ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ເນື່ອງໃນໂອກາດວັນສ້າງຕັ້ງອົງການໄອຍະການປະຊາຊົນ ຄົບຮອບ 34 ປີ (9 ມັງກອນ 1990-9 ມັງກອນ 2024) ທີ່ໄດ້ໝູນວຽນມາເຖິງອີກວາລະໜຶ່ງ. ໃນວັນທີ 11 ມັງກອນ 2023 ທີ່ອົງການໄອຍະການປະຊາຊົນສູງສຸດ ທ່ານ ເກດສະໜາ ພົມມະຈັນ ຮອງລັດຖະມົນຕີກະຊວງຍຸຕິທຳ ພ້ອມດ້ວຍຄະນະ ເຂົ້າອວຍພອນ ຄະນະພັກ-ຄະນະນຳ ອົງການໄອຍາການປະຊາຊົນສູງສຸດ ໂດຍການໃຫ້ກຽດຕ້ອນຮັບຂອງ ທ່ານ ບຸນທັນ ບຸນທະວິໄລ ຮອງຫົວໜ້າອົງການໄອຍະການປະຊາຊົນສູງສຸດ ພ້ອມດ້ວຍຄະນະພັກ-ຄະນະນໍາອົງການໄອຍະການປະຊາຊົນສູງສຸດ.
ໃນໂອກາດດັ່ງກ່າວ ທ່ານ ບຸນທັນ ບຸນທະວິໄລ ຕາງໜ້າຄະນະພັກ-ຄະນະນຳ ແລະ ພະນັກງານ ອົງການໄອຍະການປະຊາຊົນ ກໍສະແດງຄວາມຂອບໃຈເປັນຢ່າງຍິ່ງມາຍັງ ບັນດາຄະນະນໍາ ກະຊວງຍຸຕິທໍາ ທີ່ໄດ້ນໍາເອົາຄວາມຮັກແພງ, ຄວາມສາມັກຄີ, ຄວາມເປັນຫ່ວງເປັນໄຍ ມາສູ່ອົງການໄອຍະການປະຊາຊົນ. ສະນັ້ນ, ເພື່ອສະແດງຄວາມຮູ້ບຸນຄຸນມາຍັງ ຄະນະນໍາກະຊວງຍຸຕິທໍາ ຂ້າພະເຈົ້າຕາງໜ້າໃຫ້ອົງການໄອຍະການປະຊາຊົນ ຈຶ່ງຖືເອົາໂອກາດນີ້ອວຍພອນໃຫ້ຄະນະນໍາ ກະຊວງຍຸຕິທໍາ ຈົ່ງມີສຸຂະພາບເຂັ້ມແຂງ ແລະ ເຮັດລ້ອນໜ້າທີ່ພັກ, ລັດ ແລະ ປະຊາຊົນມອບໝາຍໃຫ້ທຸກປະການ, ປະກອບສ່ວນເຂົ້າໃນການພັດທະນາປະເທດຊາດ ໃຫ້ນັບມື້ຈະເລີນ, ສັງຄົມມີຄວາມສະຫງົບ, ມີຄວາມເປັນລະບຽບຮຽບຮ້ອຍ, ຍຸຕິທໍາ ແລະ ສີວິໄລ ຢ່າງບໍ່ຢຸດຢັ້ງ.
ຂ່າວ-ພາບ: ບຸນຖອມ ພະສະແຫວງ