ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ງານສະຫລອງວັນເດັກນ້ອຍສາກົນ ປີ 2024 ນີ້ມີຫລາຍກິດຈະກຳທີ່ສຳຄັນ
ຄະນະກໍາມະທິການ ເພື່ອຄວາມກ້າວໜ້າຂອງແມ່ຍິງ, ແມ່ ແລະ ເດັກ (ຄກມດ) ນະຄອນ ຫລວງວຽງຈັນ ຮ່ວມກັບ ຄະນະກໍາມະທິການເພື່ອຄວາມກ້າວໜ້າຂອງແມ່ຍິງ, ແມ່ ແລະ ເດັກກະຊວງຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ ຈັດງານສະເຫລີມສະຫລອງວັນເດັກນ້ອຍສາກົນ, ຕິດພັນກັບຂະບວນການວັນປູກຕົ້ນໄມ້ແຫ່ງຊາດ, ວັນຢຸດຕິສູບຢາສາກົນ ແລະ ວັນສິ່ງແວດລ້ອມໂລກ ຂຶ້ນວັນທີ 31 ພຶດສະພາ 2024 ທີ່ ເດີ່ນພະທາດຫຼວງ ນະຄອນຫຼວງວຽງຈັນ.
ທ່ານ ພູວົງ ວົງຄຳຊາວ ຮອງເຈົ້າຄອງນະຄອນຫລວງວຽງຈັນ, ປະທານຄະນະກຳມາທິການເພື່ອຄວາມກ້າວໜ້າຂອງແມ່ຍິງ ແມ່ ແລະ ເດັກ (ຄກມດ) ນະຄອນຫລວງວຽງຈັນໄດ້ກ່າວວ່າ: ການຈັດງານສະເຫລີມສະຫລອງວັນເດັກສາກົນປີນີ້, ຈັດຂຶ້ນພາຍໃຕ້ຄໍາຂັວນ “ ສ້າງອະນາຄົດທີ່ຍືນຍົງ ຄືການສ້າງຄວາມເຂັ້ມແຂງໃຫ້ແກ່ເດັກ ” ສະແດງໃຫ້ເຫັນຄວາມເອົາໃຈໃສ່ຂອງການນໍາແຕ່ລະຂັ້ນ ທີ່ມີຕໍ່ເດັກນ້ອຍ ທີ່ເປັນອານາຄົດຂອງຊາດ ແລະ ອີກດ້ານໜຶ່ງແມ່ນ ເພື່ອເປັນການໃຫ້ໂອກາດແກ່ເດັກ ໄດ້ສະແດງເຖິງພອນສະຫວັນຄວາມສາມາດກ້າຄິດ, ກ້າສະແດງອອກ. ພິເສດການຈັດງານຄັ້ງນີ້ ແມ່ນມີຄວາມໝາຍສໍາຄັນຫລາຍ ເນື່ອງຈາກຕິດພັນກັບວັນປູກຕົ້ນໄມ້ແຫ່ງຊາດ, ຕິດພັນກັບວັນຢຸດຕິສູບຢາສາກົນ ແລະ ສິ່ງແວດ ລ້ອມໂລກ.
ພັກ, ລັດຖະບານ ຍາມໃດກໍໄດ້ໃຫ້ຄວາມສໍາຄັນຕໍ່ການພັດທະນາເດັກ ເຊິ່ງເປັນຮຸ່ນຄົນສືບທອດອານາຄົດຂອງປະເທດຊາດ ສະແດງອອກ ສປປ ລາວ ໄດ້ໃຫ້ສັດຕະຍາບັນ ແລະ ເຂົ້າຮ່ວມເປັນພາຄີຕໍ່ສົນທິສັນຍາ ວ່າດ້ວຍສິດທິເດັກ ແລະ ອະນຸສັນຍາ 2 ສະບັບ ກ່ຽວການຄ້າຂາຍປະເວນີເດັກ ແລະ ສິ່ງລາມົກອານາຈານ ກ່ຽວກັບເດັກ ແລະ ອານຸສັນຍາກ່ຽວກັບການເອົາເດັກເຂົ້າຮ່ວມປະທະກັນດ້ານອາ ວຸດ ໃນວັນທີ 7 ມິຖຸນາ 1991.
