ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຄົນເຈັບກໍລະນີ14 ອອກໂຮງໝໍແລ້ວ ຍັງເຫລືອຄົນເຈັບປິ່ນປົວຢູ່ໂຮງໝໍ5ຄົນ.

ສຈ.ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ຜູ້ປະຈໍາການຄະນະສະເພາະກິດຄວບຄຸມໂຄວິດ19 ຖະແຫລງຕໍ່ສື່ມວນຊົນ ຕອນບ່າຍວັນທີ 13 ພຶດສະພານີ້ ເຖິງສະພາບການລະບາດຂອງພະຍາດຢູ່ລາວກ່ຽວກັບການເຝົ້າລະວັງ ແລະວິເຄາະວ່າ: ໃນວັນທີ 12 ພຶດສະພາ 2020, ໄດ້ເກັບຕົວຢ່າງມາກວດທັງໝົດ 101 ຄົນ, ໃນນັ້ນ ມີກໍລະນີສົງໄສ 2 ຄົນ, ຜູ້ຕິດເຊື້ອທີ່ຄົບຮອດ 14 ວັນ 2 ຄົນ ຄືກໍລະນີ 14 ແລະ 12, ແຮງງານລາວທີ່ກັບມາຈາກປະເທດໄທ 65 ຄົນ, ແຮງງານໄທທີ່ເຂົ້າມາລາວ 2 ຄົນ ,ຜົນກວດທັງໝົດ ກໍລະນີສົງໄສຂອງມື້ວານນີ້ ບໍ່ພົບເຊື້ອ. ໝາຍຄວາມວ່າໃນວັນທີ 12 ພຶດສະພາ 2020 ບໍ່ມີຜູ້ຕິດເຊື້ອໃໝ່.

ການຕິດຕາມປີ່ນປົວຄົນເຈັບຢູ່ໂຮງໝໍ : ມີຜູ້ຕິດຕາມຢູ່ໂຮງໝໍມິດຕະພາບ 6 ຄົນ ລວມທັງ ກໍລະນີ 14 ທີ່ເອົາກັບຄືນມານອນຕິດຕາມອາການຢູ່ໂຮງໝໍ ທັງໝົດເຫັນວ່າມີອາການປົກກະຕິ, ໄດ້ກວດວິເຄາະຫາເຊື້ອ ກໍລະນີ 14 ສອງຄັ້ງຕິດຕໍ່ກັນບໍ່ພົບເຊື້ອ ແລະ ໄດ້ໃຫ້ອອກໂຮງໝໍ. ປະຈຸບັນມີຜູ້ນອນຕິດຕາມຢູ່ໂຮງໝໍ 5 ຄົນ.

ມາຮອດວັນທີ 13 ພຶດສະພາ ທົ່ວໂລກມີຜູ້ຕິດເຊຶ້ອ 4.331.221 ຄົນ, (ເພີ່ມຂຶ້ນ 78.323 ຄົນ), ເສຍຊີວິດ 292.045ຄົນ, (ເພີ່ມ 3.230 ຄົນ), ປົວດີ 1.476.639 ຄົນ. ອາເມລິກາ : ຕິດເຊື້ອ 1.402.300 ຄົນ, (ເພີ່ມຂຶ້ນ 21.240 ຄົນ) ຫຼາຍເປັນອັນດັບ 1 ຂອງໂລກ (ເສຍຊີວິດ 83.041 ຄົນ (ເພີ່ມ 1.496 ຄົນ) – ຈີນແຜ່ນດິນໃຫຍ່ : ຕິດເຊື້ອ 82.919 ຄົນ, ເສຍຊີວິດ 4.633 ຄົນ, ປົວດີ 78.717 ຄົນ.

ສ່ວນປະເທດສະມາຊິກອາຊຽນ ມີຜູ້ຕິດເຊື້ອຄື:

-ສິງກະໂປ 24,671 ຄົນ, ເພີ່ມຂຶ້ນ 849 ຄົນ, – ອິນໂດເນເຊຍ 14,032 ຄົນ ເພີ່ມຂຶ້ນ 387 ຄົນ

-ຟີລິບປິນ 10,794 ຄົນ ເພີ່ມຂຶ້ນ 184 ຄົນ, – ມາເລເຊຍ 6,656 ຄົນ ເພີ່ມຂຶ້ນ 67 ຄົນ

-ໄທ 3,009 ຄົນ, -ຫວຽດນາມ 288 ຄົນ, ບໍ່ມີຜູ້ຕິດເຊື້ອເພີ່ມ, -ມຽນມ້າ 180 ຄົນ, ເພີ່ມ 2 ຄົນ, -ບຣູໄນ 141 ບໍ່ມີຜູ້ຕິດເຊື້ອເພີ່ມ, -ກຳປູເຈຍ 122 ຄົນ ບໍ່ມີຜູ້ຕິດເຊື້ອເພີ່ມ.