ ແລະ ສ້າງຄວາມເຂົ້າໃຈກັນລະຫວ່າງສານໃນກຸ່ມປະເທດອາຊຽນ, CACJ ຍັງຊ່ວຍໃນການຮ່ວມມືເຊີ່ງກັນທາງດ້ານຕຸລາການໃນການຝືກອົບຮົມຜູ້ພິພາກສາ ແລະ ຊ່ວຍເຫຼືອທາງດ້ານທືນການສືກສາ.

ກອງປະຊຸມຄັ້ງນີ້ ໄດ້ຕີລາຄາສູງຕໍ່ຄວາມພະຍາຍາມຂອງແຕ່ລະປະເທດຊຽນໃນການປ້ອງກັນ,ຄວບຄຸມ ແລະ ຮັບມືກັບພະຍາດອັກເສບປອດໂຄວິດ-19 ເຊີ່ງອົງການຕຸລາການຂອງປະເທດໃນອາຊຽນກໍ່ໄດ້ມີການແລກປ່ຽນຄວາມຄິດເຫັນໃນມາດຕະການປ້ອງກັນ,ຄວບຄຸມ ແລະ ຮັບມື ຈາກຜົນກະທົບດ່ັງກ່າວ, ພ້ອມຍັງໄດ້ ປືກສາຫາລືເລື່ອງຂໍ້ພິພາດທາງຊາຍແດນກ່ຽວກັບເດັກ, ລາຍງານການຮ່ວມືຂອງສານສູງສຸດອາຊຽນທີ່ຜ່ານມາ, ລາຍງານການເຄື່ອນໄຫວຂອງເວັບໄຊສານອາຊຽນ CACJ (http://cacj-ajp.org),ການຝືກອົບຮົບໃຫ້ຜູ້ພິພາກສາອາຊຽນ ແລະ ການຮ່ວມືຂອງ CACJ+3 ພ້ອມທັງລົງນາມໃນຂໍ້ຕົກລົງຕ່າງ ແລະ ມອບສົ່ງການເປັນເຈົ້າພາບການເປັນປະທານສານອາຊຽນຄັ້ງຕໍ່ໄປໃຫ້ອິນໂດເນເຊຍ.

Loading...