ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຄະນະສະມາຊິກສະພາແຫ່ງຊາດປະຈຳເຂດເລືອກຕັ້ງທີ 11 ບໍລິຄຳໄຊ ສະຫຼຸບວຽກງານປະຈຳປີ 2019

ໃນ​ຕອນ​ເຊົ້າ​ຂອງວັນ​ທີ 20 ມັງ​ກອນ 2020 ທີ່​ຫ້ອງ​ປະ​ຊຸມ​ສະ​ພາ​ປະ​ຊາ​ຊົນ​ແຂວງ​ບໍ​ລິ​ຄຳ​ໄຊ ໄດ້​ຈັດ​ກອງ​ປະ​ຊຸມ​ປະ​ຈຳ​ປີ 2019 ຂອງ​ສະ​ມາ​ຊິກ​ສະ​ພາ​ແຫ່ງ​ຊ​າດ ປະ​ຈຳ​ເຂດ​ເລືອກ​ຕັ້ງ​ທີ 11 ແຂວ​ງ​ບໍ​ລິ​ຄຳ​ໄຊ  ພາຍ​ໃຕ້​ການ​ເປັນ​ປະ​ທານ​ຂອງ​ທ່ານ ສຸ​ວັນ​ນີ ໄຊ​ຊະ​ນະ ປະ​ທານ​ຄະ​ນະ​ສະ​ມາ​ຊິກ​ສະ​ພາ​ແຫ່ງ​ຊາດ ປະ​ຈຳ​ເຂດ​ເລືອກ​ຕັ້ງ​ທີ 11 ໂດຍໃຫ້​ກຽດ​ເຂົ້າ​ຮ່ວມ​​ຂອງ​ທ່ານ ນາງ ສີ​ໃສ ລື​ເດດ​ມູນ​ສອນ ຮອງ​ປະ​ທານ​ສະ​ພາ​ແຫ່ງ​ຊາດ, ທ່ານ ກອງ​ແກ້ວ ໄຊ​ສົງ​ຄາມ ເຈົ້າ​ແຂວງ​ບໍ​ລິ​ຄຳ​ໄຊ ,ມີສະ​ມາ​ຊິກ​ສະ​ພາ​ແຫ່ງ​ຊາດ ປະ​ຈຳ​ເຂດ​ເລືອກ​ຕັ້ງ,ສະ​ມາ​ຊິ​ກສະ​ພາ​ປະ​ຊາ​ຊົນ​ແຂວງ,ບັນດາຫົວ​ໜ້າ​ພະ​ແນກ​ການ​,ຫ້ອງການ,ອ້ອມ​ຂ້າງ​ແຂວງ​ເຂົ້າ​ຮ່ວມ​.

