ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ຄຸນປະໂຫຍດຂອງຂີ້ໝິ້ນ

ໃນຂິ້ໝິ້ນ ມີສານເຄີຄູມິນ (Curcumin)ເຊິ່ງເປັນສານຕ້ານອະນຸມູນອິດສະຫລະແລະການອັກເສບ ຊ່ວຍຫລຸດການເກີດໂຣກສະໝອງເຊື່ອມໄດ້ໂດຍຂໍ້ສະຫລຸບນີ້ໄດ້ຈາກງານວິໄຈຂອງມະຫາວິທະຍາໄລສິງກະໂປພົບວ່າ:ກຸ່ມຕົວຢ່າງທີ່ກິນແກງກະຫລີ່ເປັນປະຈຳ ຫລື ກິນເປັນບາງຄັ້ງ(ທຸກ6ເດືອນ)ເຮັດບົດທົດສອບເລື່ອງຄວາມຈຳໄດ້ດີກ່ວາຜູ້ທີ່ບໍ່ເຄີຍກິນແກງກະຫລີ່ເລີຍ. ນອກຈາກນີ້ຜູ້ອາຍຸສູງຊາວອິນເດຍທີ່ກິນແກງກະຫລີ່ເປັນປະຈຳແມ່ນເປັນໂຣກສະໝອງເສື່ອມໜ້ອຍກ່ວາຄົນອາຍຸສູງໃນສະຫະລັດອາເມລິກາເຖິງ4ເທົ່າ.ສ່ວນງານວິໄຈຈາກມະຫາວິທະຍາໄລອະຣີໂຊນາພົບວ່າ:ສານເຄີຄູມິນຍັງຊ່ວຍຫລຸດອາການຂໍ້ອັກເສບໄດ້ ໂດຍເຮັດການທົດລອງກັບໜູທີ່ມີທ່າອ່ຽງເປັນໂຣກຂໍ້ ເຊິ່ງຜົນທົດສອບຄື:ຮ່າງກາຍຂອງໜູມີປະຕິກິລິຍາຕ້ານການອັກເສບໄດ້ດີຂື້ນ.ນອກນີ້ຍັງປ້ອງກັນຕັບບໍ່ໃຫ້ຖືກສານພິດທຳລາຍ,ມີລິດຂ້າເຊື້ອແບັກທີເຣຍ,ຕ້ານມະເຮັງແລະຮັກສາແຜໃນກະເພາະອາຫານອີກດ້ວຍ.