ໃນງານວາງສະແດງສິນຄ້າຈີນ-ອາຊີໃຕ້ ຄັ້ງທີ 6 ແລະ ງານວາງສະແດງສິນຄ້ານຳເຂົ້າ ແລະ ສົ່ງອອກຄຸນໝິງຈີນ ຄັ້ງທີ 26 ທີ່ໄຂຂຶ້ນຢູ່ນະຄອນຄຸນມິງ, ແຂວງຢຸນນານ, ສປ ຈີນ ໃນວັນທີ 19 ພະຈິກນີ້ ໄດ້ມີການເຊັນສັນຍາການລົງ ທຶນແບບລວມສູນທັງໝົດ 169 ໂຄງການ, ມູນຄ່າການລົງທຶນ 56,3 ຕື້ໂດລາສະຫະລັດ.
ການເຊັນສັນຍາດັ່ງກ່າວ ແມ່ນສຸມໃສ່ 12 ຂະແໜງການຈຸດສຸມຢູ່ແຂວງຢູນນານ, ໃນນັ້ນ ລວມມີ: ສັນຍາໂຄງການພະລັງງານສີຂຽວ 39 ໂຄງການ, ໂຄງການກະສິກຳທັນສະ ໄໝທີ່ມີເອກະລັກຂອງພູພຽງ 29 ໂຄງການ, ໂຄງການວັດທະ ນະທຳ-ທ່ອງທ່ຽວ-ສຸຂະພາບ 15 ໂຄງການ, ໂຄງການວັດຖຸໃໝ່ 21 ໂຄງການ,ໂຄງການຂະແໜງການຜະລິດແບບທັນສະໄໝ 14 ໂຄງການ, ໂຄງການຢາປິ່ນປົວຊີວະສາດ 6 ໂຄງການ ແລະ ອື່ນໆ.
ເຂດສາມຫຼ່ຽມແມ່ນ້ຳຢັງຊີກຽງ, ເຂດບໍລິເວນສາມຫຼ່ຽມແມ່ນ້ຳຈູ່ຈ່ຽງ, ເຂດອ່າວໃຫຍ່ກວາງຕຸ້ງ-ຮົງກົງ-ມາ
ກ໋າວ ແມ່ນເຂດຕົ້ນຕໍທີ່ດຶງດູດການລົງທຶນຢູ່ແຂວງຢູນນານ.
ງານວາງສະແດງສິນຄ້າຈີນ-ອາຊີໃຕ້ ຄັ້ງທີ 6 ແລະ ງານວາງສະແດງສິນຄ້ານຳເຂົ້າ ແລະ ສົ່ງອອກຄຸນໝິງຈີນ ຄັ້ງທີ 26 ຈັດຂຶ້ນໃນລະຫວ່າງວັນທີ 19-22 ພະຈິກ 2022 ພາຍໃຕ້ຫົວຂໍ້ “ແບ່ງປັນໂອກາດ ໃຫມ່ ແລະ ຊອກຫາການພັດທະນາໃຫມ່”. ພາຍໃນງານຄັ້ງນີ້ ມີຫົວໜ່ວຍທຸລະກິດຈາກ ສປປ ລາວ ຈໍານວນໜຶ່ງໄດ້ນໍາເອົາສິນຄ້າຂອງຕົນເຂົ້າຮ່ວມວາງສະແດງ ເພື່ອເປັນການໂຄສະນາ ແລະ ຫາໂອກາດຂະຫຍາຍຕະຫລາດຈໍາໜ່າຍສິນຄ້າຈາກລາວໃຫ້ນັບມື້ເພີ່ມຂຶ້ນ.
Source: Xinhua
