ງານປະກວດວິດີໂອສັ້ນລາວ-ຈີນ 2021

  1. I. ຜູ້ຈັດງານ

ເຈົ້າ​ພາບ: ສູນອາຊີ-ອາຟຣິກາຂອງສະຖານີວິທະຍຸໂທລະພາບສູນກາງຈີນ ຮ່ວມກັບກະຊວງ ຖະແຫຼງຂ່າວ, ວັດທະນະທໍາ ແລະທ່ອງທ່ຽວລາວ

ຈັດໂດຍ: CRI ປະ​ຈຳ​ລາວ ແລະ ກົມ​ຮູບ​ເງົາ​

  1. II. ປະເພດຜົນງານທີ່ນໍາມາປະກວດ (5 ປະເພດ)
  2. ຮູບເງົາເລື່ອງສັ້ນ:

ໃຫ້ຖ່າຍເປັນເລື່ອງທີ່ມີເນື້ອໃນຄົບຖ້ວນ, ຄວາມຍາວບໍ່ໃຫ້ເກີນ 7 ນາທີ.

  1. VLOG:

ໃຫ້ມີເນື້ອໃນກ່ຽວກັບຊີວິດຕົວຈິງ, ເປັນເລື່ອງທີ່ມີໂຄງສ້າງທີ່ຄົບຖ້ວນ  ແລະ ມີເນື້ອໃນຈິດ ໃຈທີ່ຊັດເຈນ, ຄວາມຍາວບໍ່ເກີນ 15 ນາທີ.

  1. ການໂຄສະນາເພື່ອສາທາລະນະປະໂຫຍດ:

ໃຫ້ມີເນື້ອຫາທີ່ສ້າງສັນທາງດ້ານ​ແນວ​ຄິດ​ຈິ​ດ​ໃຈ, ​ເປັນ​ການ​ສ່ອງ​ແສງ​ເຖິງ​ຄວາມ​ເປັນ​ທຳ​ໃນ​ສັງ​ຄົມ​ມະ​ນຸດ, ຄວາມຍາວບໍ່ເກີນ 3 ນາທີ.

  1. MV ເພງມິດຕະພາບລາວ-ຈີນ:

ຕ້ອງເປັນບົດເພງ ແລະທຳນອງເພງສ້າງຂຶ້ນເອງທີ່ມີເນື້ອໃນ ສະທ້ອນໃຫ້ເຫັນເຖິງມິດຕະພາບລາວ-ຈີນ, ຄວາມຍາວຂອງ MV ບໍ່ໃຫ້ເກີນ 6 ນາທີ.

  1. ວີດີໂອສັ້ນທີ່ຖ່າຍດ້ວຍມືຖື

ວິດີໂອສັ້ນທີ່​ຖ່າຍ​ດ້ວຍ​ໂທ​ລະ​ສັບ​ມື​ຖື, ຄວາມຍາວບໍ່ເກີນ 1 ນາທີ, ບໍ່ຈໍາກັດເນື້ອໃນ, ແຕ່ໃຫ້ເໝາະ​ສົມກັບຫົວຂໍ້ “ຄຽງ​​ຂ້າງ​ກັນ”

III. ເງື່ອນໄຂ (6 ເງື່ອນໄຂ).

  1. ຜູ້ເຂົ້າຮ່ວມການປະກວດຕ້ອງເຊັນໜັງສືຮັບປະກັນວ່າ ຜົນງານທີ່ນຳມາເຂົ້າຮ່ວມການປະກວດນັ້ນແມ່ນຜົນງານຂອງຕົນເອງແທ້ທີ່ສ້າງຂຶ້ນດ້ວຍຕົນເອງ, ມີສິດຊັບສິນທາງປັນຍາທັງໝົດຕໍ່ຜົນງານທີ່ນຳມາ, ຫ້າມບໍ່ໃຫ້ແມ່ນຜົນງານທີ່ລັກລອກແບບຜົນງານຄົນອື່ນ. ບຸກຄົນ ຫຼື ທິມ ງານໃດໜຶ່ງສາມາດນຳມາຫຼາຍຜົນງານເຂົ້າຮ່ວມການປະກວດໃນຫຼາຍ ລາຍການໄດ້.
  2. ຜົນງານທີ່ນໍາເຂົ້າປະກວດຫ້າມບໍ່ໃຫ້ຜິດກັບກົດໝາຍແຫ່ງ ສປປ ລາວ ແລະ ສປ ຈີນ.

