ທ່ານ ວົງນຳ ວົງວິໄລ ປະທານສະມາຄົມປ້າຍລາວ ໄດ້ນຳພາຄະນະບໍລິຫານ ແລະ ສະມາຊິກສະມາຄົມປ້າຍລາວ ພ້ອມດ້ວຍຄະນະຈາກ 10 ກວ່າບໍລິສັດ ເຂົ້າຮ່ວມງານວາງສະແດງເຕັກໂນໂລຢີການພິມ ປີ 2024 ໃນລະຫວ່າງ ວັນທີ 28–31 ມີນາ 2024 ນີ້ ທີ່ສູນວາງສະແດງ ອີມແພັກ ເມືອງທອງທານີ, ນະຄອນຫລວງບາງກອກ, ປະເທດໄທ ຕາມຄໍເຊີນຂອງຜູ້ຈັດງານວາງສະແດງດັ່ງກ່າວ, ໂດຍເປັນກຽດເຂົ້າຮ່ວມຂອງທ່ານ ຄົມສັນ ເຫຼົ່າສິນລະປະຈະເລີນ ຮອງປະທານສະພາອຸດສາຫະກຳແຫ່ງປະເທດໄທ (ປະທານສະຖາບັນລະຫັດສາກົນ).
ທ່ານ ນາງ ມິນທິຕາ ນິທິກຸລະນັນ ກໍາມະການຜູ້ຈັດການ ບໍລິສັດວັນທູວັນ ຄຣີເອຊັນ ຈໍາກັດ ກ່າວວ່າ: ປັດຈຸບັນນະວັດຕະກຳເຕັກໂນໂລຢີການພິມທີໄຮ້ຂີດຈຳກັດ ພາຍໃຕ້ຫົວຂໍ້ ເຕັກໂນໂນໂລຊີການພິມແບບອັດສາລິຍະ ໃນອະ ນາຄົດ. ໃນຂະນະທີ່ເຕັກໂນໂລຊີມີການພັດທະນາຢ່າງກ້າວກະໂດດ, ອຸດສາຫະກຳຕ່າງໆໄດ້ປັບປຸງ ແລະ ພັດທະນາໄປພ້ອມໆກັນຢ່າງໄວວາ. ໃນນັ້ນ, ຂະແໜງການພິມປ້າຍ, ພິມຜ້າ, ການພິມເອກະສານ, ການພິມໜ້າຈໍໃສ່ວັດສະດຸ, ການພິມຫຸ້ມຫໍ່ ແລະ ອື່ນໆ. ເຕັກໂນໂລຊີໃນການສ້າງວຽກງານ ແລະ ປະສົບການການເຮັດວຽກສໍາລັບຜູ້ປະກອບການທີ່ມີປະ ສິດທິພາບ ທີ່ບໍ່ມີຂອບເຂດໄດ້ເປັນປັດໄຈຊຸກຍູ້ໃຫ້ວຽກງານປ້າຍ ແລະ ສິ່ງພິມມີ ການພັດທະນາຢ່າງຕໍ່ເນື່ອງ.
ງານຄັ້ງນີ້ ໄດ້ເປີດປະສົບການນະວັດຕະກໍາໃນເຕັກໂນໂລຊີການພິມທີ່ບໍ່ມີຂີດຈໍາກັດ ກັບ ງານວາງສະແດງສິນຄ້າທີ່ໃຫຍ່ທີ່ສຸດຂອງປີໃນປະເທດໄທ ໂດຍມີ 3 ຈຸດ ຄື: ການສະແດງເຕັກໂນໂລຊີນະວັດຕະກໍາສໍາລັບເຄື່ອງຈັກອັດສະລິຍະ ແລະ ເຄື່ອງພິມ ທີ່ຊ່ວຍໃຫ້ການເຮັດວຽກງ່າຍຂຶ້ນ. “ຫຼຸດຜ່ອນຄ່າໃຊ້ຈ່າຍ, ເພີ່ມກໍາໄລ” ແມ່ນໂອກາດທີ່ຈະເບິ່ງເຕັກໂນໂລຢີເພື່ອເພີ່ມປະສິດທິພາບການເຮັດວຽກ, ຫຼຸດຜ່ອນແຮງງານໄດ້ຫຼາຍຂຶ້ນ. ການສະແດງວັດສະດຸຕ່າງໆທີ່ສາມາດນໍາໄປໃຊ້ໃນການພິມໄດ້ເຊັ່ນ: vinyl, ຜ້າແພ, ໂລຫະ, ໄມ້, ແກ້ວ,ເຊີລາມິກ ແລະ ອື່ນໆ. ງານວາງສະແດງຄັ້ງນີ້, ມີ 140 ບໍລິ ສັດ ຈໍານວນ 450 ຮ້ານເຂົ້າຮ່ວມ.
ທ່ານ ວົງນຳ ວົງວິໄລ ໄດ້ກ່າວໃນງານວ່າ: ວາງສະແດງໃນຄັ້ງນີ້, ມີຄວາມໝາຍ-ຄວາມສຳຄັນ ຕໍ່ບັນດາຜູ້ປະກອບການກ່ຽວກັບປ້າຍໂຄສະນາຂອງ ສປປ ລາວ ພວກເຮົາ ແລະ ໄດ້ຢ້ຽມຊົມຮ້ານວາງສະແດງສິນຄ້າ, ເຄື່ອງຈັກກົນ, ເຕັກໂນໂລຊີໃໝ່ທີ່ຮັບໃຊ້ໃນໂຮງງານອຸດສາຫະກຳຜະລິດປ້າຍໂຄສະນາ, ໄດ້ໄປຢ້ຽມຊົມຖານການຜະລິດອຸດສາ ຫະກຳປ້າຍ ທີ່ບໍລິສັດ ຕິວານົນປຣິ້ນເຊັນເຕີ້ ທີ່ແຂວງນົນບູຣີ ແລະ ຊົມໂຊຮູມ ບໍ ລິສັດ Formica Thailand ອີກດ້ວຍ. ພ້ອມທັງໄດ້ແລກປ່ຽນປະສົບການ ກັບ ຜູ້ປະ ກອບການຫຼາຍໆທ່ານ ທີ່ເຂົ້າຮ່ວມງານ. ນອກນັ້ນ, ຄະນະຍັງໄດ້ ໄດ້ຫາລື ກັບສະມາ ຄົມສົ່ງເສີມທຸລະກິດປ້າຍໄທ ເພື່ອກຽມເຊັນບົດບັນທຶກຄວາມເຂົ້າໃຈ ໃນທ້າຍປີນີ້, ເພື່ອວາງແຜນ ຮ່ວມມືກັນແລກປ່ຽນ ພັດທະນາ ສ້າງຄູ່ມືສາຍອາຊີບສະເພາະ, ຈັດກິດຈະກຳ ຝຶກອົບຮົມ ເພື່ອສົ່ງເສີມການຮຽນຮູ້ໃນສາຂາວິຊາຊີບປ້າຍ ໃຫ້ມີຄວາມກ້າວກ້າວໜ້າ ທັນສະໄໝຂຶ້ນ ເທື່ອລະກ້າວ.
