ແຂວງຈໍາປາສັກລົງຕິດຕາມເອົາໃຈໃສ່ຕໍ່ການປະຕິບັດຈຸດກວດກາ ແຕ່ລະບ້ານ ແລະ ລະຫວ່າງນະຄອນກັບເມືອງອ້ອມຂ້າງທີ່ມີຂາຍແດນຕິດຈອດຢ່າງເອົາໃຈໃສ່ ເພື່ອເປັນການປ້ອງກັນບໍ່ໃຫ້ການແຜ່ລະບາດຂອງພະຍາດໂຄວິດ-19ອອກສູ່ວົງກ້ວາງ. ທ່ານ ນາງພົງພັນ ວິລະພັນ ຮອງເລຂາຄະນະພັກກະຄອນ ຄະນະກຳມະການສະເພາະກິດປ້ອງກັນ ແລະສະກັດກັ້ນພະຍາດໂຄວິດ- 19 ນະຄອນປາກເຊ ແຂວງຈໍາປາສັກໃຫ້ສຳພາດວ່າ:ພາຍຫຼັງທີ່ໄດ້ຮັບການຊີ້ນຳຈາກທ່ານເຈົ້າແຂວງໆຈຳປາສັກໃນການເພີ່ມທະວີປ້ອງກັນ ແລະສະກັດກັ້ນການລະບາດພະຍາດໂຄວິດ-19 ແລ້ວ.ທາງຄະນະສະເພາະກິດນະຄອນປາກເຊກໍ່ໄດ້.ລົງຊີ້ນຳໃນແຕ່ລະບ້ານໃຫ້ທົ່ວເຖີງມີການໂຄສະນາປະຕິບັດມາດຕະການຕ່າງໆ.ໃຫ້ແກ່ປະຊາຊົນຮັບຮູ້ເຂົ້າໃຈຢ່າງເລິກເຊີ່ງຕໍ່ຜົນຮ້າຍຂອງພະຍາດໂຄວິດ-19 ແລະວິທີປ້ອງກັນ,ການເວນຍາມເຂົ້າອອກພາຍໃນນະຄອນ,ລະຫວ່າງບ້ານຕໍ່ບ້ານຢ່າງເຂັ້ມງວດ ໂດຍສະເພາະບ້ານທີ່ມີຜູ້ຕິດເຊື້ອແມ່ນຫ້າມອອກຈາກບ້ານ ແລະບ້ານອື່ນໆກໍຫ້າມເຂົ້າມາ.ໂອກາດລົງຕິດຕາມຊຸກຍູ້ຢູ່ແຕ່ລະບ້ານຍັງໄດ້ມອບນໍ້າດື່ມ,ເຈວລ້າງມື ແລະຜ້າອັດປາກໃຫ້ແກອໍານາດການປົກຄອງເພືອເປັນການປ້ອງກັນໃນເວລາເຮັດໜ້າທີ່ອີກດ້ວຍ. ທ່ານ ນາງ ພົງພັນ ວິລະພັນ ຍັງໄດ້ຖືໂອກາດນີ້ໄດ້ຮຽກຮ້ອງໃຫ້ພໍ່ແມ່ປະຊາຊົນໃນນະຄອນປາກເຊຈົ່ງໄດ້ໃຈໃສ່ໃນການປະຕິບັດມາດຕະການປ້ອງກັນພະຍາດໂຄວິດ-19:ຄືໃສ່ຜ້າປິດປາກ ແລະດັງ,ໝັ່ນລ້າງມື ແລະຂ້າເຊື້ອພະຍາດດ້ວຍເຈວ ຫຼືທາດເຫຼົ້າ,ຮັກສາໄລຍະຫ່າງທາງສັງຄົມ 1-2 ເເມັດຖ້າບໍ່ຈຳເປັນຫ້າມອອກຈາກເຮືອນຂອງຕົນ.
ຂ່າວ;ພາບ: ຍໍພະກິ່ນ ແກ້ວຫາວົງ
Loading...