ເພື່ອບັນລຸເປົ້າໝາຍສະຫັດ ສະວັດດ້ານການພັດທະນາ (MDGs) ນະຄອນຫລວງວຽງຈັນ ໄດ້ສ້າງຕັ້ງກົນໄກ ເພື່ອເຄື່ອນໄຫວວຽກງານແມ່ ແລະ ເດັກ ໂດຍເລີ່ມຈາກການປັບປຸງການຈັດຕັ້ງຄະນະກໍາມະທິການເພື່ອຄວາມກ້າວໜ້າຂອງແມ່ຍິງ ແມ່ ແລະ ເດັກ ນັບແຕ່ຂັ້ນນະຄອນຫລວງ, ເມືອງ, ຈົນຮອດຂັ້ນຮາກຖານບ້ານ ເຊິ່ງມີຄະນະກໍາມະທິການເພື່ອຄວາມກ້າວໜ້າຂອງແມ່ຍິງ, ແມ່ ແລະ ເດັກ ນະຄອນຫລວງວຽງຈັນ ເປັນກົນໄກປະສານງານ ແລະ ເຮັດພາລະບົດລະບາດຈັດຕັ້ງປະຕິບັດ ວຽກງານແມ່ ແລະ ເດັກ ເພື່ອຜັນຂະຫຍາຍແຜນດໍາເນີນງານແຫ່ງຊາດ ກ່ຽວກັບການປ້ອງກັນ ແລະ ລົບລ້າງຄວາມຮຸນແຮງຕໍ່ແມ່, ຍິງ ແລະ ເດັກ ດໍາເນີນໂຄງການ “ປ້ອງກັນບໍ່ໃຫ້ເກີດຄວາມຮຸນຕໍ່ເດັກ ໃນຄອບ ຄົວ, ໃນຊຸມຊົນ, ໃນໂຮງຮຽນ. ຄຽງຄູ່ກັນນັ້ນ, ກໍຍັງໄດ້ມີຄວາມເປັນຫ່ວງເປັນໄຍຕໍ່ກັບອະນາຄົດຂອງເດັກ ໂດຍສະເພາະແມ່ນການໃຊ້ສານເສບຕິດ (ການບໍລິໂພກຢາສູບໄຟຟ້າ, ຢາສູບຊີຊ້າ) ແລະ ຢາສູບທີ່ມີສານເຄມີ 7.000 ກວ່າຊະນິດ. ໃນນັ້ນ ມີສານເຄມີ 3 ຊະນິດທີ່ພາໃຫ້ເປັນພະຍາດ ແລະ ເປັນສາເຫດສໍາຄັນຂອງການເສຍຊີວິດ.
ງານສະເຫລີມສະຫລອງວັນເດັກສາກົນໃນປີນີ້, ປະກອບມີຫຼາຍກິດຈະກຳ ເປັນຕົ້ນແມ່ນ ປູກຕົ້ນໄມ້, ການໂຄສະນາຂໍ້ມູນຕ່າງໆ, ກິດຈະກຳຟ້ອນລຳວົງ 3 ຈັງຫວະ (ຈັງຫວະເຊີນຊວນ, ຈັງຫວະສາລະວັນ ແລະ ຈັງຫວະຕັ່ງຫວາຍ) ໂດຍມີນັກຟ້ອນຈາກບັນດາກະຊວງ, ພະແນກການ, ອົງການທຽບເທົ່າ, ນະຄອນຫລວງ, ເມືອງ, ຄູອາຈານ, ນ້ອງນັກຮຽນ ແລະ ປະຊາຊົນບັນດາເຜົ່າທົ່ວນະຄອນຫລວງວຽງຈັນ ຈຳນວນ 1.000 ກວ່າຄົນ ເຂົ້າຮ່ວມ ເຊິ່ງເປັນບົດຟ້ອນລໍາວົງທີ່ເປັນເອກະລັກອັນໜຶ່ງຂອງຊາວລາວເຮົາ, ທັງເປັນວັດທະນະທໍາລາວທີ່ມີການສືບທອດກັນມາຍາວນານ ເພື່ອສົ່ງເສີມການອະນຸລັກຮັກສາວັດທະນະທໍາທີ່ເປັນມູນເຊື້ອຂອງ, ເປັນການເອກອ້າງບົດຟ້ອນລໍາວົງລາວ ອອກສູ່ສາຍຕາສາກົນ ແລະ ພາກພື້ນ. ການຈັດງານໃນຄັ້ງນີ້ ແມ່ນຕິດພັນກັບຫຼາຍວັນສຳຄັນ ໂດຍສະເພາະແມ່ນວັນເດັກນ້ອຍສາກົນ 1 ມິຖຸນາ ແມ່ນເຫດການພິເສດໜຶ່ງທີ່ມີຄວາມໝາຍຕໍ່ເດັກ ຈຸດປະສົງແນໃສ່ຊຸກຍູ້ສົ່ງເສີມ, ພັດທະນາ ແລະ ປົກປ້ອງເດັກໃນທົ່ວໂລກ ຍ້ອນເຫັນໄດ້ຄວາມສໍາຄັນຂອງເດັກທີ່ເປັນອະນາຄົດຂອງຊາດ, ເປັນເມັດພືດ, ເປັນໜໍ່ແໜງທຶນຮອນແຫ່ງຊີວິດໃນມືື້ນີ້ ເພືຶ່ອກາຍເປັນອະນາຄົດອັນແຈ່ມໃສຂອງປະເທດຊາດໃນມືື້ໜ້າ.