ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສະຖາປະນາ ສປປ ລາວ ຄົບຮອບ 45 ປີ
( 02 ທັນວາ 1975 – 2020 ) ຢ່າງສຸດໃຈ

ຄະນະຜູ້ແທນສົມບູນກອງປະຊຸມໃຫຍ່ອົງຄະນະພັກແຂວງ​ສະຫວັນະເຂດເຂົ້າວາງກະຕ່າດອກໄມ້ຢູູ່ອະນຸສອນສະຖານ ປະທານ ໄກສອນ ພົມວິຫານກ່ອນເຂົ້າຮ່ວມກອງປະຊຸມ.

ເພື່ອສະແດງຄວາມເຄົາລົບຮັກ, ຄວາມກະຕັນຍູຮູ້ບຸນຄຸນ, ສັນລະເສີນຄຸນງາມຄວາມດີ ແລະ ຜົນງານອັນໃຫຍ່ຫຼວງຂອງທ່ານປະທານ ໄກສອນ ພົມວິຫານ ທີ່ໄດ້ອຸທິດເພື່ອຊາດ ແລະ ການປະຕິວັດ, ນຳພາປະເທດຊາດສະຖາປານາເປັນ ສາທາລະນະລັດ ປະຊາທິປະໄຕ ປະຊາຊົນລາວ, ນຳພາປ່ຽນແປງໃໝ່ຮອບດ້ານຢ່າງມີຫຼັກການຂອງພັກ, ເປັນແບບຢ່າງໃນການນຳພາປົກປັກຮັກສາ ແລະ ສ້າງສາພັດທະນາປະເທດຊາດ.ແນໃສ່ເຮັດໃຫ້ປະເທດຊາດມັ່ງຄັ້ງເຂັ້ມແຂງ ປະຊາຊົນຮັ່ງມີ ສັງຄົມມີຄວາມສາມັກຄີປອງດອງ, ມີປະຊາທິປະໄຕ ຍຸຕິທຳ ສີວິໄລ ຕາມຈຸດໝາຍສັງຄົມນິຍົມຢ່າງໜັກແໜ້ນ ແລະ ມີໄຊ.ເພື່ອສະແດງຄວາມຮູ້ບຸນຄຸນດັ່ງກ່າວ ກ່ອນເຂົ້າຮ່ວມກອງປະຊຸມໃຫຍ່ອົງຄະນະພັກແຂວງສະຫວັນະເຂດຄັ້ງທີ 9 ຢ່າງເປັນທາງການໃນລະຫວ່າງວັນທີ 20 ຫາ 21 ພະຈິກ 2020 ນີ້:ດັ່ງນັ້ນ ມາໃນຕອນບ່າຍວັນທີ 19 ພະຈິກ 2020 ຄະນະຜູ້ແທນສົມບູນກອງປະຊຸມໃຫຍ່ ໄດ້ເຂົ້າວາງກະຕ່າດອກໄມ້ຕໍ່ໜ້າອະນຸສາວະລີປະທ່ານປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ, ການວາງກະຕ່າດອກໄມ້ຄັ້ງນີ້ເລີ່ມຈາກກຸ່ມພັກ-ພະນັກງານ ປະກອບມີ: ຄະນະໂຄສະນາອົບຮົມແຂວງ, ຄະນະຈັດຕັ້ງແຂວງ, ກວດກາພັກ-ລັດແຂວງ, ແນວລາວສ້າງຊາດ, ຫ້ອງວ່າການປົກຄອງແຂວງ, ຄະນະບໍລິຫານງານຊາວໜຸ່ມສະຫະພັນກຳມະບານ, ສະຫະພັນແມ່ຍິງ ແລະ ຄະນະສະຫະພັນນັກຮົບເກົ່າແຂວງ; ກຸ່ມສະພາປະຊາຊົນແຂວງ ປະກອບມີ: ສະພາປະຊາຊົນແຂວງ, ພະແນກແຮງງານ ແລະ ສະຫວັດດີການສັງຄົມ, ອະນຸສອນສະຖານປະທານໄກສອນພົມວິຫານ, ກຳລັງປ້ອງກັນຊາດ-ປ້ອງກັນຄວາມສະຫງົບ, ກໍ່ສ້າງຮາກຖານການເມືອງ, ພະແນກການຕ່າງປະເທດ, ອົງການໄອຍະການ, ສານປະຊາຊົນ, ພະແນກຍຸຕິທຳ, ໂຮງຮຽນທິດສະດີການເມືອງ-ການປົກຄອງ, ພະແນກພາຍໃນ ແລະ ພະແນກໂຍທາທິການ ແລະ ຂົນສົ່ງ. ກຸ່ມວັດທະນະທຳ-ສັງຄົມ ປະກອບມີ: ພະແນກ ຖວທ ແຂວງ, ພະແນກສຶກສາທິການ ແລະ ກິລາແຂວງ, ມະຫາວິທະຍາໄລສະຫວັນະເຂດ, ວິທະຍາໄລຄູສະຫວັນະເຂດ, ວິທະຍາໄລເຕັກນິກວິຊາຊີບ, ພະແນກສາທາລະນະສຸກ, ພະແນກໄປສະນີໂທລະຄົມມະນາຄົມ ແລະ ການສື່ສານ ແລະ ພະແນກວິທະຍາສາດ ແລະ ເຕັກໂນໂລຊີ. ກຸ່ມເສດຖະກິດ ປະກອບມີ: ເຂດເສດຖະກິດພິເສດ ສະຫວັນ-ເຊໂນ, ພະແນກການເງິນ, ພະແນກຊັບພະຍາກອນທຳມະຊາດ ແລະ ສິ່ງແວດລ້ອມ, ພະແນກພະລັງານ ແລະ ບໍ່ແຮ່, ພະແນກອຸດສະຫະກຳ ແລະ ການຄ້າ, ພະແນກກະສິກຳ ແລະ ປ່າໄມ້, ທະນາຄານ, ເຂດການຄ້າຊາຍແດນ-ດ່ານສາກົນແດນສະຫວັນ, ລັດວິສາຫະກິດນ້ຳມັນເຊື້ອໄຟລາວ, ການບິນລາວສາຂາແຂວງສະຫວັນນະເຂດ, ພະແນກແຜນການ ແລະ ການລົງທຶນ, ດ່ານຂົວມິດຕະພາບ2 , ກຸ່ມບໍລິສັດພົງສະຫວັນ ແລະ ບໍລິສັດສະຫວັນບ້ານເຮົາ. ກຸ່ມປ້ອງກັນຊາດ-ປ້ອງກັນຄວາມສະຫງົບ ປະກອບມີ: ກອງບັນຊາການທະຫານແຂວງ ແລະ ກອງບັນຊາການປ້ອງກັນຄວາມສະຫງົບແຂວງ, ກຸ່ມ 14 ເມືອງ ແລະ 1 ນະຄອນ ຕາມລຳດັບ.