ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ຈະເປີດປີທ່ອງທ່ຽວລາວ ຕິດພັນກັບງານບຸນເດືອນເຈັດຢູ່ເມືອງແກ່ນທ້າວ
ເມືອງແກ່ນທ້າວ ແຂວງໄຊຍະບູລີ ໄດ້ຈັດກອງປະຊຸມລາຍງານຄວາມພ້ອມ ໃນການກະກຽມເປີດປີທ່ອງທ່ຽວລາວ ຕິດພັນກັບງານບຸນນະມັດສະການພະທາດທ້າວແກ່ນ-ພະທາດນາງແພງສີ ປະເພນີບຸນເດືອນເຈັດ (ບຸນພະເຫວດ) ປະຈໍາປີ 2024 ຂຶ້ນໃນວັນທີ 11 ມິຖຸນານີ້ ທີ່ຫ້ອງວ່າການເມືອງ.
ໃນກອງປະຊຸມຄະນະຮັບຜິດຊອບແຕ່ລະອະນຸກໍາມະການໄດ້ລາຍງານຄວາມພ້ອມແຕ່ລະດ້ານ. ໂອກາດນີ້, ທ່ານ ເພັດພິໄຊ ສູນວິໄລ ໄດ້ເນັ້ນໃຫ້ເອົາໃຈໃສ່ດ້ານເນື້ອໃນ, ຮູບການຂອງການຈັດງານ, ຍົກສູງຄວາມຮັບຜິດຊອບ ຄວາມເປັນເຈົ້າຂອງທຸກພາກສ່ວນທີ່ໄດ້ຮັບມອບໝາຍ, ເອົາໃຈໃສ່ເນື້ອໃນພິທີການ ທັງຮັບ ປະກັນຄວາມປອດໄພ, ເອົາໃຈໃສ່ກວດກາຕິດຕາມຄວາມ ຮັບຜິດຊອບ ທັງຮັບປະກັນຄຸນນະພາບ, ເອົາໃຈໃສ່ວຽກງານຂະບວນການ, ປຸກລະດົມປະຊາຊົນພາຍໃນບ້ານໃຫ້ເຂົ້າຮ່ວມຢ່າງເປັນຂະບວນຟົດຟື້ນ, ເອົາໃຈໃສ່ປະດັບປະ ດາຄໍາຂວັນຂ້າມທາງ, ປະດັບປະດາທຸງທິວ, ສັນຍາລັກການທ່ອງທ່ຽວຕາມເສັ້ນທາງ ແລະ ສະຖານທີ່ຈັດງານ, ກ້ອນກໍາລັງມວນຊົນທີ່ເຂົ້າຮ່ວມຂອງແຕ່ລະບ້ານຕ້ອງມີຊື່ ແລະ ມີເອກະລັກຂອງແຕ່ລະບ້ານ, ກະກຽມສະຖານທີ່ຈັດງານ, ສະຖານທີ່ກິນເຂົ້າ, ທີ່ພັກເຊົາ, ສະຖານທີ່ທ່ອງທ່ຽວ, ສະຖານທີ່ບ່ອນຢ້ຽມຢາມຕ່າງໆ, ສະຖານທີ່ວາງ ສະແດງສິນຄ້າ, ອາຫານ ແລະ ອື່ນໆ.
ຄາດວ່າງານດັ່ງກ່າວຈະຈັດຂຶ້ນໃນວັນທີ 19 ມິຖຸນານີ້.
ຂ່າວ: ແກ່ນທ້າວ