ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ວັນທີ 25 ມັງກອນ 2024, ຢູ່ຫ້ອງລໍຖ້າໂດຍສານທີ່ສະຖານີລົດໄຟລາວ-ຈີນ ນະຄອນຫຼວງວຽງຈັນ ໄດ້ຈັດງານສະແດງສິນລະປະ ບົດເພງພື້ນບ້ານທີ່ທັນສະໄໝ ທີ່ພັນລະນາເຖິງການຮ່ວມມື “ໜຶ່ງແລວ-ໜຶ່ງເສັ້ນທາງ”
ການສະແດງໄດ້ດຶງດູດຄວາມສົນໃຈຂອງຜູ້ໂດຍສານຈໍານວນຫຼວງຫຼາຍ. ນັກຮ້ອງ, ນັກຟ້ອນ ແລະ ນັກດົນຕີ ຂອງສອງປະເທດຈີນ-ລາວ ໄດ້ຮ່ວມສະແດງໃນເວທີດຽວກັນ, ຮ່ວມກັບພະນັກງານບໍລິສັດທາງລົດໄຟລາວ-ຈີນ, ພ້ອມກັນຂັບຮ້ອງບົດເພງພື້ນບ້ານແບບໃໝ່, ນໍາເອົາຄໍາອວຍພອນອັນປະເສີດ ເນື່ອງໃນໂອກາດບຸນປີໃໝ່ຈີນ ຖ່າຍທອດໃຫ້ແກ່ຜູ້ຮັບຊົມທຸກໆທ່ານ. ການສະແດງຖ່າຍທອດໃຫ້ເຫັນ ເຖິງການພົວພັນຮ່ວມມືຂອງສອງປະເທດຈີນ-ລາວ ຮ່ວມດື່ມນໍ້າສາຍດຽວກັນ, ມີຊາຕາກໍາທີ່ເຊື່ອມໂຍງກັນ.
ເລີ່ມຕົ້ນດ້ວຍບົດເພງທີ່ຮຽບຮຽງໃໝ່ຈາກບົດເພງຄຣາສສິກພື້ນບ້ານຂອງເຜົ່າຈວ້າງກວາງຊີ ຈີນ “ບົດເພງພື້ນບ້ານປຽບດັ່ງສາຍນໍ້າໃນລະດູໃບໄມ້ປົ່ງ”, ໄດ້ປະສົມປະສານລະຫວ່າງດົນຕີຫູກະດູກມ້າ ແລະ ແຄນລາວ, ນັກຮ້ອງທີ່ມີຊື່ສຽງ ແລະ ຄວາມສາມາດຂອງປະເທດລາວ ນັດວະດີ ພວງສຸວັນ ແລະ ນັກຮ້ອງໄວໜຸ່ມ ຈາກກວາງຊີ ຫວູ ຣຸ້ຍ ມາຂັບຮ້ອງຮ່ວມກັນ. ພ້ອມກັນນີ້, ກໍ່ມີພະນັກງານສະຖານີລົດໄຟ ນະຄອນຫຼວງວຽງຈັນ ທີ່ໃສ່ຊຸດເຄື່ອງແບບສີຟ້າ ກໍຄືພະນັກງານບໍລິການລົດໄຟ ແລະ ເຄື່ອງແບບສີຂາວຊຶ່ງເປັນພະນັກງານຂົນສົ່ງໂດຍສານໄດ້ເຂົ້າຮ່ວມສະແດງໂບກສະບັດທຸງຊາດລາວ-ຈີນ. ນອກຈາກນີ້, ຍັງມີການມອບຂອງທີ່ລະນຶກຈາກເຜົ່າຈ້ວງໃຫ້ຜູ້ໂດຍສານທີ່ກຳລັງຈະອອກເດີນທາງດ້ວຍບັນຍາກາດທີ່ອົບອຸ່ນ ແລະ ມີສີສັນ.
