ທ້າວວິສະນຸສະແຫວງຊົນ,ນາງສົມສຸດາເທບສຸວັນໄດ້ຮັບລາງວັນຊະນະເລີດປະເພດຮຸ່ນອາຍຸ7ຫາ14ປີແລະທ້າວສຸວັນໄຊພົງສີດາແລະນາງນູ່ນີ່ຈັນທະວົງໄດ້ຮັບລາງ ວັນຊະນະເລີດໃນຮຸ່ນອາຍຸ15ຫາ18ປີໃນການແຂ່ງຂັນສຽງແຄນເຊື້ອຊາດລາວກັບຮຸ່ນສືບທອດຄັ້ງທີ1ທົ່ວນະຄອນ ຫລວງວຽງຈັນທີ່ຈັດຂື້ນຢູ່ຫໍວັດທະນະທໍາແຫ່ງຊາດນະ ຄອນຫລວງວຽງຈັນໃນຕອນບ່າຍວັນທີ 22 ພະຈິກ 2020 ໂດຍໄດ້ຮັບເງີນລາງວັນຜູ້ລະ2ລ້ານກີບ ພ້ອມຂອງຂວັນ ທີ່ລະນຶກຈໍານວນຫນື່ງ ໂດຍໄດ້ຮັບການສະຫນັບສະຫນູນຫລັກ ຈາກບໍລິສັດ ປໍເຕໂຕໂກລາວ ປະກັນໄພ ພ້ອມດ້ວຍບັນດາບໍລິສັດ,ຫ້າງຮ້ານໃນສັງຄົມ.

ທ່ານບຸນເຈົ້າ ພິຈິດ ຜູ້ອໍານວຍການໃຫຍ່ໂທລະພາບແຫ່ງຊາດລາວ ກະຊວງຖະແຫລງຂ່າວວັດ ທະນະທໍາ ແລະ ທ່ອງທ່ຽວຕາງຫນ້າຄະນະຈັດງານໃຫ້ຮູ້ວ່າ:ການຈັດ ງານແຂ່ງຂັນສຽງແຄນໃນຄັ້ງນີ້ ເພື່ອສືບຕໍ່ເສີມຂະຫຍາຍຜົນສໍາເລັດທີ່ສຽງແຄນລາວຖືກຮອງຮັບຈາກອົງການອຸຍ ເເນັດສໂກໃຫ້ເປັນມໍລະດົກໂລກທາງວັດທະນະທໍານາມມະທໍາ,ເປັນການປຸກລະດົມໃຫ້ຄົນຮຸ່ນໃຫມ່ຮູ້ຈັກປົກປັກຮັກສິລະປະວັດທະນະທໍາແຄນລາວໃຫ້ຄົງຢູ່ກັບຊາດລາວຄົນລາວ,ພ້ອມທັງເປັນການສ້າງຂະບວນການຕ້ອນຮັບວັນສໍາຄັນຕ່າງໆຂອງຊາດຂອງພັກທີ່ຈະມາເຖີງເປັນຕົ້ນ:ວັນຊາດທີ2ທັນວາຄົບຮອບ45ປີ,ວັນຄ້າຍວັນເກີດຂອງປະ ທານໄກ ສອນພົມວິຫານຜູ້ນໍາທີ່ແສນເຄົາລົບຮັບຂອງປວງຊົນລາວທັງຊາດຄົບຮອບ100ປີ ແລະ ວັນສໍາຄັນ ອື່ນໆ.

ການແຂ່ງຂັນສຽງແຄນເຊື້ອຊາດລາວກັບຮຸ່ນສືບທອດຄັ້ງທີ1ທົ່ວນະຄອນ ຫລວງວຽງຈັນ ແມ່ນດໍາເນີນການຄັດ ເລືອກເປັນ3ຮອບນັບແຕ່ເດືອນມີນາຜ່ານມາເພື່ອຄັດເອົາຜູ້ທີ່ມີຄະແນນດີທີ່ສຸດໃນແຕ່ລະຮອບເຂົ້າມາແຂ່ງຂັນໃນຮອບຊິງຊະນະເລີດ,ສະເພາະຮອບຊີງຊະນະເລີດມີຜູ້ເຂົ້າຮ່ວມແຂ່ງ ຂັນທັງຫມົດ16ຄົນ ໃນນີ້ແບ່ງອອກເປັນ 4ປະເພດແຂ່ງຂັນຄື:ປະເພດອາຍຸ 7ຫາ14ປີຍີງ-ຊາຍ ແລະ ປະເພດອາຍຸ15ຫາ18ປີຍີງຊາຍເຊີ່ງກະຕິກາການແຂ່ງຂັນຜູ້ເຂົ້າຮ່ວມແຂ່ງຂັນຕ້ອງເປົ່າໃຫ້ຄົບຖ້ວນຕາມລາຍແຄນທີ່ທາງຄະນະກໍາມະການກໍານົດໃຫ້ເປັນຕົ້ນ:ເປົ່າໃຫ້ຖືກລາຍເດີມ,ລາຍແຄນຕ້ອງຈະແຈ້ງ ແລະຊັດເຈນ ມ່ວນ ແລະ ຖືກຈັງຫວະ

ສໍາລັບການແຂ່ງຂັນສຽງແຄນເຊື້ອຊາດລາວກັບຮຸ່ນສືບທອດຄັ້ງທີ1ທົ່ວນະຄອນຫລວງວຽງຈັນ ດໍາເນີນໄປດ້ວຍບັນຍາກາດຟົດຟື້ນໂດຍມີທ່ານສະຫວັນຄອນຣາຊະມຸນຕີຮອງລັດຖະມົນຕີກະຊວງຖະແຫລງຂ່າວວັດທະນະທໍາແລະ ທ່ອງທ່ຽວ,ທ່ານບຸນເຈົ້າ ພິຈິດ ຜູ້ອໍານວຍການໃຫຍ່ ໂທລະພາບແຫ່ງຊາດລາວ, ທ່ານ ຄໍາພັນເຫມືອນສິດທິດາປະທານສະມາຄົມແຄນລາວພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມເປັນຈໍາຫລາຍ.

ໂດຍ: ເດດອາລຸນ ແກ້ວວິໄລວົງ

Loading...