ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນຕອນເຊົ້າວັນທີ 03 ມັງກອນ 2024 ຄົນເຊື້ອຊາດລາວຈຳນວນ 08 ຄອບຄົວ ອະດີດນັກສຶກສາອຸດົມວຽງຈັນ ລຸ້ນປີ 1978 ທີ່ມາຈາກປະເທດສະຫະລັດອາເມລິກາ, ເຢຍລະມັນ, ການາດາ ແລະ ຝຣັ່ງເສດ ໄດ້ນຳເງິນຈຳນວນ 300ການາດາ, 300ໂດລາສະຫະລັດ, 4.000.000 ກີບ; ມາມອບໃຫ້ອົງກາແດງແຫ່ງຊາດລາວ ເພື່ອສະຫນັບສະຫນູນການເຄື່ອນໄຫວວຽກງານກາແດງ, ຕາງໜ້າກ່າວມອບໂດຍທ່ານ ສີວິໄລ ທຳມະວົງ ກ່າວຮັບໂດຍທ່ານ ສຈ.ດຣ. ພູທອນ ເມືອງປາກ ປະທານອົງການກາແດງແຫ່ງຊາດລາວ,ໃນໂອກາດປີໃຫມ່ນີ້ທ່ານປະທານອົງການກາແດງແຫ່ງຊາດລາວ ໄດ້ອວຍພອນໄຊໃຫ້ບັນດາພີ່ນ້ອງເຊື້ອຊາດລາວລາວທີ່ດຳລົງຊີວິດຢູ່ຕ່າງປະເທດ ພ້ອມທັງສະແດງຄວາມປີຕິຍິນດີທີ່ບັນດາທ່ານອາດີດນັກສຶກສາອຸດົມວຽງຈັນ ລຸ້ນປີ 1978 ທີ່ໄປຕັ້ງຖິ່ນຖານຢູ່ຕ່າງປະເທດ ເດີນທາງມາຢຽ້ມຢາມບ້ານເກິດເມືອງນອນ, ເຖິງແມ່ນວ່າຈາກໄປນານຫລາຍປີແລ້ວກໍຕາມກໍຍັງຄິດຮອດຖິ່ນຖານພູມລຳເນົາຂອງຕົນ.
ໂອກາດນີ້ ທ່ານສຈ.ດຣ. ພູທອນ ເມືອງປາກ ປະທານອົງການກາແດງແຫ່ງຊາດລາວ ຍັງໄດ້ແຈ້ງໃຫ້ຊາບກຽ່ວການຈັດຕັ້ງປະບັດວຽກງານກາແດງໃນໄລຍະຫນຶ່ງປີຜ່ານມາວ່າ: ອົງການກາແດງແຫ່ງຊາດລາວໄດ້ເອົາໃຈໃສ່ການຊ່ວຍເຫລືອປະຊາຊົນຜູ້ທຸກຍາກ,ຜູ້ປະສົບໄພນໍ້າຖ້ວມໄດ້ຢ່າງຫລວງຫລາຍມີທັງຊ່ວຍເຫລືອເຂົ້າສານ, ອາຫານແຫ້ງ ແລະ ການຊ່ວຍເຫລືອເງິນສົດໃຫ້ແກ່ຜູ້ປະສົບໄພນ້ຳຖ້ວມທີ່ແຂວງບໍລິຄຳໄຊ ແລະ ຄຳມ່ວນ, ນອກນັ້ນຍັງສາມາດໃຫ້ການຊ່ວຍເຫຼືອບັນເທົາ ຄວາມທຸກຍາກຂາດເຂີນຂອງປະຊາຊົນໄດ້ຢາງຫລວງຫລາຍໃນຂອບທົ່ວປະເທດ, ພ້ອມທັງໄດ້ປຸກລະດົມສັງຄົມບັນດາຊັ້ນຄົນເຂົ້າຮ່ວມບໍລິຈາກເລືອດແລະ ເຄື່ອນໄຫວວຽກງານກາແດງ.
ໃນຕອນທ້າຍທ່ານປະທານອົງການກາແດງແຫ່ງຊາດລາວໄດ້ສະແດງຄວາມຂອບອົບຂອບໃຈຕໍ່ພີ່ນ້ອງເຊື້ອຊາດລາວທີ່ຢູ່ຕ່າງປະເທດ ເຊິ່ງໄດ້ພ້ອມກັນປຸກລະດົມຂວາຍຂົນທຶນຮ້ອນມາປະກອບສ່ວນໃນວຽກງານການມະນຸດສະທຳຂອງອົງການກາແດງແຫ່ງຊາດລາວ.