ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສະຖາປະນາ ສປປ ລາວ ຄົບຮອບ 45 ປີ
( 02 ທັນວາ 1975 – 2020 ) ຢ່າງສຸດໃຈ

ຈັດກິດຈະກຳຮັບບໍລິຈາກວັດຖຸປັດໃຈ ຊ່ວຍເຫຼືອຜູ້ປະສົບໄພນ້ຳຖ້ວມຢູ່ແຂວງພາກກາງແລະພາກໃຕ້

ສາມອົງການຈັດຕັ້ງມະຫາຊົນ ກະຊວງຖະແຫຼງຂ່າວວັດທະນາທຳແລະທ່ອງທ່ຽວຮ່ວມກັບອົງການກາແດງລາວຈັດກິດຈະກໍາ ຮັບບໍລິຈາກເພື່ອລະດົມທືນຊ່ວຍເຫຼືອຜູ້ໄດ້ຮັບຜົນກະທົບຈາກໄພນ້ຳຖ້ວມຢູ່ແຂວງພາກກາງແລະພາກໄຕ້ ທີ່ ຫໍວັດທະນະທຳແຫ່ງຊາດ ໃນຕອນເຊົ້າ ວັົນທີ 23 ຕຸລາ 2020 ມີທ່ານ ວັນສີ ກົວມົວ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະທ່ອງທ່ຽວ ທ່ານ ທອງພະຈັນ ສອນນະສິນ ຮອງປະທານອົງການກາແດງລາວ ແລະພາກສ່ວນກ່ຽວຂ້ອງເຂົ້າຮ່ວມ
ທ່ານ ບົວໄລ ພານຸວົງ ວ່າການຫົວໜ້າຫ້ອງການ, ເລຂາຄະນະບໍລິຫານງານຊາວໜຸ່ມກະຊວງຖະແຫຼງຂ່າວ, ວັດທະນະທຳແລະທ່ອງທ່ຽວໃຫ້ສຳພາດວ່າ: ການຈັດກິດຈະກຳຮັບບໍລິຈາກວັດຖຸປັດໃຈເພື່ອຊ່ວຍເຫຼືອຜູ້ປະສົບໄພນ້ຳຖ້ວມຢູ່ແຂວງພາກກາງແລະພາກໄຕ້ໃນຄັ້ງນີ້ໂດຍໄດ້ຮັບການຊີ້ນຳຈາກສູນກາງຊາວໝຸ່ມປະຊາຊົນປະຕິວັດລາວ,ປຸກລະດົມຊຸກຍູ້ກະຊວງ ອົງການຈັດຕັ້ງທັງພາກລັດແລະເອກະຊົນ, ນັກທຸລະກິດ ພໍ່ຄ້າຊາວຂາຍ ແລະປະຊາຊົນລາວບັນດາເຜົ່າຮ່ວມຈິດຮ່ວມໃຈກັນ ເພື່ອຊ່ວຍເຫຼືອຜູ້ປະສົບໄພນໍ້າຖ້ວມ
ທ່ານ ບົວໄລ ພານຸວົງ ໃຫ້ຮູ້ຕື່ມວ່າ ການຮັບບໍລິຈາກວັດຖຸປັດໃຈເພື່ອຊ່ວຍເຫຼືອຜູ້ປະສົບໄພນໍ້າຖ້ວມຢູ່ແຂວງພາກກາງແລະພາກໃຕ້ໃນຄັ້ງນີ້ ຈັດຂື້ນຢູ່ຫໍວັດທະນາທຳແຫ່ງຊາດ ເລີ່ມແຕ່ເວລາ 9ໂມງຫາ 16 ໂມງຂອງວັນທີ 23 ຫາວັນ 24 ຕຸລາ 2020ນີ້
ໂດຍ: ດວງສະຫວັນ ຂັນທະວົງສາ