ທ່ານ ລົມ ແພງສຸກ ສະມາຊິກສະພາແຫ່ງຊດ ປະຈຳເຂດເລືອກຕັ້ງ,ເລຂາທິການ ສະພາປະຊາຊົນແຂວງ ບໍລິຄຳໄຊ ໄດ້ຕີລາຄາຄືນຜົນການຈັດຕັ້ງປະຕິບັດວຽກງານຮອບດ້ານຕະຫຼອດໄລຍະຜ່ານມາ ຍົກໃຫ້ເຫັນຜົນສຳເລັດ ແລະ ບາງຂໍ້ຄົງຄ້າງ,ໃນນັ້ນຄະນະສະມາຊິກສະພາປະຊາຊົນແຂວງ ບໍລິຄຳໄຊ ໄດ້ເປັນເຈົ້າການເຂົ້າຮ່ວມຄົ້ນຄວ້າປະກອບຄຳຄິດ-ເຫັນຕໍ່ບັນຫາສຳຄັນຂອງຊາດ,ຂອງແຂວງໃນກອງປະຊຸມສະໄໝສາມັນ,ເປັນຕົ້ນແມ່ນຮ່າງກົດໝາຍ,ນິຕິກຳ ແລະ ແຜນພັດທະນາເສດຖະກິດ-ສັງຄົມ,ແຜນງົບປະມານແຫ່ງລັດ ໄລຍະສັ້ນ ແລະ ໄລຍະຍາວ,ອັນທີ່ພົ້ນເດັ່ນໄດ້ຮ່ວມກັບອສະມາຊິກສະພາປະຊາຊົນແຂວງຄົ້ນຄວ້າພິຈາລະນາແກ້ໄຂຄຳຮ້ອງທຸກ ຂອງປະຊາຊົນທີ່ມາຢື່ນຕໍ່ສະພາປະຊາຊົນແຂວງໂດຍກົງຈຳນວນ 40 ເລື່ອງ,ໃນນັ້ນເປັນຄຳຮ້ອງຂໍຄວາມເປັນທຳ 12 ເລື່ອງ,ຄຳສະເໜີ 28 ເລື່ອງ,ບັນຫາທີ່ພົ້ນເດັ່ນຂອງຄໍາຮ້ອງທຸກແມ່ນບໍ່ພໍໃຈຕໍ່ຄໍາຕັດສິນຂອງສານ ຫຼື ຄໍາພິພາກສາຂອງສານ,ຂໍ້ຂັດແຍ່ງກ່ຽວກັບທີ່ດິນ ແລະ ຂໍ້ຂັດແຍ່ງກ່ຽວກັບຜົນກະທົບຈາກການ​ລົງທຶນ​ຂອງ​ລັດ ​ແລະ ​ເອກະ​ຊົນ ແລະ ອື່ນໆ (ຄໍາຮ້ອງທຸກດັ່ງກ່າວ ໄດ້ປະສານສົມທົບສົ່ງໃຫ້ພາກສ່ວນທີ່ກ່ຽວຂ້ອງ ຄົ້ນຄວ້າ ພິຈາລະນາ ສໍາເລັດ 38 ເລື່ອງ, ກໍາລັງຄົ້ນຄວ້າ 2 ເລື່ອງ); ໄດ້ສົ່ງຄໍາຮ້ອງຂໍຄວາມເປັນທໍາ ໃຫ້ສະພາແຫ່ງຊາດຄົ້ນຄວ້າພິຈາລະນາແກ້ໄຂ ຈໍານວນ 01 ເລື່ອງ ປະຈຸບັນແມ່ນຍັງບໍ່ທັນໄດ້ຮັບຄໍາຕອບ.ປະສານສົມທົບກັບສະພາປະຊາຊົນແຂວງ ຕິດຕາມ ແລະ ຊຸກຍູ້ ອົງການປົກຄອງແຂວງ, ຂະແໜງການທີ່ກ່ຽວຂ້ອງ ແກ້ໄຂຄຳ​ສະ​ເໜີ​ຂອງ​ປະຊາຊົນທີ່​ສະ​ເໜີ​ຜ່ານສະມາຊິກສະພາແຫ່ງຊາດ, ສະມາຊິກສະພາປະຊາຊົນແຂວງ,​ລົງ​ເຜີຍ​ແຜ່​ຜົນສຳ​ເລັດ​ກອງ​ປະຊຸມສະໄໝສາມັນ ເທື່ອທີ 6 ແລະ ເທື່ອທີ 7 ຈຳນວນ 93 ຄັ້ງ,ສະມາຊິກສະພາແຫ່ງຊາດປະຈໍາຢູ່ສູນກາງ ແລະ ທ້ອງຖິ່ນຍັງໄດ້ໃຫ້ຄໍາປຶກສາ ແລະ ແນະນໍາແກ່ພົນລະເມືອງ ທີ່ຍື່ນຄໍາຮ້ອງຂໍຄວາມເປັນທໍາມາຍັງສະພາແຫ່ງຊາດ, ສະພາປະຊາຊົນແຂວງລວມທັງໝົດ 18 ຄັ້ງ, ຈໍານວນ 24 ເທື່ອຄົນ.ໄດ້ລົງໂຄສະນາເຜີຍແຜ່ຜົນສໍາເລັດກອງປະຊຸມສະໄໝສາມັນ ເທື່ອທີ 6-7 ຂອງສະພາແຫ່ງຊາດ ຊຸດທີ VIII  ແລະ ສະພາປະຊາຊົນແຂວງ ຊຸດທີ I ໄດ້ 144 ຈຸດ, ມີຜູ້ເຂົ້າ​ຮ່ວມ​ຮັບ​ຟັງ ​12.333 ຄົນ, ຍິງ 5.140 ຄົນ.ກອງປະຊຸມຄັ້ງນີ້ຍັງໄດ້ຮັບຟັງການລາຍງານຜົນຂອງການຕິດຕາມກວດກາກ່ຽວກັບ ອການຈັດຕັ້ງປະຕິບັດໂຄງການຈຸດສູມຈັດສັນພູມລຳເນົາຂອງລັດຖະບານ ກູ່ມບ້ານາກຸນ ເມືອງບໍລິຄັນຕື່ມອີກ.ຈາກນັ້ນບັນດາຜູ້ແທນກອງປະຊຸມຍັງໄດ້ປະກອບຄຳຄິດເຫັນ ໃສ່ຮ່າງບົດລາຍງານຢ່າງກົງໄປກົງມາ ຍົກໃຫ້ເຫັນຂັ້ນຕອນ,ວິທີການ,ມາດຕະການການແກ້ໄຂບັນຫາທີ່ເກີດເກີດຂື້ນໃນສັງຄົມດ້ວຍລະບຽບກົດໝາຍ,ທັ້ງນີ້ກໍ່ເພື່ອເປັນບ່ອນອິງໃນການຈັດຕັ້ງປະຕິບັດວຽກງານໃນສະເພາະໜ້ານັ້ນໃຫ້ມີຜົນສຳເລັດຕາມແຜນການທີ່ວາງໄວ້ ແລະ ບັນດາຜູ້ແທນກອງປະຊຸມຍັງຮັບຮອງເອົາບົດ​ສະຫຼຸບການເຄື່ອນ​ໄຫວ​ວຽກ​ງານ​ ປະຈໍາປີ 2019 ແລະ ທິດທາງແຜນການ ປະຈໍາປີ 2020 ຂອງຄະນະສະມາສະພາແຫ່ງຊາດ ເຂດເລືອກຕັ້ງທີ 11​ ແຂວງ​ບໍລິ​ຄຳ​ໄຊຕື່ມອີກ.

ຂ່າວ_ພາບ:ສາຍສະໝອນ