ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ວັນທີ 6 ກຸມພາ ນີ້ ທີ່ຫ້ອງວ່າການສູນກາງພັກ ໄດ້ຈັດກອງປະຊຸມຄົ້ນຄວ້າປຶກສາຫາ ແລະ ຜັນຂະຫຍາຍແນວຄິດຊີ້ນຳຂອງເລຂາທິການໃຫຍ່ ກ່ຽວກັບການສ້າງເສດຖະກິດ ເອກະລາດເປັນເຈົ້າຕົນເອງ (ສອຈ) ພາຍໃຕ້ການເປັນປະທານຂອງ ສະຫາຍ ທອງສະລິດ ມັງໜໍ່ເມກ ຄະນະເລຂາທິການສູນກາງພັກ ຫົວໜ້າຫ້ອງວ່າການສູນກາງພັກ, ໂດຍມີບັນດາສະຫາຍຮອງຫົວໜ້າຫ້ອງວ່າການສູນກາງພັກ ແລະ ບັນດາກົມທີ່ກ່ຽວຂ້ອງເຂົ້າຮ່ວມ.
ຈຸດປະສົງຂອງກອງປະຊຸມ ເພື່ອຜັນຂະຫຍາຍເນື້ອໃນຈິດໃຈຊີ້ນຳ ຂອງສະຫາຍເລຂາທິການໃຫຍ່ຄະນະບໍລິຫານງານສູນກາງພັກ ກ່ຽວກັບການສ້າງເສດຖະກິດເອກະລາດ, ເປັນເຈົ້າຕົນເອງ ທີ່ສະເໜີອອກໃນກອງປະຊຸມວຽກງານການເງິນ ທົ່ວປະເທດປະຈຳປີ 2023 ຈັດຂຶ້ນວັນທີ 19 ທັນວາ 2023 ຜ່ານມາ.
ຫ້ອງວ່າການສູນກາງພັກ ໃນຖານະທີ່ເປັນອົງການເສນາທິການ ຊ່ວຍກົມການເມືອງ, ຄະນະເລຂາທິການສູນກາງພັກ ແລະ ຄະນະບໍລິຫານງານສູນກາງພັກ ຈຶ່ງໄດ້ຈັດກອງປະຊຸມນີ້ຂຶ້ນ ເພື່ອພ້ອມກັນຄົ້ນຄວ້າປຶກສາຫາລື ຫັນທິດຊີ້ນໍາ ສ້າງເປັນໂຄງການຄົ້ນຄວ້າວິທະຍາສາດ, ສ້າງເປັນແຜນການ, ແຜນດໍາເນີນງານລະອຽດຈະແຈ້ງ ແນໃສ່ຍົກລະດັບຄວາມສາມາດໃນການຄົ້ນຄວ້າ, ກໍຄືການສ້າງນັກວິເຄາະ, ວິໄຈ ພາຍໃນຫ້ອງວ່າການສູນກາງພັກ ໃຫ້ເຂັ້ມແຂງ, ສາມາດຕອບສະໜອງໄດ້ກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່, ພ້ອມທັງເປັນການກະກຽມຄວາມພ້ອມໃຫ້ແກ່ການດໍາເນີນກອງປະຊຸມໃຫຍ່ 3 ຂັ້ນຂອງພັກທີ່ຈະມາເຖິງນີ້.
ຂ່າວ-ພາບ: ວິວັດ ພົມມະຈັນ
May be an image of 8 people, people studying and text