ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຄົນເຈັບ ຜູ້ທີ 20 ທີ່ຕິດເຊື້ອໂຄວິດ19 ພວມປິ່ນປົວຢູ່ໂຮງໝໍມິດຕະພາບ

ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ.ຄະນະສະເພາະກິດ ຄວບຄຸມໂຄວິດ19 ໃຫ້ຮູ້ໂອກາດຖະແຫລງຕໍ່ສື່ມວນຊົນຕອນເຊົ້າ ວັນທີ 29 ກໍລະກົດນີ້ເຖິງສະພາບການລະບາດຂອງ COVID-19 ໃນບັນດາປະເທດໃກ້ຄຽງ ແລະ ໃນໂລກວ່າ: ມາຮອດວັນທີ 29 ກໍລະກົດ 2020, ທົ່ວໂລກມີການລາຍງານການລະບາດ ທັງໝົດ 213 ປະເທດ ມີຜູ້ຕິດເຊື້ອພະຍາດ COVID-19 ທັງມົດ 16,857,894 ຄົນ; ເສຍຊິວິດ 661,825 ຄົນ, ປີ່ນປົວດີ 10,429,405 ຄົນ.
ສ່ວນຢູ່ເຂດອາຊີ ປະເທດອິນເດຍ ທີ່ມີທ່າອ່ຽງ ໃນການຕິດເຊື້ອ COVID-19 ເພິ່ມຂຶ້ນ, ຈຳນວນຜູ້ຕິດເຊື້ອມື້ດຽວສູງເຖິງ 49,622 ຄົນ; ໃນບັນດາປະເທດ ສະມາຊິກອາຊຽນ ວັນທີ 29 ກໍລະກົດ ມີຜູ້ຕິດເຊື້ອທັງໝົດ 250,336 ຄົນ ແລະ ເສຍຊີວິດ 7,066 ຄົນ.
ດຣ. ສີສະຫວາດ ສຸດທານີລະໄຊ ໃຫ້ຮູ້ເຖິງວຽກງານຄຸ້ມຄອງດ່ານຊາຍແດນວ່າ: ວັນທີ 28 ກໍລະກົດ 2020 ທົ່ວປະເທດມີຜູ້ເດີນທາງເຂົ້າມາ ສປປ ລາວ ທັງໝົດ 2,033 ຄົນ, ໃນນັ້ນຜ່ານດ່ານລາວ-ໄທ 1,404 ຄົນ, ; ຜ່ານດ່ານລາວ – ຈີນ 9 ຄົນ, ຜ່ານດ່ານລາວ – ຫວຽດນາມ 620 ຄົນ, ທຸກຄົນໄດ້ແທກອຸນຫະພູມຮ່າງກາຍ, ແລະເກັບຕົວຢ່າງມາກວດວິເຄາະຫາເຊື້ອ ແລ້ວນຳສົ່ງໄປຫາສະຖານທີ່ ຈຳກັດບໍລິເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ. ຂະນະດຽວກັນ ຍັງໄດ້ເກັບຕົວຢ່າງມາກວດວິເຄາະທັງໝົດ 351 ຄົນ, ໃນນັ້ນ ແຮງງານລາວມາແຕ່ໄທ 126 ຕົວຢ່າງ, ແຮງງານຈີນ 186 ຕົວຢ່າງ, ແຮງງານຫວຽດນາມ 12 ຕົວຢ່າງ, ແຮງງານໄທ 6 ຕົວຢ່າງ ແລະ ບຸກຄົນທົ່ວໄປທີ່ບໍ່ມີອາການ 21 ຕົວຢ່າງ; ຜົນກວດວິເຄາະທັງໝົດແມ່ນ ບໍ່ພົບຜູ້ຕິດເຊື້ອໃໝ່; ແຕ່ຜູ້ຕິດເຊື້ອສະສົມ ມີ 20 ຄົນ, ປິ່ນປົວດີແລ້ວ 19ຄົນ, ຍັງອີກ 1ຄົນ ທີ່ຕິດເຊື້ອມາແຕ່ຕ່າງປະເທດ ຍັງສືບຕໍ່ປິ່ນປົວຢູ່ໂຮງໝໍມິດຕະພາບ.