ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຈັດງານວາງສະແດງຮູບພາບໃນໂອກາດວັນສ້າງຕັ້ງກອງທັບປົດປ່ອຍປະຊາຊົນຈີນ ຄົບຮອບ 93 ປີ

ພິທີເປີດງານວາງສະແດງຮູບພາບໃນໂອກາດວັນສ້າງຕັ້ງກອງທັບປົດປ່ອຍປະຊາຊົນຈີນ ວັນທີ 1 ສິງຫາ ຄົບຮອບ 93 ປີ ຈັດຂື້ນໃນຕອນແລງ ວັນທີ 31 ກໍລະກົດ 2020 ທີ່ຕຶກປີ່ນປົວໂຮງໝໍ 103 ກອງທັບປະຊາຊົນລາວ ຊື່ງເປັນຕຶກແຫ່ງສັນຍາລັກການຮ່ວມມືມິດຕະພາບລະຫວ່າງສອງກອງທັບຈີນ-ລາວ ໂດຍມີພົນເອກ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ, ທ່ານ ຈ່ຽງ ຈາຍຕົງ ເອກອັກຄະລັດຖະທູດ ສປ ຈີນ ປະຈຳລາວ ພ້ອມດ້ວຍຕາງໜ້າຈາກສອງກອງທັບລາວ ແລະຈີນເຂົ້າຮ່ວມ.
ໃນພິທີພັນເອກພິເສດ ເສີນ ຢົງຈີ້ງ ທີ່ປຶກສາທູດປ້ອງກັນຊາດຈີນປະຈໍາລາວ ຍົກໃຫ້ເຫັນວ່າ:

ຈຸດປະສົງການຈັດງານວາງສະແດງຮູບພາບໃນຄັ້ງນີ້ ເພື່ອສົ່ງເສີມຄວາມເຂົ້າໃຈ, ມິດຕະພາບ ແລະການຮ່ວມມືລະຫວ່າງຈີນ – ລາວໃຫ້ແໜ້ນແຟ້ນຍີ່ງຂື້ນ ຊື່ງປະກອບມີການວາງສະແດງ 2 ພາກໃຫ່ຍຄື: ພາກທີ 1 ແມ່ນຮູບພາບການເຄື່ອນໄຫວໄລຍະ 1 ປີຜ່ານມາກອງທັບປົດປ່ອຍປະຊາຊົນຈີນພາຍໃຕ້ການຊີ້ນໍາໆພາຂອງສູນກາງພັກກອມມູນິດຈີນທີ່ຖືເອົາທ່ານ ສີ ຈີ້ນຜີງ ເປັນແກນນໍານັ້ນ ໄດ້ເນັ້ນໃສ່ການສ້າງກອງ ທັບໃຫ້ເຂັ້ມແຂງຕາມສີສັນພິເສດຂອງຈີນ ແລະຍາດໄດ້ຜົນສຳເລັດອັນຍີ່ງໃຫ່ຍເປັນກ້າວໆມາ, ສ່ວນພາກທີ 2 ແມ່ນສະແດງໃຫ້ເຫັນເຖິງການເອົາໃຈໃສ່ ແລະຊີ້ນໍາຂອງການນໍາສູງສຸດລະຫວ່າງສອງພັກ ສອງລັດ ສອງປະເທດຈີນ-ລາວ, ລາວ-ຈີນ, ສອງກອງທັບໄດ້ເສີມຂະຫຍາຍການພົວພັນຮ່ວມມືໃນທຸກລະດັບ ເພື່ອຮັດແໜ້ນມູນເຊື້ອຄວາມສາມັກຄີ, ສະໜັບສະໜູນ ແລະຊ່ວຍເຫລືອຊື່ງກັນ ແລະກັນ ພ້ອມທັງລົງເລິກການຮ່ວມມືຕົວຈິງໃນທຸກຂະແໜງການ ປະກອບສ່ວນເຂົ້າໃນການປົກປັກຮັກສາການກໍ່ສ້າງຄູ່ຮ່ວມຊະຕາກຳຈີນ-ລາວ ລາວ-ຈີນ ແລະການປົກປັກຮັກສາສັນຕິພາບ, ສະເຖ່ຍລະພາບໃນພາກພື້ນ ແລະສາກົນ. ພາຍຫລັງເກີດການລະບາດຂອງພະຍາດໂຄວິດ19ສອງກອງທັບຈີນ-ລາວ ໄດ້ເດັດດ່ຽວຈັດຕັ້ງປະຕິບັດຢ່າງເຂັ້ມງວດດ້ານມາດຕະການປ້ອງກັນຕ່າງໆ ຜ່ານໂທລະສັບລະຫວ່າງການນໍາສູງສຸດຂອງຈີນ ແລະລາວ, ພ້ອມທັງດໍາເນີນການເຄື່ອນໄຫວຢ່າງວ່ອງໄວ ແລະປະສານສົມທົບຢ່າງໃກ້ຊິດ, ສະໜັບສະໜູນ, ຮ່ວມມືກັນປ້ອງກັນແລະສະກັດກັ້ນພະຍາດໂຄວິດ19 ຊື່ງໄດ້ເປັນແບບຢ່າງທີ່ດີໃຫ້ແກ່ການກໍ່ສ້າງປະຊາຄົມດ້ານສາທາລະນະສຸກຂອງມວນມະນຸດ.

ປະຈຸບັນພະຍາດໂຄວິດ19ໄດ້ແຜ່ລະບາດໄປທົ່ວໂລກ ແລະຍັງບໍ່ສາມາດແກ້ໄຂໄດ້, ແຕ່ກອງທັບຈີນເຫັນດີເຫັນພ້ອມກັບກອງທັບລາວອ້າຍນ້ອງສືບຕໍ່ຮ່ວມມືກັນຄວບຄຸມພະຍາດນີ້ ເພື່ອປົກປ້ອງສຸຂະພາບຂອງປະຊາຊົນສອງຊາດ ແລະສອງກອງທັບໃຫ້ມີຄວາມປອດໄພ.

ໂອກາດດຽວກັນນີ້ ພົນເອກ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ ແລະ ທ່ານ ຈ່ຽງ ຈາຍຕົງ ເອກອັກຄະລັດຖະທູດ ສປ ຈີນ ປະຈຳລາວ ໄດ້ຮ່ວມກັນປູກຕົ້ນໄມ້ເພື່ອເປັນສັນຍາລັກໃຫ້ແກ່ການເຄື່ອນໄຫວຮ່ວມກັນປ້ອງກັນ, ຄວບຄຸມແລະສະກັດກັ້ນ ພະຍາດໂຄວິດ19 ລະຫວ່າງສອງກອງທັບລາວ-ຈີນ.

ໂດຍ: ຄໍາກອງ ກິດຕິຄຸນ, ຈັນທະສອນ ສີຫານາດ