ຫ້າມໃຊ້ຂໍ້ຄວາມ, ຄຳເວົ້າ, ສຽງດົນຕີ, ຄຳບັນຍາຍ, ສາກຫຼັງ, ສາກປະກອບ ແລະອື່ນໆ ທີ່ຜິດກັບກົດໝາຍຂອງສອງປະເທດ, ຫ້າມບໍ່ໃຫ້ມີເນື້ອຫາລາມົກ-ອານາຈານ, ຄວາມຮຸນແຮງ, ສິ່ງເສບຕິດ, ການພະນັນທີ່ເປັນເນື້ອຫາບໍ່ສ້າງສັນ ແລະ ຫ້າມບໍ່ໃຫ້ມີເນື້ອຫາທີ່ຈຳແນກເຊື້ອຊາດ, ຊົນເຜົ່າ, ສາສະໜາ ແລະ ສັງ ຄົມເປັນຕົ້ນ.

3.ຜົນງານຕ່າງໆຕ້ອງມີເນື້ອຫາຕິດພັນກັບຫົວຂໍ້ວ່າ ຄຽງຂ້າງກັນ,

ຄວາມລະອຽດຂອງວິດີໂອຄວນໃຫ້ຢູ່ໃນຂະໜາດ 1920×1080, ນອກຈາກວິດີໂອສັ້ນທີ່ຖ່າຍດ້ວຍໂທລະສັບມືຖືແລ້ວ, ວິດີໂອປະ ເພດອື່ນໆແມ່ນຕ້ອງໃຫ້ມີຄວາມລະອຽດບໍ່ຕໍ່າກວ່າ 1280×720 (16:9) ຫຼື 960×720 (4:3),  bps (Bit Per Second) ບໍ່ໃຫ້ຕໍ່າກວ່າ 8 Mbps ໃນຮູບແບບ MP4  ຫຼື MOV.

4.ຜົນງານທີ່ນຳເຂົ້າປະກວດແມ່ນຈະມີລິຂະສິດຮ່ວມລະຫວ່າງຜູ້ ສ້າງຮູບເງົາ ແລະຜູ້ຈັດງານ.

ຜູ້ຈັດງານມີສິດນຳໃຊ້ວິດີໂອໃນ ການນຳໃຊ້, ຮຽບຮຽງ, ຕັດຕໍ່, ເຜີຍແຜ່ທາງວິທະຍຸ, ໂທລະພາບ, ອິນເຕີເນັດ ແລະສື່ສັງຄົມອອນລາຍຕ່າງໆ. ສຳລັບວິດີໂອທີ່ໄດ້ຮັບການ ຄັດເລືອກນັ້ນ, ຜູ້ຈັດງານມີສິດນໍາໃຊ້ເຂົ້າໃນການເຄື່ອນໄຫວກິດຈະກຳ ທີ່ກ່ຽວຂ້ອງໂດຍຊອບທຳ.

  1. ຜົນງານທີ່ໄດ້ຮັບລາງວັນຈະປະກາດຜ່ານສື່ອອນລາຍ.

ຫາກຜົນງານໃດທີ່ເປັນຜົນງານທີ່ລັກລອກແບບຜົນງານຂອງຄົນອື່ນ, ແລະໄດ້ທຳລາຍເຖິງສິດທິຜົນປະໂຫຍດຂອງຝ່າຍທີ 3, ຜູ້ຖືຜົນງານເຂົ້າຮ່ວມງານ ປະກວດຄັ້ງນີ້ ຈະຕ້ອງຮັບຜິດຊອບທາງກົດໝາຍທັງໝົດ  ແລະຕ້ອງຮັບ ຜິດຊອບຕໍ່ຄວາມເສຍຫາຍຂອງຄະນະຈັດງານປະກວດອີກດ້ວຍ.

  1. ຄະນະຈັດງານປະກວດແມ່ນມີສິດໃນການຕີຄວາມໝາຍຕໍ່ລະບຽບການຂອງງານປະກວດຄັ້ງນີ້.
  2. IV. ວິທີເຂົ້າຮ່ວມ.
  3. ​ດາວ​ໂຫຼດ​ແບບ​ຟອມ​ລົງ​ສະ​ໝັກ​ຢູ່​ໜ້າຫຼັກ​ເວັບ​ໄຊ

“ laos.cri.cn/clvideo-la ”

ຫຼື​ມາພົວພັນ​ເອົາ​ແບບ​ຟອມ​ຢູ່ທີ່ ຫ້ອງ​ການ CRI ປະ​ຈຳ​ລາວ

  1. ສົ່ງຜົນງານວິດີໂອ ​ພ້ອມ​ກັບ​ແບບ​ຟອມມາທີ່ອີເມວ“ cliff425@com

 

Loading...