ເມືອງໂຂງ ແຂວງຈໍາປາສັກ ຈັດກິດຈະກຳຂີ່ລົດຖີບ ເພື່ອສົ່ເສີມການທ່ອງທ່ຽວ ໃຫ້ມີບັນຍາກາດຄຶກຄື້ນ ຢູ່ເຂດດອນເດດ -ດອນຄອນ ເມືອງໂຂງ ແຂວງຈຳປາສັກ ທີ່ເປັນສະຖານທີ່ທ່ອງທ່ຽວ ໄດ້ຮັບຄວາມນິຍົມຂອງແຂກພາຍໃນ ແລະ ຕ່າງປະເທດ ສົນໃຈເຂົ້າມາທ່ຽວຊົມໃນປັດຈຸບັນ ໃນວັນທີ 2 ກໍລະກົດ 2024 ມີ ທ່ານ ອາລຸນໄຊ ສູນນະລາດ ເຈົ້າແຂວງໆຈໍາປາສັກ, ພ້ອມດ້ວຍຂະແໜງການຂອງແຂວງ, ຫ້ອງການຂອງເມືອງ ແລະ ມວນຊົນເຂົ້າຮ່ວມ.
ກິດຈະກຳຂີ່ລົດຖີບ ເພື່ອສົ່ງເສີມການທ່ອງທ່ຽວຄັ້ງນີ້ ເລີ່ມຕົ້ນຈາກດອນເດດ ຂີ່ອ້ອມຮອບ ໄປຫາດອນຄອນ. ພ້ອມນີ້ຄະນະດັ່ງກ່າວ ໄດ້ສືບຕໍ່ຂີ່ລົດໄຟຟ້າ ທ່ຽວຊົມຈຸດທ່ອງທ່ຽວອ້ອມຮອບດອນເດດ ແລະ ດອນຄອນ ເປັນຕົ້ນ ທ່າກໍາປັ່ນ, ຫົວລົດໄຟຟ້າເກົ່າ, ຊົມທິວທັດທໍາມະຊາດອ້ອມດອນ, ຊົມນໍ້າຕົກຕາດສົມພະມິດ ແລະ ໄຕ່ຂົວອູ່ຜ່ານໜ້າຜານໍ້າຕົກຕາດທີ່ມີຄວາມສູງຕື່ມອີກ.
ຂ່າວ-ພາບ: ຈັນທະວີສັກ