“ເພງພື້ນບ້ານຈີນ, silk ball ທີ່ເປັນວັດທະນະທໍາຈີນເຫຼົ່ານີ້ ປົກກະຕິເປັນຈະເຫັນພຽງແຕ່ໃນອິນເຕີເນັດ, ບໍ່ຄິດເລີຍວ່າຈະໄດ້ພົບກັບຄວາມຕື່ນເຕັ້ນຢູ່ທີ່ນີ້ໃນມື້ນີ້!” ນີ້ແມ່ນ ຄໍາກ່າວຂອງຜູ້ໂດຍສານທີ່ມາຈາກຫຼວງພະບາງ ພາຍຫຼັງເຂົ້າຮ່ວມຊົມການສະແດງສິນລະປະ ແລະ ຈັບ silk ball ຢ່າງເບີກບານ. ຜູ້ໂດຍສານລາວອີກທ່ານໄດ້ກ່າວຕື່ມອີກວ່າ “ເຖິງວ່າຈະເຂົ້າໃຈວັດທະນະທໍາຈີນພຽງສ່ວນໜ້ອຍ ແຕ່ຂ້າພະເຈົ້າຮັບຮູ້ເຖິງການສະເຫຼີມສະຫຼອງ, ຄວາມຄຶກຄື້ນ ຄືກັນກັບບຸນປີໃໝ່ລາວ, ຫວັງວ່າໃນອະນາຄົດ ຈະມີໂອກາດໄປສໍາຜັດຕົວຈິງທີ່ກວາງຊີ ປະເທດຈີນ.”
ປີ 2024 ແມ່ນປີແລກປ່ຽນວັດທະນະທໍາລະຫວ່າງຈີນ-ອາຊຽນ, ແມ່ນປີແຫ່ງການສ້າງຕັ້ງສາຍພົວພັນການທູດຈີນ-ລາວ ຄົບຮອບ 63 ປີ ແລະ ການເປີດນໍາໃຊ້ລົດໄຟລາວ-ຈີນ ຄົບຮອບ 3 ປີ. “ງານມະໂຫລານບົດເພງພື້ນບ້ານແບບໃໝ່” ກ້າວສູ່ປະເທດລາວ, ຈັບມືກັບບັນດາຜູ້ກໍ່ສ້າງທາງລົດໄຟລາວ-ຈີນ, ຖ່າຍວິດີໂອສັ້ນຂອງການສະແດງດົນຕີແນວສະຕິງທີ່ທັນສະໄໝ ແລະ ແປກໃໝ່, ຊຶ່ງເຜີຍແຜ່ຢູ່ສື່ສັງຄົມອອນລາຍທັງພາຍໃນ ແລະ ຕ່າງປະເທດ, ໃຊ້ບົດເພງພື້ນບ້ານແບບໃໝ່ ຂັບຮ້ອງເລື່ອງລາວການຮ່ວມມື “ໜຶ່ງແລວ-ໜຶ່ງເສັ້ນທາງ, ສົ່ງຕໍ່ການອວຍພອນໄຊ ແລະ ຄວາມມຸ່ງຫວັງ ເນື່ອງໃນໂອກາດບຸນປີໃໝ່ຈີນ.
ງານສະແດງສິນລະປະໃນຄັ້ງນີ້, ເປັນການສະແດງເພງພື້ນບ້ານແບບໃໝ່ຄັ້ງທໍາອິດເຊິ່ງຜະລິດໂດຍ ພະແນກໂຄສະນາຂອງຄະນະພັກເຂດປົກຄອງຕົນເອງ ເຜົ່າຈ້ວງກວາງຊີ ແລະ ສ້າງສັນຄັ້ງທໍາອິດໂດຍສະຖານີໂທລະພາບແຂວງກວາງຊີ ໂດຍຮ່ວມມືກັບ ບໍລິສັດທາງລົດໄຟລາວ-ຈີນ ຈໍາກັດ. ວີດີໂອສັ້ນຂອງງານຈະເຜີຍແຜ່ໃນໄລຍະບຸນປີໃໝ່ຈີນ 2024.
May be an image of 11 people, suit and wedding
May be an image of 5 people, people dancing and text