ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນລະຫວ່າງວັນທີ 21-22 ກັນຍາ 2023 ນີ້ ທ່ານ ສຈ.ດຣ. ພູທອນ ເມືອງປາກ ປະທານອົງການກາແດງແຫ່ງຊາດລາວ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມຄະນະນຳກາແດງ ແລະ ຊີກວົງເດືອນແດງ ປະຈຳພາກພື້ນອາຊີຕາເວັນອອກສ່ຽງໃຕ້ ທີ່ນະຄອນຫຼວງພະນົມເປັນ ຣາຊະອານາຈັກກຳປູເຈຍ, ກອງປະຊຸມພາຍໃຕ້ການເປັນປະທານຂອງ ສົມເດັດ ນາງ ກິດຕິພີຮດບິນດິດ ບັນລານີ ຮຸນເຊັນ ປະທານອົງການກາແດງກຳປູເຈຍ.
ກອງປະຊຸມນີ້ ຜູ້ແທນກອງປະຊຸມ ໄດ້ທົບທວນຄືນບັນດາຜົນສຳເລັດ, ຄວາມຄືບຫນ້າ, ຄວາມຫຍຸ້ງຫຍາກ ແລະ ສິ່ງທ້າທ້າຍໃນການຈັດຕັ້ງປະຕິບັດວຽກງານມະນຸດສະທຳ ໂອກາດດຽວກັນນີ້ ຍັງໄດ້ປຶກສາຫາລືນະໂຍບາຍຕ່າງໆ,ໃນການເພີ່ມທະວີການຮ່ວມມືລະຫວ່າງບັນດາອົງການກາແດງ ແລະ ຊີກວົງເດືອນແດງໃນພາກພື້ນອາຊີ ຕາເວັນອອກສ່ຽງໃຕ້ ,ໂດຍສະເພາະການເຂົ້າເປັນສະມາຊິກຂອງເຄືອຄາຍຕ່າງໆຂອງວຽກງານກາແດງ, ພ້ອມທັງກະກຽມພັດທະນາສັນຍາການຮ່ວມມືລະຫວ່າງອົງການກາແດງ ແລະ ຊີກວົງເດືອນອາຊີຕາເວັນອອກສ່ຽງໃຕ້ຮ່ວມກັບ ກອງເລຂາອາຊຽນກ່ຽວກັບວຽກງານຕອບໂຕ້ໄພພິບັດ. ຄຽງຄູ່ກັນນັ້ນ, ກອງປະຊຸມເຄືອຂ່າຍຊາວໜຸ່ມກາແດງ ແລະ ຊີກວົງເດືອນແດງອາຊີຕາເວັນອອກສ່ຽງໃຕ້ ຄັ້ງທີ່ 2 ກໍ່ໄດ້ຈັດຂື້ນໃນໄລຍະເວລາດຽວກັນ.
ພິເສດ ອີກວາລະຂອງນຶ່ງກອງປະຊຸມໄດ້ມີພິທີການປູກປ່າປູກຕົ້ນໄມ້ ເພື່ອເປັນການສົ່ງເສີມວາລະການຫລຸດຜ່ອນຄວາມສ່ຽງໄພພິບັດ ແລະ ການປ່ຽນແປງດິນຟ້າອາກາດ ເຊິ່ງໄດ້ປຸກຕົ້ນໄມ້ຫລາຍພັນຕົ້ນ.
ໂດຍ: ນັກຂ່າວ ອົງການກາແດງ